Су тасқыны болған өңірлерге Астанадан тағы 20 тонна гуманитарлық көмек жіберілді
АСТАНА. KAZINFORM – Бұған дейін Астанадан су тасқынынан зардап шеккен өңірлерге 600 тоннадан астам гуманитарлық көмек жіберілген болатын. Енді «Астана жастары» жастар ресурстық орталығы Экономикалық тергеу департаментімен бірлесіп, екі жүк көлік, 20 тонна гуманитарлық көмек жинады. Онда Қостанай облысындағы су тасқынынан зардап шеккендерге азық-түлік, киім-кешек және бірінші кезектегі қажет заттар бар, - деп жазды әкімдіктің ресми сайты.