Ертіс орманын өрттен қорғау: ескі стансалар мен техника тілсіз жауға төтеп бере ала ма
ПАВЛОДАР. KAZINFORM – Былтыр Абай еліндегі қарағай ормандарын жайпаған алапат өртке Ертістің Павлодар өңіріндегі ауылдардың халқы айрықша алаңдап қалды. Себебі, жалқарағай ормандары Павлодар өңірімен шектесіп, бірнеше ауданның аумағын алып жатқаны мәлім. Өкінішке қарай, 277 мың гектар орманды жерге жауапты «Ертіс орманы» резерватының өртке қарсы дайындығы мәз болмай тұрған тәрізді. Тек ол емес, облыстағы өзге де орман қорғау мекемелерінде шикіліктер кездесіп жатыр.