Футболах ловзархочо Озила зуда ялийначу тевнехь хилла президент Эрдоган
Лондонерчу "Арсеналан" футболах ловзархочун Озил Месутан ловзарехь хилла Туркойчоьнан президент Эрдоган Реджеп. Цунах лаьцна хаам гучубаьлла Twitter -ехь.
Зуда ялийначу меттигехь яьккхинчу видео тIехьгуш ду туркойн лидер шен хIусамненаца цхьана керла доьзал кхолларан церемонехь дакъалоцуш хилар.
Daily Mail зорбанан гIирсо дийцарехь, той хилла Истанбулехь. Туркойчоьнан куьйгалхочо довха дешнаш аьлла керла доьзал кхолларца Озил Месуте а, Гюльше Амине. 1993-чу шарахь Швецерчу Гётеборгехь йина Гюьлше актриса ю.
Дийцарехь, Туркойчоьнан президент дукха хенахь дуьйна доттагIаллан юкъаметтигаш лелош ву Озилца.
1988 шарахь Германехь вина волу Озил вара немцойн футболан тобанана декъашхо 2009-чу шарахь дуьйна. Оцу тобанца иза дуьненан чемпион хIоьттира 2014-чу шарахь.