Новости за 02.07.2018

Айрым укук коргоочулар жана эксперттер чек арада ашкере текшерүүгө алынып, алардын эркин орун которуу укугу басмырланып жатканы боюнча билдирүү менен чыкты.

Жогорку Кеңештин “Ата Мекен” фракциясынын депутаты Бахадыр Сулеймановдун казак жарандыгы 2010-жылдын 13-августунда токтотулуп, ал Кыргызстандын жарандыгын алган. Бул тууралуу бүгүн Кыргызстандын Борбордук шайлоо комиссиясы (БШК) билдирди. Мекеменин маалыматында бул маселе 2014-жылы көтөрүлгөнү, ошондо Казакстандын тиешелүү мекемелерине кайрылуу жиберилгени жана жогорудай жооп келгени айтылат. Айрым маалымат каражаттары жакында Сулейманов Казакстандын жараны экенин айрым документтерге таянып жазып чыгышкан. Читать дальше...

Ош шаардык соту кечээ зордуктоого шектелип кармалган спортчуну бир айга камакка алууга санкция берди. Бул тууралуу бүгүн “Азаттык” радиосуна Ош милициясынын басма сөз кызматы билдирди. Аны менен кошо кылмыштуу топтун мүчөсү деген дагы бир адам кармалып, ал эки ай камакта жатмай болду. Ош шаарында ММА мушкери, 24 жаштагы жигит зордуктоого шектелип кармалганы ишемби күнү белгилүү болгон. Анын шериги уюшма кылмыштуу топтун 23 жаштагы мүчөсү экени айтылган. Алар 25 жаштагы аялдын арызы менен 30-июнга караган түнү колго түшкөн. Читать дальше...

“Адам укуктары боюнча эдвокаси борбор” уюму өлкөдөгү сот жараяндары боюнча мониторинг жүргүзө баштады. Бул тууралуу бүгүн аталган уюм кабарлады. Негизинен кыйноого жана ырайымсыз мамилеге кабылгандардын кылмыш иштери каралган соттук отурумдарга көңүл бурулат. Учурда борбордун өкүлдөрү Ош, Бишкек, Кара-Суу, Талас, Нарын, Жалал-Абад, Кант, Баткен, Каракол, Таш-Көмүр шаарларынын жана Оштун Араван, Жалал-Абаддын Бозор-Коргон айылдарынын биринчи инстанциядагы сотторундагы иштер боюнча мониторинг жасоодо. Читать дальше...

Ошто жер тилкелери боюнча маселени иликтей турган мекеме аралык топ түзүлдү. Бул тууралуу бүгүн Башкы прокуратуранын басма сөз кызматы кабарлады. Анын курамына прокуратура, атайын кызмат, милиция, экономикалык кылмыштарга каршы күрөш мекемелеринин өкүлдөрү кирди. Мекеме аралык топ элден түшкөн арыз-даттануулар боюнча жеринде териштирүү жүргүзүп, коррупцияга каршы күрөшөт, козголуп, бирок жабылып же кыскартылып кеткен кылмыш иштерин да териштирет. Буга чейин Оштогу Ак-Буура суусунун жээгинде жана тилкелерде жер талаш чыгып... Читать дальше...

Эки команда тең өз тарыхында биринчи жолу чейрек финалга чыкты.

Кишиневде жекшемби күнү 3-июндагы мэр шайлоонун жыйынтыгын жокко чыгарууга каршы он миңдеген адам катышкан митинг өттү.

Грузиядагы №5 түрмөдө 109 аял ачкачылык кармап жатат. Алардын акциясы  "Адам укуктарын коргоо борбору" уюмунун колонияда аялдардын укуктары тынымсыз бузулуп жатканы тууралуу маалыматынан кийин 30-июнда башталды. Ачкачылык кармагандар 1-июлда Грузиянын элдик коргоочусунун өкүлү менен жолугушууда акцияны улантаарын билдиришкен. Аялдар түрмө жетекчилиги алардын укуктарын одоно бузуп, текшерүү маалында жылаңач чечинүүгө мажбурлай турганын айтышкан.  Бул маалыматты "Адам укугун коргоо борбору" да ырастады. Читать дальше...

