აშშ: რუსეთი „არსებითად არღვევს“ ბირთვულ იარაღზე ხელშეკრულებას
აშშ-ის განცხადებით, რუსეთი კვლავინდებურად „არსებითად არღვევს“ ხელშეკრულებას საშუალო და მოკლე რადიუსის რაკეტების ლიკვიდაციის შესახებ. აშშ-ის ეს განცხადება გავრცელდა მას შემდეგ, რაც ისევ ვერ მიაღწიეს პროგრესს ორმხრივ მოლაპარაკებაზე, რომლის მორიგი რაუნდი 15 იანვარს ჟენევაში გაიმართა.
შარშან ოქტომბერში აშშ-ის პრეზიდენტმა დონალდ ტრამპმა განაცხადა, რომ ვაშინგტონი ხელშეკრულებიდან გავა, თუ რუსეთი არ შეასრულებს ნაკისრ ვალდებულებებს.
აშშ-ის სახელმწიფო მდივნის მოადგილე იარაღის კონტროლისა და საერთაშორისო უსაფრთხოების საკითხებში, ანდრეა ტომპსონი თავის განცხადებაში საუბრობს შეხვედრით „იმედგაცრუებაზე“. როგორც ტომპსონი აღნიშნავს, მისი დელეგაციის გზავნილი მკაფიო იყო: რუსეთმა უნდა გაანადგუროს სარაკეტო სისტემები, რომლებითაც არღვევს ხელშეკრულებას:
ჟენევის შეხვედრაზე რუსეთის დელეგაციას ხელმძღვანელობდა საგარეო საქმეთა მინისტრის მოადგილე სერგეი რიაბკოვი. მისი თქმით, პასუხისმგებლობა „მთლიანად ეკისრება ამერიკის მხარეს“.