Нохчийчуьрчу неканчас Закраилов Заура дуьненан рекорд хIоттийна Байкал хIорд тIехь. "Байкал-Daily" хьостано хаамбарца, кху беттан 3-чохь Iуьйранна пхи сахьт даьллачу хенахь Керчан спортан-патриотикан "Слава" клуб вовшахтоьхна Тимошенко Вячеслав а, клубан спортхо Семеняка Евгений а, Нохчийчуьрчу кхузаманан таррашца латарх ловзаран Федерацин куьйгалхо Закраилов Заур а дIаволавелира нека дан Выдрино - Листвянка (45 километр) маршрутехь. Юккъе бевллачу хенахь тобан нека къовсар юкъахдаккха дийзира хенан хIоттам хийцабаларца.
Дахначу оршотдийнахь юха а дIадолийра цара. Цхьана дийнахь, бусий церан аьтто хилира шаьш севцначу 45 километр тIера кхин а 55-не неканца дIабаха. Нека къовсарна тIехь терго латтош яра говзанчийн комисси, шайлахь неканча-экстремал Бугай Андрей а волуш.
Кхо бутт хан хилла Закраилов оцу марафонна кечлуш волу. Нека къовсаран Iалашо хилла – хIорд боьха хиларна тIе Iедалхойн тидам озор.
