რუსეთში სასამართლომ რვა წლით პატიმრობა მიუსაჯა ლიბერალ პოლიტიკოსს, ნიკიტა ბელიხს
მოსკოვში სასამართლომ რვა წლით პატიმრობა მიუსაჯა ლიბერალ პოლიტიკოსს, კიროვის ოლქის ყოფილ გუბერნატორ ნიკიტა ბელიხის, რომელიც დამნაშავედ ცნო ქრთამის აღებაში. ყოფილი გუბერნატორი ბრალდებებს უარყოფს და მის საქმეს სპეცსამსახურების პროვოკაციად მიიჩნევს. ბელიხის დაკავებას ხელმძღვანელობდა უშიშროების ფედერალური სამსახურის გენერალი ოლეგ ფეოქტისოვი - იგივე პირი, ვინც მუშაობდა ეკონომიკური განვითარების ყოფილი მინისტრის, ალექსეი ულიუკაიევის საქმეზე. ბელიხი 2016 წლის ივნისში დააკავეს. გამოძიების ვერსიით, ქრთამის სანაცვლოდ ყოფილმა გუბერნატორმა პირობა დადო, რომ გარკვეულ კომპანიებს შეიყვანდა ოლქის საინვესტიციო პროექტების სიაში.