მოსკოვი მკაცრად გამოეხმაურა აშშ-ის საყვედურს შავი ზღვის თავზე მომხდარ საჰაერო ინციდენტზე
მოსკოვი მკაცრი ტერმინოლოგიით გამოეხმაურა აშშ-ის საყვედურს იმ "სახიფათო" ინციდენტზე, როცა რუსეთის სამხედრო თვითმფრინავმა 1,5 მეტრის დაშორებით ჩაუფრინა აშშ-ის საზღვაო სადაზვერვო თვითმფრინავს შავი ზღვის თავზე. რუსეთის მედიაში 1 თებერვალს გავრცელებული განცხადებების თანახმად, რუსეთის თავდაცვის სამინისტრო ამბობს, რომ აშშ-ის თვითმფრინავს საფრთხე არ შექმნია. ინციდენტი მოხდა 29 იანვარს ყირიმთან ახლოს - რომლის უკრაინისგან ანექსირებაც რუსეთმა 2014 წელს მოახდინა. "19 იანვარს რუსეთის საბრძოლო თვითმფრინავის მანევრები იყო სტანდარტული, აბსოლუტურად კანონიერი და უსაფრთხო აშშ-ის სადაზვერვო თვითმფრინავისთვის"- აცხადებს სამინისტრო. მოსკოვის პოზიციაზე დაყრდნობით, რომ ყირიმი ახლა რუსეთის ნაწილია, და აშშ-ის სამხედრო ფროტის წარმომადგენლობის მისამართით სამინისტრომ განაცხადა, რომ აშშ-ის პილოტები, რომლებიც იმ არეალში დაფრინავენ, უფრო მეტად რუსეთის სამხედრო თვითმფრინავებს უნდა ელოდნენ, ვიდრე უკრაინულს. ინციდენტიდან რამდენიმე საათის შემდეგ სახელმწიფო დეპარტამენტმა რუსეთს მოუწოდა "შეწყვიტოს ეს სახიფათო ნაბიჯები, რომლებიც ზრდიან არასწორი გათვლების, ორივე მხარის პილოტთა მიმართ საფრთხის და ჰაერში მომხდარი კოლიზიების ალბათობას".