Ошто өрттөн жабыркаган эки адамдын абалы оор
- Бизге башында алты адам келип түшкөн. Алардын экөө күйүп, жараат алганы үчүн биринчи жардамды алгандан кийин эле чыгып кеткен. Азыр калган төртөөнүн абалы жеңил. Ал эми калган эки бейтаптын бири учурда реанимацияда жатат. Мээсине кан куюлуп кеткен экен, нейрохирургиялык операция жасалды. Экинчиси болсо сөөктөрү сынганына байланыштуу травматология бөлүмүнө жаткырылган. Дарылгандан кийин ага бир жума ичинде операция жасалат, - деди Шайырбек Сулайманов
Маалым болгондой, 24-апрелге караган түнү Ош шаарынын Жим көчөсүндө жайгашкан 12 кабат үйдө өрт чыккан. Өрттүн кесепетинен алты адам жабыркап, ооруканага жеткирилген. Алардын экөө бешинчи кабаттан секирип кеткен.
Тилсиз жоону өчүрүүгө Өзгөчө кырдаалдар министрлигинин беш бөлүмүнөн өрт өчүрүүчүлөр жана куткаруучулар тартылган. Тилсиз жоо эки сааттан кийин өчкөн. Кырсыктан кийин бешинчи кабаттагы эки батир коридору менен кошо күйүп кеткени маалым болду. (ErN)