საქართველოს ძიუდოისტთა ნაკრები მწვრთნელების გარეშე დარჩა
ირაკლი ცირეკიძე აღარაა საქართველოს ძიუდოისტთა ეროვნული ნაკრების მთავარი მწვრთნელი. ამის შესახებ განაცხადა საქართველოს ძიუდოს ფედერაციის პრეზიდენტმა დავით ქევხიშვილმა. მან ფეისბუქით გაავრცელა ვიდეომიმართვა, რომელშიც ამბობს, რომ ევროპის ჩემპიონატზე უმედლოდ დარჩენის შემდეგ ესაუბრა ნაკრების მწვრთნელებს და გადაწყდა, რომ ცირეკიძე და მისი საწვრთნელი შტაბი გუნდთან აღარ იმუშავებენ. საქართველოს ძიუდოისტთა ნაკრები 26-28 აპრილს, თელ ავივში გამართულ ევროპის ჩემპიონატზე უძლიერესი შემადგენლობით გამოვიდა, მაგრამ ერთი მედალიც ვერ მოიპოვა.