Новости за 16.12.2021

"Пачхьалкхан терроризман акт" йина Оьрсийчоьно Германин дозана тIехь аьлла, сацаммбина немцойн кхело. Бекхам боцуш дуьтур дац шаьш иза, боху Москвано

Оьрсийчоь вуно реза яц 2019-чу шарахь Берлинехь вийна волчу Гуьржийчоьнан махкахочун, Нохчийчуьрчу шолгIачу тIамехь дакъалаьцначу Хангошвили Зелимха верца доьзначу гIуллакхехула бинчу сацамна. Цунах лаьцна журналисташка дIахьедина Оьрсийчоьнан президентан пресс-секретара Песков Дмитрийс. "Тхо данне реза дац цу тайпачу жамIана, цу тайпачу формулировкина", - аьлла Кремлан векало, шега цу хьокъехь деллачу хаттарна жоп луш. ГIура-беттан 15-хь Берлинан латтан Лаккхарчу кхел реза хилира бехкбилларан... Читать дальше...

Ессентукехь дIадаьхьначу ладегIаршкахь Кисловодскерчу гIалин кхело ГIура-беттан 15-чохь 7,5 – 9 шераш кхайкхийна набахтехь даккха "лаьттан протестах" долчу девне ийзийначу ГIалгIайчуьрчу жигархошна. ГIалгIайн тайпанийн кхеташонан куьйгалхочун гIовса, Магасехь полицица дов эккхарца 2019 шеран бIаьста йирзинчу протестан митинган декъашхочо кхелан сацамна ша резавацар иштта хаийра: "ХIара ю-кх демократи, езарий шуна? ХIара ю-кх кхелан нийсо! Делла дIадовлалалц чудохка аьллехь, цара-м мел йсинчу ханна а чудухкур хилла". Читать дальше...

Американ Цхьаьтоьхначу Штаташка а, Евробарте а хьежар толуш ду Оьрсийчуьрчу бахархойн, хаам бо Маршо Радион Оьрсийн сервисо (Радио Свобода). Цу тайпа жамI деъна "Левада-центро" (юкъатоьхна ю "арахьарчу агентийн" реестрна) бинчу талламо. Кхушара Стигалкъекъа-баттахь Цхьаьнатоьхна Штаташка вочу агIор шаьш хьоьжуш хиларх лаьцна дийцира 54 процент хаттарехь дакъалаьцначу Оьрсийчуьрчу бахархоша, 31 процент респонденташ  дикачу агIор тIеоьцуш бара и пачхьалкх. Лахьан-баттахь Американ Цхьаьтоьхна Штаташ... Читать дальше...

Чубоьхина нах хьийзош яьхна видеош тIехь йолу Оьрсийчоьнан ТаIзарш кхочушдон Федералан сервисан (ФСИН) архив Gulagu.net проекте дIаеллачу стагана кхерамаш туьйсуш бу Оьрсийчуьра. Цунах лаьцна Gulagu.net кхоьллинчу Осечкин Владимира дийцина "Ленте.Ру" сайте, хаам бо Радио Свобода портало. Осечкина дийцарехь, бевзашбоцчара кхерамаш туьйсу ФСИН-ан хиллачу белхахочунна шаьш иза "дакъошка дIасаваьккхина, нехаш дIакхуьйсучу меттехь, боьха дийнат а, яматрхо а санна, дIавуллур ву" бохуш. Цуьнца цхьаьна... Читать дальше...

Нохчийчохь тIаьххьарчу кхаа шерачохь доьза вайна 4 984 стаг. Яккхийчу гIаланашца дуьстича, масала, Москвахь а, Москван кIоштахьчул а дукха лахара дац и терахь. Байнарш наггахь бен ца карочу регионашлахь а "лидер" ю Нохчийчоь. Республикехь хIора шарахь вовш волчу 1 700 стагах 20-30 бен карош вац. Къилбаседа ХIирийчохь а, Кхарачой-Чергазийчохь а хьал гIоле ду, амма цигахь а хIора иттолгIаниг бен карош вац. Оьрсийчоьнан чоьхьарчу гIуллакхийн министраллан диллинчу хьасташкара зерашна тIетевжина бина и хаам пачхьалкхан "Новости" агенталло. Читать дальше...

Европан парламенто резолюци тIеэцна, политикан бахьана" долуш "Дуьненаюкъара Мемориал" а, бакъонашларйон центр "Мемориал" а " хьийзор а, дIакъовла гIертар а емалдеш. И ши вовшахтохаралла юкъатоьхна ю Оьрсийчоьнан Юстицин министралло арахьара агенташ олучу тептарна. Европарламанта кхайкхам бина, хьем ца беш, "Мемориална" бехкина берриг бехкаш юхабаха, аьтто бе цаьршинна кхидIа а болх бан, Iедал юкъа а ца гIерташ аьлла. Парламантан декъашхоша иштта кхайкхина Европан Кхеташонан векале Боррел Жозепе санцеш кхайкхае аьлла... Читать дальше...

Американ Цхьаьнатоьхначу Штатийн ТIеман ХIордан ницкъаша дIакхайкхийна шаьш лазеран герз зийна хилар, Гергарчу Малхбалехь оцу гIуллакхна кечйина хи чохь лела Iалашо хIаллак а еш. Цунах лаьцна хаам бо "Американ аз" зорбан гIирсо. Оцу тайпачу герзан системех пайда эцалур бу шеца бомбанаш йолу Йеменерчу гIаттамхоша ЦIен хIордехь тIелетарш деш лелочу тIехь адамаш доцчу катершца къийсам латтош. Зераш дIахьуш Американ Цхьаьнатоьхначу Штатийн ТIеман ХIордан ницкъийн "Портленд" хIордан кемано гайтаман лазеран топп тоьхна Малхбален Африка а... Читать дальше...

Ростовхь куп тоьхначу Къилбан гонан тIеман суьдо 6 шо колонехь даккха хан кхайкхийна Ставропол-махкара Зеленокумскерчу 17 шо долчу яхархочунна, Iожалхо санна Соьлжа-ГIалахь эккхийтар дан кечлуш хилла аьлла, хаам бо Кавказ.Реалиино. Оьрсийчоьнан Талламан комитета бинчу хаамца, йоI радиклан ойланаш йолуш хилла, "социалан машанехула зуламхойн тобанах дIакхетта иза, махкал арахьа вехачу Нохчийн Республикан вахархочо кхоьллина йолчу". Стохка шо чекхдолшу цо "хаам бина зуламан тоба вовшахтоьхначуьнга, теракт ян лууш я ша эккха а эккхаш аьлла". Читать дальше...