„დიდი შვიდეულის“ სამიტის მეორე დღის მთავარი თემაა დაძაბულობა მსოფლიო ვაჭრობაში
„დიდი შვიდეულის“, მსოფლიოს წამყვანი სამრეწველო ქვეყნების, ლიდერები საფრანგეთის სამხრეთ-დასავლეთში სამდღიან სამიტს აგრძელებენ. სამიტის, რომლის მონაწილეებს შორის აზრთა სხვადასხვაობას მოელოდნენ, მეორე დღის მთავარი თემაა მსოფლიო ვაჭრობა.
სამიტში მონაწილეობენ აშშ-ის პრეზიდენტი დონალდ ტრამპი და ბრიტანეთის ახალი პრემიერ-მინისტრი ბორის ჯონსონი. შეხვედრა, რომელსაც საფრანგეთის პრეზიდენტი ემანუელ მაკრონი მასპინძლობს, იმართება საკურორტო ქალაქ ბიარიცში, სადაც ჩასული არიან გერმანიის, კანადის, იტალიისა და იაპონიის ლიდერები, მათთან ერთად კი - ინდოეთის პრემიერ-მინისტრი ნარენდრა მოდი, როგორც სტუმარი, რომელიც ორმხრივ შეხვედრებს გამართავს კოლეგებთან ქაშმირის თაობაზე. სტუმრად მიწვეული არიან სხვა ქვეყნების ლიდერებიც.
სამიტის პირველ დღეს, 24 აგვისტოს, ევროპის კავშირის საბჭოს თავმჯდომარემ დონალდ ტუსკმა უარყო აშშ-ის პრეზიდენტ დონალდ ტრამპის წინადადება, დაუბრუნდეს რუსეთი მსოფლიოს წამყვანი სამრეწველო ქვეყნების ჯგუფს. ევროპის კავშირის საბჭოს თავმჯდომარის თქმით, ახლა უფრო მეტი მიზეზი არსებობს, არ მიიღოს „დიდმა შვიდეულმა“ მოსკოვი თავი რიგებში. დონალდ ტუსკი გამოვიდა წინადადებით, უკრაინა სტუმრის სტატუსით მიიწვიონ შემდეგ სამიტზე. რუსეთი „დიდი რვიანიდან“ გაიწვიეს უკრაინის მიმართ მისი პოლიტიკის - ყირიმის ანექსიის და უკრაინის აღმოსავლეთში სეპარატისტთა მხარდაჭერის გამო.
სამიტის მეორე დღეს ორმხრივი შეხვედრები იმართება.