Сирияда өкмөттүн химиялык курал үчүн колдонгон жайларына сокку урулду
Бул тууралуу Трамп 13-апрелде элге кайрылуусунда билдирип, Орусия менен Иранды Асаддын "мыкаачы жана коркунучтуу" режимин колдоону токтотууга чакырды.
Сирияда Чыгыш Гута аймагынын козголоңчулар колундагы Дума шаарчасында 7-апрелде хлор газы колдонулду делген чабуулдан кеминде 43 кишинин өмүрү кыйылган.
Дамаск менен Москва Дума аймагында химиялык чабуул болбогонун айтып жатат.