Алматыда әйел мен оның екі баласын өлтіріп, кейін үйін өртеп жіберген күдікті ұсталды
Алматыда әйел мен кәмелетке толмаған екі баласын өлтіріп, кейін үйін өртеп жіберген күдікті ұсталды, - деп хабарлайды Tengrinews.kz тілшісі.
Полицияның мәліметінше, күдікті - 1982 жылғы Алматының тұрғыны.
"Аталған дерек аудандық полицияда ҚР Қылмыстық кодексінің 99-бабы 2-бөлігінің 1-тармағы ("Екі немесе одан да көп адамды өлтіру") және 99-бабы 3-бөлігі ("Жас баланы өлтіру") бойынша тіркелді. Қазіргі уақытта түпкілікті іс жүргізу шешімін қабылдау үшін барлық қажетті сараптама тағайындалып, тергеу іс-шаралары жүргізіліп жатыр", - деді Алматы облысы полиция департаментінің бастығы, полиция полковнигі Бауыржан Әленов.
Ұсталған адам аудандық полиция уақытша ұстау изоляторына қамалды.
Еске салайық, 14 қыркүйекте сағат 23:24 шамасында Алматы облысы Іле ауданының полиция бөліміне Ащыбұлақ ауылындағы үйлердің бірінен К есімді әйел мен оның екі кәмелетке толмаған баласының өлі табылғаны туралы хабар жеткен. Күдікті қылмысын жасыру үшін үйді өртеп жіберген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!