"ძალა ერთობაშია" ჟინვალთან გზის გადაკეტვას გეგმავს
ჟინვალთან, საქართველო-რუსეთის გზის გადაკეტვას გეგმავს სამოქალაქო მოძრაობა „ძალა ერთობაშია“. ადგილზე იმყოფება მოძრაობის რამდენიმე ათეული წევრი. ისინი რუსული სანომრე ნიშნებით მოძრავი ტრანსპორტის შეჩერებას გეგმავენ. მათი თქმით, აქცია გაგრძელდება 17 აპრილს სოფელ ფლავისმანში დაკავებული თამაზ ილურიძის გათავისუფლებამდე. ჟინვალში უკვე მობილიზებულია პოლიცია.
17 აპრილს გორის მუნიციპალიტეტის სოფელ ფლავისმანში რუსეთის საოკუპაციო ძალების წარმომადგენლებმა საქართველოს მოქალაქე თამაზ ილურიძე დააკავეს. თამაზ ილურიძე თანასოფლელთან, გელა გიუნაშვილთან ერთად პირუტყვს მწყემსავდა, რა დროსაც შეიარაღებული პირები გამოჩნდნენ. გიუნაშვილმა გაქცევა მოახერხა და მომხდარის შესახებ პოლიციას აცნობა.