საქართველოს პრეზიდენტის პირველი ვიზიტი ბრიუსელში გაიმართება
საქართველოს პრეზიდენტი 21 იანვარს გაემგზავრება ბრიუსელში, სადაც სალომე ზურაბიშვილი, პირველი ოფიციალური ვიზიტის ფარგლებში, მოლაპარაკებებს გამართავს ნატოსა და ევროკავშირის წარმომადგენლებთან. ვიზიტის დეტალები ჯერჯერობით უცნობია. მანამდე ზურაბიშვილმა კონსულტაციები გამართა პრემიერ-მინისტრ მამუკა ბახტაძესთან და მთავრობის სხვა წევრებთან. საქართველოს პრეზიდენტის ვიზიტი ბრიუსელში 23 იანვრამდე გასტანს.