Новости за 22.10.2021

Туркойчохь ялх стаг лаьцна, шайлахь виъ Оьрсийчоьнан вахархо а волуш – Нохчийчуьра схьабевлла нах. Туркойн хаамийн гIирсаша дийцарехь, лецнарш зуьйш бу "шпионажца" (официалера термин) доьзна. Дозанал арахьа беха оппозиционераш-нохчий, Кадыров Рамзанан критикаш байъа баьхкина хила тарло уьш, боху прессо. И нах лецначу деношкахь вахна Кадыров Стамбуле (де билгалдаьлла дац). Стенна эшна цига ваха Кадыровна, дуй иза дозанал арахьарчу шен оппоненташна бекхам бан иза гIертарца дозалуш – оцу хьокъехь... Читать дальше...

Нохчийн филармонин директора дIахьедина, "культурица боьзна а боцуш, шайггара социалан машанашкахь иллеш олучу артисташца къийсам латтон" дагахь хиларх лаьцна. Амма дуьххьара дац иза. Культурин белхахой а боцуш, эшарш, иллеш олуш лелачу кегийрхошна шаьш реза цахилар дIахаийтира синбахамаллин урхалло ши шо хьалха а

Меттигера исс вахархо дIа а хIоттийна, цаьрга бехкаш даьхна Нохчийчохь пачхьалкхан инспекцин (ГИБДД) белхахоша некъан низамаш ца лардарна. Уьш бехкебина некъа тIехь кхераме хьелаш хIитторна. Соьлжа-ГIаларчу ГИБДД ДПС-н полкан дозана тIехь "профилактикан къамел" дина цаьрга, хаамбина урхаллан сайта тIехь. "Аш машенаш хоьхку, къийса а луш, ягорг чуйуттучу социйлехь машенаш хьийзайо. Шуьгара нахана хьовзам ца хилийта лаьтташ ду тхо кхузахь. Шуна сингаттам Iоттабелла ца Iаш, шу бахьанехь бехк боцу адамаш а хIаллакх ма хуьлу"... Читать дальше...

Тахана, ГIадужу-беттан 22-чохь 67 шо кхочур дара нохчийн яздархочун Хасаров ШаIранин. Иза карла а воккхуш, Маршо Радионо йовзуьйту цуьнан байтех цхьаъ - "Гуьйре"

Дуьненаюкъарчу бакъонашларъяран Amnesty International организацино кхайкхамбо Якутин шаманах Габышев Александрах дог мел лозучаьрга, Оьрсийчоьнан Iедалхошка кехаташ яздахьара, иза маьршаваккхар тIедожош аьлла. Шайн сайтехь бакъонашларъярхоша ишта зорбане даьккхина Оьрсийчоьнан могушалла Iалашъяран министре а, Новосибирскан кIоштан омбудсмене, цигарчу психиатрин дарбан цIийне а яздина кехат. Оцу лазартнехь латтош ву Габышев. Бакъонашларъярхойн кхайкхамехь боху, Габышев Александр, иза ваьхначу Якутскана... Читать дальше...

Бахархойн юкъаралла кхиочу Фондо бинчу талламашца, уггар а лахара алапаш оьцу Оьрсийчоьнан регионашлахь Нохчийчохь - 30 эзар сом, Дагестанехь 32,3 эзар сом, ГIебарта-Балкхаройчохь - 32,6 эзар, ГIалгIайчохь - 35,1 эзар сом. "Известия" газето зорбане даьхна талламан хьесапаш. Ткъа уггар а дукха белхан алапаш кхочучу лидерийн тептарехь ю Ямало-Ненецкан автономин го - 143 эзар сом, Чукотка- 132 эзар, Магаданан кIошт - 118 эзар, Камчатка - 107 эзар, Москва - 105,2 эзар сом. Нохчийчоьнан куьйгалхо... Читать дальше...

Нохчийн пачхьалкхан филармонин директоро Шагидаева Динас дIахьедина, "культурица боьзна а боцуш, шайггара социалан машанашкахь иллеш олучу артисташца къийсам латтон" дагахь хиларх. "Шаьш нахалабовла луучу зудабераша а, кегийчу наха а эшарш лоькхуш, артистех тера лелаш, филармонин а, кхечу синбахамаллин хIусамашкарчу а иллиалархойн кепехь лелаш, меттигаш баьржина", - боху Шагидаевас. "Нохчийн кегийрхошлахь магийта тарлуш доцург ду иза" аьлла, тIетоьхна цо. Директорна хетарехь, культурин сферехь... Читать дальше...

Дискуссин "Валдай" клубан сессихь вистхуьлучу заманчохь президенто Путин Владимира дIахьедина, йихкинчу террорхойн юкъараллийн тептарера "Талибан" болам дIабаккха хьийзар ю Оьрсийчоь аьлла. Оцу юкъанна президенто билгалдаьккхина, уггар а хьалха и дан дезарг Цхьаьнакхеттачу Къаьмнийн Организацин (ООН) Кхерамзаллин Кхеташо ю аьлла. Дуьненан дуккхаъчу мехкашкахь, иштта, Оьрсийчохь а цхьаьна террорхойн леринчу радикалан "Талибан" тобано тIом а ца беш, дIаяьккхира Афганистанан коьрта шахьар Кабул. Президенто... Читать дальше...