Шымкентте көпқабатты үйде өрт шығып, екі адам құтқарылды
2023 жылғы 18 желтоқсанда 14:10-да Тұран ауданы Қонаев даңғылы 91-үйде өрт шыққаны туралы хабарлама түскен, - деп хабарлайды Tengrinews.kz тілшісі.
Шымкент төтенше жағдайлар департаментінің мәліметінше, тұрғын үйдің 10-қабатында 17 шаршы метр болатын ас үй мен лоджия өртенді.
"Өрт 14:48-де сөндірілді. Баспалдақпен екі адам құтқарылды. Баспалдақ маршымен 50 адам өз бетінше эвакуацияланды", - делінген хабарламада.
Өрттің себебі анықталып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!