Путина шегара дарж дIадала мега Кадыровга, хета социалан машанашкахь
Социалана машанаш лелочара тидаме эцна Оьрсийчоьнан президенто Путин Владимира шегара дарж дIалур долчуьнах лаьцна аьлла дешнаш. Цу хьокъехь вуно дукха комментареш йитина цара «ВКонтакте» а, Twitter-хь а.
Путин хаийтира шегара дарж дIалур долу стаг билгалваккхарх лаьцна ша ойла еш хиларх лаьцна 2000-чу шарахь дуьйна. Амма, цо ша ма аллара, президент хоржуш ду халкъ. Оьрсийчуьрчу бахархоша, Путина аьлларг тидаме а эцна, социалан машанашкахь ялийна мехкан коьрте хIотта тарлучу политикийн цIерш, яздо URA.RU
Оьрсийчоьнан арахьарчу гIуллакхийн министр Лавров Сергей а, тIеман министр Шойгу Сергей а, Пачхьалкхан Думан гIантда Володин Вячеслав а, премьер-министр Медведев Дмитрий а хилла ца Iаш, царна юкхаь ву Нохчийчоьнан куьйгалхо Кадыров Рамзан а.
Цхьайолчу комментарийн авторшна ца лиъна Путинан тIаьхье харжа, цо кхин дIа а урхалла дан деза пачхьалкхана аьлла, билгадоккху URA.RU сайто.