Новости за 30.12.2021

Нохчийчохь Кадыров Рамзанан критикийн гергарнаш лечкъорна а, иштта йоллу Оьрсийчохь бакъонашларъярхошна Iаткъам барна а дуьхьал акци дIаяьхьна нохчийн диаспоран векалша Норвегин парламентана хьалха Ослохь тахана. Де хьалха бен хаам бина ца хиллера барам хIоттош хиларх, цундела дукхахболчу жигархошна тIаьхьо бен ца хиънера цунах лаьцна. Майданахь вовшахкхеттера 50 гергга стаг. Норгийн маттахь йозанаш тIехь долу плакаташ дара гулбеллачийн карахь: "ГIо лаца вай "Мемориалан", "Сацайе киднеппинг а, зударий хьийзор а!"... Читать дальше...

ГIалгIайчохь некъаца хиллачу конфликтана юкъахь хилла Нохчийчоьнан вице-премьеран Усмаев Вахьитан кIант Усмаев Расул травматикан герз кхетта лазийна, дарбан цIийне кхачийнера иза. "Фортангас" а, Baza телеграм-канало а бина цунах лаьцна хаам. Кавказ.Реалиин хаамашца, хиллачух полицига дIахаийта дуьхьал хилла ший а агIо. ГIалгIайчуьрчу чоьхьарчу гIуллакхийн министраллан урхалло хиллачух лаьцна комментари йина яц. Официалан реакци яц Соьлжа-ГIалара а. Карарчу беттан 27-чохь хилла ю инцидент, дов... Читать дальше...

Доьрзуш лаьттачу шеран чаккхе Нохчийчоьнна дагахьлаьттар ю республикерчу Iедало шена резабоцчу блогерийн, жигархойн гергара нах идийна хиларца. Оцу акцешахь дакъалоцуш федералан урхаллашкара белхахой хиллехь а, Москварчу хьаькамаша даима а санна тергамза йитина уьш. Эксперташа а, бакъонашларъярхоша а билгалдаккхарца, хIоьттинчу хьолехь цхьаъ бен бац некъ – хилларг официалехь нахалдаккхар. Лечкъийна нах ГIуран-беттан 21 -25-чу деношкахь, буьйсанашкахь ерриг а Нохчийчухула. Доьзалца шен зIе хаьдда... Читать дальше...

Ставрополан кIоштан Лермонтов гIалин кхело бехкевина ГIебарта-Балкхаройчуьра вахархо Кадыкоев Туган экстремистийн материалаш яржийна аьлла. Дуьйцург ду, экстремистийн лерина, федералан тептаре даьккхина нохчийн бардан Муцураев Тимуран илли. Официалан версица, "ВКонтактерачу" социалан машанехь Кадыкоевс зорбане даьккхина "12 эзар муджахIид" аудиофайл. 2017-чу шарахь Охан-беттан 18-чохь Калининградан кIоштарчу Гусевскан кхело и композици яржор дихкина ду. Ставрополан кIоштарчу ФСБ-н урхаллина... Читать дальше...

Спортан "Ахмат" клубан кхаа латархочунна мерседесаш а, кхин а 11-нна цхьацца миллион сом ахчанаш а дIасадекъна Нохчийчоьнан куьйгалхочо Кадыров Рамзана. Кадыровца йоьзна лоручу инстаграмерчу агIонехь бина цунах лаьцна хаам. Информаци яржийна иштта Соьлжа-ГIалина муьтIахь йолчу мехкан зорбанаша а. "Сан хьомечу НАНАС, Кадыров Ахьмадан цIарахчу Фондан Президенто Аймани Несиевнас тIедиллина там болу декхар кхочушдина ас. "Мерседес" машенийн догIанаш делла кхаа стагана, ткъа 11 спортхочунна - цхьацца миллион соьмаш. Читать дальше...

1998-чу шарахь стаг лачкъорца доьзна таIзар деш сацам бина Ставрополан кIоштан кхело. Регионерчу Талламан комитето а, кIоштан прокуратуро а хаамбарца, луларчу махкара 52 шо долчу стагана исс шой ах шой хан тоьхна шогачу хьелашкарчу колонехь даккха. Бехкечун цIе а, къам а хьахош дац урхаллаша. Талламан хаамашца, 1998-чу шарахь шен кхаа декъахочуьнца цхьаьна вуьйцучу стага лачкъийна хилла цхьахйолчу юьртбахаман организацин куьйгалхочун, хIетахь Ставрополан думан депутат хиллачун 19 шо долу кIант. Читать дальше...

ГIаттамхошна гIо латтийна ву аьлла, бехкевечу шина вешин Магамадов Салехьан а, Исаев Исмаилан а гIуллакхехула тешаш болчара дIахьедина, материалех дIатоьхна кийтарлонаш шаьшиммо йина яц, талламхочо деллачу кехаташна куьйгаш яздайтира шайга аьлла. Дахначу кхаарин дийнахь кхелан кхеташонехь дина цара оцу кепара дIахьедар. The Insider (Оьрсийчохь СМИ-арахьара агент лерина, амма интернет-гIирс цунна реза ца хилла) ресурсан информацица, и тешаш - талламан барамашкахь Сальмурзаев фамили йолчуьнца юкъабалийна хилла тешхIоттийнарш бу. Читать дальше...