Алматыда жүргізушілер Абай даңғылындағы автобус жолағын алып тастауды сұрайды: әкімдік жауап берді
Алматыда жүргізушілер Абай даңғылының жаңа бөлігіндегі автобус жолағын алып тастауды сұрады, - деп хабарлайды Tengrinews.kz тілшісі.
Әлеуметтік желілерде көлік иелерінің өтініші пайда болды. Олардың айтуынша, жаздың аяғында Абай даңғылы бойымен Момышұлы көшесінен Наурызбай ауданына қарай қоғамдық көліктерге арналған арнайы жолақ пайда болған. Содан бері жолдың бұл бөлігінде кептеліс көбейген, ал жеңіл көліктерге арналған үш жолақты жол екіге дейін тарылған. Осыған байланысты жүргізушілер арнайы жолақты алып тастауды сұрады.
View this post on Instagram
A post shared by Kris P Almaty (@kris__p__almaty)
Бұл жазбаға әкімдік қызметкерлері пікір қалдырған. Қалалық мобильділік басқармасы өкілдерінің мәліметінше, арнайы жолақ жергілікті тұрғындардың өтініші бойынша салынған.
"Абай даңғылының ескі бөлігінде автобус жолағы бары белгілі. Даңғыл ұзартылғаннан кейін Әшімов көшесіне автобус жолағын бөлу туралы шешім қабылданды. Себебі бұл учаскеде күн сайын Наурызбай және Әуезов аудандарының, сондай-ақ, қала маңындағы 25 мыңға жуық жолаушыға қызмет көрсететін бес қоғамдық көлік жүреді.
Сонымен қатар, әкімнің Әуезов ауданының тұрғындарымен кездесуінде тұрғындар осы учаскеде автобус жолағын ұйымдастыруды қарастыру туралы өтініш білдірді", - деді шенеунік.
Сілтемесіз жаңалық оқисыз ба? Онда Telegram желісінде парақшамызға тіркеліңіз!