მკვდარი იპოვეს უკრაინის კიროვოგრადის ოლქის უშიშროების სამსახურის ხელმძღვანელი
ამის შესახებ „უკრაინსკა პრავდა“ დეპარტამენტის პრესსამსახურზე დაყრდნობით იუწყება. გამოცემის წყაროს თქმით, რომ ნაკონეჩნის ცხედარი ცეცხლსასროლი იარაღიდან გამჭოლი ჭრილობით 20 აგვისტოს საღამოს იპოვეს.
გაზეთი „ობოზრევატელ“ წერს, რომ გარდაცვლილი მისმა მეუღლემ იპოვა. უშიშროების სამსახურის პრესსამსახურში განაცხადეს, რომ მომხდარის გარემოებებს იკვლევენ. წინასწარი მონაცემებით, ნაკონეჩნის შეეძლო თვითმკვლელობა ჩაედინა.
ალექსანდრე ნაკონეჩნი 2021 წლის იანვრიდან მსახურობდა კიროვოგრადის რეგიონში სახელმწიფო უშიშროების სამსახურის დეპარტამენტის უფროსად.
მანამდე ის მსახურობდა კონტრდაზვერვაში და მუშაობდა უშიშროების სამსახურის კიევის დეპარტამენტის ანტიკორუფციული და ორგანიზებული დანაშაულის განყოფილებაში.
ივლისში უკრაინის პრეზიდენტმა ვოლოდიმირ ზელენსკიმ თანამდებობიდან გაათავისუფლა ქვეყნის გენერალური პროკურორი ირინა ვენედიქტოვა და თანამდებობიდან გადააყენა უკრაინის უშიშროების სამსახურის უფროსი ივან ბაკანოვი. ერთ-ერთი მიზეზი, ზელენსკის თქმით, იყო ასობით სისხლის სამართლის საქმე სამართალდამცავების წინააღმდეგ ღალატის მუხლით.