საქართველოში კორონავირუსით ინფიცირებულთა რაოდენობა 77-მდე გაიზარდა
საქართველოში კორონავირუსით ინფიცირებულთა რაოდენობა 77-მდე გაიზარდა. ინფორმაცია ამის შესახებ ინფექციური საავადმყოფოს დირექტორმა, მარინა ეზუგბაიამ განაცხადა. ამ 77 ადამიანიდან, 34 თბილისის ინფექციურ საავადმყოფოშია, 10 - გაეწერა, დარჩენილი 33 ადამიანი კი საქართველოს სხვადასხვა ქალაქში კორონავირუსის ინფიცირებულთა მიმღებ ცენტრებში არიან გადანაწილებულები. მისი თქმით, ბოლო ხუთი პაციენტიდან ერთი - ბათუმში, ერთი - ზუგდიდში, ერთი - გორში, ორი კი მათ კლინიკაშია. ბოლო მონაცემებით, საკარანტინე რეჟიმში 4 055 ადამიანი რჩება, 252 კი სტაციონარში.