ჯგუფი Bellingcat სკრიპალის საქმის მეორე ეჭვმიტანილს ასახელებს გრუ-ს აგენტად
საგამოძიებო ვებსაიტმა, Bellingcat-მა რუსეთის ყოფილ აგენტზე, სერგეი სკრიპალზე ბრიტანეთში ნერვული ნივთიერებით განხორციელებულ თავდასხმაში მეორე ეჭვმიტანილში ამოიცნო სამხედრო ექიმი, რომელიც რუსეთის სამხედრო დაზვერვისთვის, გრუ-სთვის მუშაობს. ბრიტანელმა პროკურორებმა გასულ თვეში ორ რუსს, რუსლან ბოშიროვს და ალექსანდრ პეტროვს წაუყენეს ბრალი მკვლელობის მცდელობაში, სკრიპალის და მისი ქალიშვილის ნერვული ტოქსინით მოწამვლის გზით. პროკურორები მაშინ აცხადებდნენ, რომ ბრალდებულები გრუ-ს აგენტები იყვნენ, რუსეთი კი გადაჭრით უარყოფდა კავშირს სკრიპალების მკვლელობის მცდელობასთან. "ჩვენ დავადგინეთ, რომ 'ალექსანდრ პეტროვი' სინამდვილეში ექიმი ალექსანდრ ევგენიევიჩ მიშკინია, გამოცდილი სამხედრო ექიმი, რომელიც გრუსთვის მუშაობს" - წერს Bellingcat-ი თავის ვებსაიტზე. 26 სექტემბერს ამავე საგამოძიებო ჯგუფმა ბოშიროვში ამოიცნო გრუ-ს პოლკოვნიკი, ანატოლი ჩეპიგა.