ოთხფურცლიანი სამყურა ბალახი – იღბლის მომტანი მცენარე

ოთხფოთლიანი სამყურა ბალახი იღბლისა და ბედნიერების მომტანად ითვლება, ამიტომ თუ მას სადმე გადაეყრებით, ჩათვალეთ, წინ ყველაფერი კარგი გელოდებათ. ცნობილია, რომ ამ მცენარეს, შესაძლოა, ხუთი, ექვსი ან შვიდი ფოთოლიც ჰქონდეს. ფოთლების რეკორდული რაოდენობა, რომელიც მეცნიერებს უპოვიათ, არის 56, იგი 2009 წელს აღმოაჩინეს.

ამ ბალახის თითოეულ ფურცელს თავისი სიმბოლური დატვირთვა გააჩნია, მაგალითად, პირველი ფოთოლი დიდებას განასახიერებს, მეორე სიმდიდრეს, მესამე სიყვარულს, ხოლო მეოთხე ჯანმრთელობას.

ქრისტიანულ რწმენაში კი ოთხფოთლიანი სამყურა ბალახი განასახიერებს იმედს, რწმენას, მოწყალებას და იღბალს.

გინესის რეკორდსმენი, ოთხფოთლიანი სამყურას ყველაზე დიდი კოლექციის ფლობისათვის, არის გაბრიელა გერჰარდტია, რომელმაც 2023 წლის 25 თებერვალს დაამყარა ახალი რეკორდი. მან სულ 118 791 სამყურა ბალახი შეაგროვა.

გაბრიელას, როგორც ჩანს, საკმაოდ გაუმართლა, რადგან მას ასევე აქვს გინესის რეკორდი ერთ საათში ყველაზე მეტი ოთხფოთლიანი სამყურა ბალახის პოვნაში.

ეს ფენომენი საკმაოდ იშვიათად ითვლება, რადგან მიჩნეულია, რომ ამ მცენარის პოვნის შანსი არის 1 ყოველ 10 000 შემთხვევაში.

ისტორიიდან ცნობილია, რომ აბრაამ ლინკოლნი ოთხფურცლიან სამყურას ყველგან თან დაატარებდა, ხოლო იმ ღამეს, როცა იგი მოკლეს, სახლში დარჩა.

ლეგენდის თანახმად ამ მცენარემ ნაპოლეონ ბონაპარტიც გადაარჩინა. ბრძოლის დროს მან ოთხფურცლიანი სამყურა დაინახა და ასაღებად დაიხარა, ხოლო ამ დროს ტყვია, რომელიც მისთვის იყო გამიზნული, აცდა.

მკვლევარები ამბობენ, რომ მისი პოვნის შანსი თბილ თვეებში უფრო იზრდება. ახლა კი სწორედ ამის დროა. ასე, რომ წარმატებებს გისურვებთ.

წყარო/ფოტო: The Fact Site