გერმანიაში დააკავეს ირანისათვის ჯაშუშობაში ეჭვმიტანილი პირი
გერმანიაში დააკავეს 50 წლის კაცი, რომელიც ეჭვმიტანილია ირანის სასარგებლოდ ჯაშუშობაში. ოფიციალური განცხადებით, ავღანეთისა და გერმანიის მოქალაქე აბდულ ჰამიდ ს. ინფორმაციას აწვდიდა ირანის დაზვერვის სააგენტოს.
გერმანიის ფედერალურმა პროკურატურამ 15 იანვარს გააკეთა განცხადება, რომლის თანახმადაც, აბდულ ჰამიდ ს. გერმანიის სამხედრო ძალებში მუშაობდა „ენის ექსპერტად და მრჩევლად კულტურის საკითხებში“. ხოლო გერმანიის თავდაცვის სამინისტროს პრესმდივნის განცხადებით, სამინისტროსთვის ცნობილია „ბუნდესვერის“ თანამშრომელთან დაკავშირებული ჯაშუშობის საქმეზე. პრესმდივანს დეტალებზე არ უსაუბრია.
გერმანიის ავტორიტეტიან გამოცემა „შპიგელის“ ინტერნეტ-ვერსიის ცნობით, ბრალდებული, სავარაუდოდ, წლების განმავლობაში ჯაშუშობდა და ჰქონდა წვდომა გასაიდუმლოებულ ინფორმაციაზე, მაგალითად, ავღანეთში გერმანელი სამხედროების მისიაზე.
ირანელი ოფიციალური პირები ჯერ არ გამოხმაურებიან ამ ცნობას.