მორის ყვითელაშვილმა თავისუფალ პროგრამაში ბოლო ადგილი დაიკავა
მორის ყვითელაშვილმა წარუმატებლად დაასრულა პიონჩანგში, ზამთრის ოლიმპიურ თამაშებზე გამოსვლა. ფიგურულ სრიალში, მამაკაცებს შორის თავისუფალ პროგრამაში სულ 24 მონაწილე ჩაება კონკურენციაში და ქართველმა მოციგურავემ ბოლო, 24-ე შედეგი აჩვენა. გუშინ, მოკლე პროგრამაში მორის ყვითელაშვილი 22-ე ადგილზე გავიდა. ორივე პროგრამის საერთო შედეგით კი ორი პოზიციით უკან დაიხია. ოლიმპიური ჩემპიონი გახდა იაპონელი იუჟურუ ჰანიუ; ვერცხლის მედალსაც იაპონელი მოციგურავე შომა უნო დაეუფლა; ბრინჯაო ესპანელ ხავიერ ფერნანდესს ერგო.