Жайыл райондук ички иштер бөлүмүндө киши колдуу болгон Бурулай Турдаалы кызынын сөөгүн эксгумациялоо анын атасынын кайрылуусу жана уруксаты менен жүргүзүлөт. Бул тууралуу Чүй облустук ички иштер башкармалыгынын басма сөз катчысы Назира Имангазиева "Азаттыкка" билдирди:  - Экспертизанын корутундусунда кыздын көкүрөгүндө жазуу табылган эмес. Маркумдун көкүрөгүндөгү тактар оорукананын жандандыруу бөлүмүндө жүрөктү иштетүүчү аппаратты (дефибриллятор) үч-төрт жолу баскандан улам калганы көрсөтүлгөн. Читать дальше...

Кыргызстан Евразия экономикалык биримдигине киргенден бери Орусияга агылган кыргызстандык мигранттардын саны өстү. Бул тууралуу Мамлекеттик миграция кызматынын тышкы миграция бөлүмүнүн жетекчиси Улан Шамшиев "Азаттыкка" билдирди. Анын айтымында, азыр ар кайсы чет мамлекеттерде иштеп жүргөн кыргызстандык мигранттардын саны 800 миңден ашат. Анын 640 миңден ашыгы Орусияда. Былтыр 2180 миңден ашык мигрант Орусияда маянасын ала албай кыргыз бийлигине кайрылган. Алар ала албай жүргөн акчанын жалпы суммасы 100 миллион рублдан ашык. Читать дальше...

Франциянын мындай кадамына Венгриядагы элчи Эрик Фурньенин Будапешттин саясатын колдогону себеп болгону айтылды. Элчинин  президент Эммануэль Макронго,  Тышкы иштер министрлиги менен Евробиримдиктин жетектөөчү органдарына жазган кызматтык катын Mediapart  сайты 18-июнда жарыялаган. Анда ал Венгрия бийлигинин миграция маселесин чечүү саясатын «үлгүлүү» деп эсептей турганын жазган. Ошондой эле венгерлер «мыйзамсыз мигранттардын агымынан жаралган маселелерди алгачкылардан болуп түшүнгөнүн» белгилеген. Читать дальше...

Орусиянын футбол курамасы 1/8 финалдык беттешинде Испанияны жеңип алды. Оюн негизги жана кошумча убакытта 1:1 менен аяктап, пенальтиде орусиялыктар утту. Муну менен Орусия курамасы совет мезгилинен бери алгачкы жолу футбол боюнча дүйнө биринчилигинин чейрек финалына чыкты. Испаниялыктар оюндун алгачкы мүнөттөрүнөн баштап эле алдыда болуп, 12-мүнөттө орусиялыктардын коргоочусу Сергей Игнашевич Серхио Рамоско каршы күрөштө катачылык кетирди. Ал өз дарбазасына гол киргизип алса, Артем Дзюба 42-мүнөттө он бир метрлик айып соккуну тээп... Читать дальше...

Командалардын оюну Самара менен Ростов-на-Дону шаарларында өтөт.

Европа биримдиги 2014-2020-жылдар аралыгында Кыргызстанга 174 миллион доллар жардам бөлдү. Мындай маалыматты аталган уюмдун өкүлү  Люк Девин Бишкекте Евробиримдик менен Кыргызстандын кызматташтыгы боюнча жаңы келишим талкууланган жыйында билдирди. Анын айтымында, жардам негизинен реформаларды жүргүзүүгө багытталган. Акча бөлүүдө мыйзамдуулуктун сакталышына басым жасалат. Берилген акчанын көбү билим берүү, социалдык коргоо жана шайлоо системасын жакшыртууга сарпталууда. Ал эми жаңы келишим сегиз бөлүмдөн турат. Читать дальше...

Кыргызстан Казакстанга өткөрүп берген казакстандык активист жана блогер Муратбек Тунгышбаев тергөө аяктаганга чейин эки айга камалды. Активисттин адвокаты Гүлнара Жуаспаева билдиргендей, Алматынын Алмалы райондук соту алгач Тунгышбаевди үй камагына алуу чечимин чыгарган.  Бирок прокуратуранын нааразылыгынан кийин ишти шаардык сот карап, Тунгышбаевди эки айга камоону чечти. Ал учурда Алматынын тергөө абагында отурат. 25-июнда Бишкектин Октябрь райондук соту Тунгышбаевди экстрадициялоо боюнча Башкы прокуратуранын чечимин колдоп... Читать дальше...