Өзі алғаш рет депутаттыққа ұсынылған жиналыстан Зәуре үйіне алабұртып ерекше сезіммен оралды. Асыға күтіп отырған анасы есіктен кіре-ақ жанына жетіп келіп, айналасын әжім торлап, нұры тоза бастаған көздерін сығырайта бетіне үңілді. "Қалай болды? Қиналған жоқсың ба? Бәрі де жақсы өтті ме, күнім?" Ана жанарынан осы сұрақты үнсіз оқыған Зәуре өзінен бойы әлдеқайда аласарып қалған, дүниедегі өзіне ең жақын адамын тұңғыш рет балалықтан өзге бір ыстық сезіммен құшағына тартты. «абыржыма, анашым. Бәрі де жақсы өтті." дегені еді бұл. Соны үнсіз ұғып... Читать дальше...