2018 წელს რუსეთში სიკვდილიანობის მაჩვენებელი აღემატებოდა შობადობისას
2018 წლის 11 თვეში რუსეთში სიკვდილიანობის მაჩვენებელი 193 ათასი ადამიანით მეტი იყო, ვიდრე შობადობისა. საინფორმაციო სააგენტო „ტასის“ ცნობით, ამის შესახებ 15 იანვარს გამოაცხადა რუსეთის ვიცე-პრემიერმა ტატიანა გოლიკოვამ.
მისი მონაცემებით, მოკვდაობის ყველაზე მაღალი მაჩვენებლები აღირიცხა ფსკოვის, სმოლენსკის, ტამბოვის, ტვერისა და ტულის ოლქებში, ხოლო მოსახლეობის ბუნებრივი მატება დაფიქსირდა ჩრდილოეთ კავკასიაში, იაკუტიაში, ტუვისა და ტიუმენის ოლქებში.
მთავრობა მოელის, რომ ნეგატიური ტენდენცია შეიცვლება 2023-2024 წლებიდან.
რუსეთის სტატისტიკის სამსახურმა დეკემბრის ბოლოს გამოაქვეყნა მონაცემები, რომელთა თანახმად რუსეთის მოსახლეობა შემცირდა პირველად ბოლო 10 წლის განმავლობაში. სტატისტიკის ფედერალური სამსახურის მონაცეტებით, 2018 წელს რუსეთის მოსახლეობა 146,9 მლნ ადამიანის შეადგენდა.