ნინო შუბლაძე: არ მიმიღია „რუსთავი 2“-ში დაბრუნების გადაწყვეტილება
ნინო შუბლაძე, რომელიც იყო „რუსთავი 2“-ის გენერალური დირექტორის მოადგილე, საინფორმაციო სამსახურის უფროსი და პოლიტიკური ტოქშოუს წამყვანი, არხზე მისი შესაძლო დაბრუნების შესახებ გავრცელებულ ინფორმაციას ეხმაურება.
შუბრაძე Facebook-ზე წერს, რომ სამაუწყებლო კომპანია „რუსთავი 2“-ში დაბრუნებას არ აპირებს.
„სალამი ყველას სახედაკარგულებსაც!
პირველ რიგში დავიწყებ იმით რომ არ მიმიღია გადაწყვეტილება მედიაში და კერძოდ რუსთავი2-ში დაბრუნების თაობაზე. შემოთავაზება მივიღე მხოლოდ ...
მეორე დღეა ვყურებ სრულ ისტერიას …ოდესმე ამ შოკიდანაც ალბათ გამოვალ ...
ენას ძვალი არ აქვს, თუმცა ვინც მიცნობს, ზუსტად იცის არასოდეს არც მორალურ ზღვარს გადამიბიჯებია ადამიანებთან, ჩემს კოლეგებთან ურთერთობაში, მიუხედავად იმისა რომ მარტივი წლები არ გაგვივლია ერთად ... არც ახლა გადავალ ამ ზღვარს....
ამიფეთქდა ტელეფონი - თქვენი პიროვნულიი გამხნევება ჩემთვის ძალიან მნიშვნელოვანი იყო“, - წერს შუბლაძე.
„რუსთავი 2"-ის გენერალურმა დირექტორმა პაატა სალიამ 20 აგვისტოს მიიღო არხის საინფორმაციო სამსახურის ხელმძღვანელის, ნოდარ მელაძის, აგრეთვე ტოკშოუების წამყვანების: ეკა კვესიტაძისა და გიორგი გაბუნიას გათავისუფლების შესახებ გადაწყვეტილება.