კენიაში მსხვერპლი მოჰყვა სასტუმროზე თავდასხმას
კენიის დედაქალაქ ნაირობიში, სულ ცოტა, ერთი ადამიანის სიცოცხლე შეიწირა სასტუმროზე მოწყობილმა შეიარაღებულმა თავდასხმამ. აფეთქებისა და სროლის შედეგად დაიჭრა სასტუმროში მყოფი რამდნიმე ადამიანი.
ადგილობრივი სამართალდამცველები მომხდარს ტერაქტად მიიჩნევენ. თავდასხმაზე პასუხისმგებლობა აიღო რადიკალურმა ისლამისტურმა დაჯგუფება „ალ-შაბაბმა“. პოლიციის ინფორმაციით, თავდასხმაში მონაწილეობდა რამდენიმე ადამიანი, მათ მიმალვა შეძლეს.
ბოლო წლებში კენიაში მოეწყო რამდენიმე თავდასხმა, რომელზე პასუხისმგებლობაც ისლამისტებმა იკისრეს. 2015 წელს ნაირობის უნივერსიტეტზე თავდასხმისას მოკლეს 150-მდე სტუდენტი. ძალადობამ იმატა მას შემდეგ, რაც კენიელი სამხედროები ჩაერთნენ საბრძოლო მოქმედებებში სომალიში „ალ-შაბაბის“ წინააღმდეგ.