ბათუმის საკრებულოს წევრი ბოდიშს იხდის რუსთავი 2-ის ჟურნალისტების მიმართ უცენზურო სიტყვებისთვის
ბათუმის საკრებულოს წევრი „ქართული ოცნებიდან“, ირაკლი პატარიძე ბოდიშს იხდის იმ უცენზურო ფეისბუქ-კომენტარზე, რომელიც მან რუსთავი 2-დან გათავისუფლებული ჟურნალისტების მისამართით 21 აგვისტოს დაწერა.
ირაკლი პატარიძე, რომელიც ამავე დროს, ბათუმის საკრებულოს განათლების, კულტურის, ტურიზმისა და სპორტის საკითხთა კომისიის თავმჯდომარეა, სოციალურ ქსელში წერს, რომ კომენტარი მან ემოციურ ფონზე დაწერა:
„ჩემი აღელვება მოჰყვა რუსთავი 2-ის ყოფილი დირექტორის, ნიკა გვარამიას მიერ არაერთხელ გაკეთებულ შეურაცხმყოფელ გაცხადებას, მათ შორის ღია ეთერით (გინება, ლანძღვა, ბილწსიტყვაობა), ამან გამოიწვია ჩემი აღელვება, რის გამოც ვერ შევიკავე თავი და საზოგადოებისთვის მიუღებელი ფორმით გამოვხატე ემოცია“.