ბათუმში საპროტესტო აქცია მიმდინარეობს სასუქების ტერმინალის მშენებლობის წინააღმდეგ
ბათუმის ნავსადგურის ტერიტორიაზე მინერალური სასუქების ტერმინალის დაგეგმილი მშენებლობის წინააღმდეგ საპროტესტო აქცია მიმდინარეობს ბათუმის პორტის ადმინისტრაციასთან. საპროტესტო აქციის ორგანიზატორი საინიციატივო ჯგუფის წევრები მიიჩნევენ, რომ ბათუმში შენდება ქიმიური ტერმინალი, რომელიც არა მხოლოდ გაცხადებულ მინერალურ სასუქს კარბამიდს გადაზიდავს, არამედ სხვა ქიმიურ ნივთიერებებს, რომელიც მათივე მოსაზრებით ეკოლოგიურ საფრთხეს შექმნის ტურისტულ ქალაქში. თავის მხრივ ეკოლოგიურ საფრთხეებს გამორიცხავს ტერმინალის მშენებელი კომპანია Wordernet Exspress ში, რომელმაც მინერალური სასუქების ტერმინალის ასაშენებლად საინვესტიციო ხელშეკრულება გააფორმა ამერიკულ კორპორაცია Trammo-სთან. პროექტით 20 მილიონი ამერიკული დოლარის ოდენობის ინვესტიციის განხორციელება იგეგმება.