ირანელმა ქალებმა ნებართვა მიიღეს, დაესწრონ საფეხბურთო მატჩს თეირანში
ირანი ნებას დართავს ქალებს, დაესწრონ კაცებს შორის ფეხბურთის მსოფლიო თასის საკვალიფიკაციო თამაშს ოქტომბერში. ამის შესახებ ცნობა გაავრცელა ირანის სპორტის სამინისტროს ოფიციალურმა წარმომადგენელმა ჯამშიდ თაღიზადემ.
16 ოქტომბერს, თეირანს უდიდეს "აზადის" სტადიონზე ისლამური რესპუბლიკის ეროვნული ნაკრები კამბოჯის გუნდს ეთამაშება.
ფიფას პრეზიდენტმა ჯიანი ინფანტინომ წერილი გაუგზავნა ივნისში ირანის ფეხბურთის ფედერაციას, რომ უნდა გადადგას ამ მხრივ „კონკრეტული ნაბიჯები“, თორემ სანქციებს დაუწესებენ. მას არ დაუზუსტებია, როგორ დასჯიდნენ ირანს მისი მოთხოვნის შეუსრულებლების შემთხვევაში.
ირანის ხელისუფალთა მტკიცებით, ქალებს სტადიონებზე შესვლა ეკრძალებათ, რათა არ ისმინონ უცენზურო სიტყვები, და რათა არ გახდნენ კაცების მხრიდან ლანძღვის მოწმე.
ათწლეულების განმავლობაში ეს აკრძალვა უქმდებოდა ხოლმე ქალების რჩეული ჯგუფებისთვის.
გასულ თვეში ირანის საპატიმროდან გაუშვეს ოთხი ქალი, რომლებიც კაცებად გადაცმულები შეიპარნენ სტადიონზე, იტყობინება Human Rights Watch.