ირანში 23 წელი მიუსაჯეს მწერალ და სატირიკოს ქიუმარს მარზბანს
23 წლით და ცხრა თვით პატიმრობა მიუსაჯა ირანის სასამართლომ მწერალს და სატირიკოსს, ქიუმარს მარზბანს. მას სხვადასხვა ბრალდება აქვს წაყენებული, მათ შორის აშშ-თან თანამშრომლობაც.
მირზბანის ადვოკატმა მოჰამად ჰოსეინ აღასიმ 24 აგვისტოს რადიო თავისუფლებას უთხრა, რომ ის დამნაშავედ ცნეს მტრულ სახელმწიფოსთან თანამშრომლობაში, ასევე სისტემის საწინააღმდეგო პროპაგანდის გავრცელებასა და სიწმინდეების და სახელმწიფოს შეურაცხყოფაში.
ადვოკატ აღასის თანახმად, ის განაჩენს გაასაჩივრებს. მისი თქმით, მის კლიენტს არაფერი ჩაუდენია, მხოლოდ წერდა სახუმარო ტექსტებს და მედიით აქვეყნებდა.
თუ სასამართლო საჩივარს დააკმაყოფილებს, მას ათწლიანი ციხე ემუქრება, მისთვის შეფარდებული ყველაზე ხანგრძლივი სასჯელი.
ვაშინგტონის Human Rights Campaign-ის თანახმად, მარზბანმა ირანი დატოვა 2009 წელს და რვა წლის შემდეგ დაბრუნდა მოხუცებული ბებიის მოსანახულებლად და შარშან დააპატიმრეს.
მარზბანი ერთი პერიოდი ცხოვრობდა საქართველოში, საიდანაც დაბრუნდა ირანში.