რუსეთში პატიმრობა გაუგრძელეს ქერჩის სრუტესთან დაკავებულ უკრაინელ მეზღვაურებს
მოსკოვში სასამართლომ 24 აპრილამდე გაუგრძელა პატიმრობის ვადა 12 კაცს ქერჩის სრუტესთან ნოემბერში დაკავებული სულ 24 უკრაინელი მეზღვაურიდან. ამის შესახებ იუწყება რუსეთის სამართლებრივი და სასამართლო ინფორმაციის სააგენტო.
რუსეთის უშიშროების ფედერალური სამსახურის შუამავლობით, სასამართლოს სხდომები დახურულ რეჟიმში ტარდება. უკრაინელ მეზღვაურებს სახელმწიფო საზღვრის დარღვევაში ადანაშაულებენ. დაკავებულები ექვს „ოთხეულად“ არიან განაწილებული, სხდომები იმართება ლეფორტოვოს რაიონული სასამართლოს სამ დარბაზში.
2018 წლის 25 ნოემბერს რუსეთის სამხედრო ხომალდებმა ყირიმის ნახევარკუნძულთან ცეცხლი გაუხსნეს უკრაინის სამ გემს და დააკავეს ისინი, ისევე როგორც მათზე მყოფი მეზღვაურები. უკრაინა მომხდარს აგრესიის აქტად მიიჩნევს.