Новости за 08.01.2019

“Талибандын” өкүлдөрү билдиргендей, алар АКШнын расмий адамдары менен эки күндүк тынчтык сүйлөшүүлөрдү 9-январдан тарта Катарда өткөрүшөт. “Талибан” тараткан маалыматка караганда, Доха шаарындагы сүйлөшүүлөрдө алардын америкалык аскерлерди Ооганстандан чыгаруу чакырыгына, ошондой эле туткундарды алмашуу, кыймылдын жетекчилеринин ары-бери каттоосуна коюлган чектөөнү жоюу маселесине көңүл бурулмакчы.  Алдыдагы сүйлөшүүлөр АКШнын Ооганстан боюнча атайын чабарманы  Залмай Халилзаддын “Талибан” лидерлери менен төртүнчү жолугушуусу болот. Читать дальше...

Кыргызстандын бир, Өзбекстандын беш жараны “Ислам мамлекети” экстремисттик тобун каржылаган деп айыпталууда. Алардын үчөө кол салуу даярдаган деп да күнөөлөнүүдө.  "France-Presse", ДПА агенттиктери кабарлагандай, бул алты адамдын үстүнөн алгачкы соттук жыйын 7-январда Стокгольмдун округдук сотунда болду жана сот жараяны 11-февралга чейин улантылат.  Сотко жөнөтүлгөн документке караганда, Кыргызстандын жараны Атабек Абдуллаев, Өзбекстандын жарандары Бактиер Умаров менен Давид Идриссон “адамдарды... Читать дальше...

“Эркин Европа/Азаттык” радиосунун өзбек кызматы кабарлагандай, Өзбекстандын мурдагы башкы прокурору Рашид Кадыровдун үстүнөн алгачкы сот жараяны 7-январда, Ташкенттин Юнусабад райондук сотунда жабык өткөн.  Ал “кызматынан кыянат пайдаланган”, “опузалап акча талап кылган”, “пара алган” деп айыпталууда.  Былтыр июнда Өзбекстандын Башкы прокуратурасы Кадыровдун кылмыш ишинин алкагында 24 киши камакка алынганын, алардын көпчүлүгү прокуратуранын мурдагы кызматкерлери экенин жарыялаган. 66 жаштагы... Читать дальше...

1989-жылы Советтик жашыруун объект жабылгандан кийин, мурдагы аскер кызматкерлеринин, жергиликтүү тургундардын жашоосу түп-тамыры менен өзгөргөн. Жумушсуздук, жакырчылык күч алган. Сибирдеги учу-кыйыры жок тайга токоюндагы ташталган жайдын тагдыры тууралуу видеону сунуштайбыз.

Бахадыр Сулеймановдун 2014-жылы кош жарандыгын текшерүүгө уруксат бергени калп экенин акыйкатчы Токон Мамытов "Азаттыкка" билдирди. Буга чейин Борбордук шайлоо комиссиясы (БШК) Жогорку Кеңештин депутаты Бахадыр Сулейманов макулдугун бербегени үчүн анын кош жарандыгы тууралуу маалыматты текшерүүгө мүмкүн болбой жатканын билдирген. Мыйзамга ылайык, БШК Казакстандан бул маалыматты Бахадыр Сулеймановдун кат түрүндө жазган макулдугунун негизинде сурай алат.   Акыйкатчы Токон Мамытов Бахадыр Сулеймановдун... Читать дальше...

Румыниялык жана америкалык расмий өкүлдөрдүн маалыматына караганда, эки өлкөнүн аскердик кемелери Кара деңизде, Румыниянын аймактык сууларында жана эл аралык сууларда биргелешкен машыгуу өткөрмөкчү. Румыниянын Константа портуна 7-январда келген АКШнын аскердик кемеси ал жерде 10-январга чейин турат. Америкалык аскердик кеменин Кара деңиз боюнча сапары Орусия менен Украинанын деңиздеги тирешинен кийин алгачкы ирет өтүп жатат.  Былтыр 25-ноябрда Кара жана Азов деңиздери кесилишкен Керч кысыгында... Читать дальше...

Ооганстанда талиб согушкерлери кайрадан коопсуздук бекетине чабуул коюшту. Дүйшөмбү күнү кабарлангандай, өлкөнүн батыш тарабында болгон кол салууда 21 кишинин өмүрү кыйылды.

34 жаштагы Нишана Жээналиева тубаса майып, эки колунда жана буттарында бирден гана манжасы бар. Ошого карабай алты саны аман башка адамдардай эле иштеп, бала тарбиялап, кино тартып келет. Ушул тапта Нишана таэквондо менен машыгып, 2020-жылы Жапонияда өтө турган паралимпиадага спорттун бул түрү боюнча катышууну самап турат.

Нарын облусунун Ак-Талаа районундагы Кара-Бүргөн айылынын тургундары кайрадан арак-шарап сатууга тыюу салганы жатышат.

Жогорку Кеңештин экс-депутаты Аскарбек Шадиевдин адвокаты Учкунбек Каримов кардарынын иши боюнча Бишкектин Биринчи май райондук сотунун чечимине каршы даттанып, Бишкек шаардык сотуна апелляциялык арыз жазды. Бул тууралуу “Азаттыкка” Каримов өзү билдирди. 2018-жылдын 25-декабрында Биринчи май райондук соту Шадиевди 10 жылга күчөтүлгөн тартиптеги колонияда эркинен ажыратуу жана мүлкүн мамлекетке чегерүү жөнүндө өкүм чыгарган. Кийин анын мүлкүнүн тизмеси жарыяланып, жалпы суммасы 1 852 236 99 сомду түзөөрү кабарланган. Читать дальше...

Дээрлик 24 саатка созулган сүйлөшүүлөрдөн кийин Таиланддын бийлиги Сауд Арабиясынын жараны, 18 жаштагы Рахаф Мохаммед аль-Кунунду (Алкунун) мекенине же болбосо Кувейтке депортациялабай турганын билдирди.

Улуттук коопсуздук боюнча мамлекеттик комитет (УКМК) Бишкек Жылуулук электр борборун (ЖЭБ) модернизациялоодогу коррупция боюнча козголгон кылмыш ишин иликтөө аяктаганын билдирди. Мекеменин маалыматына караганда, тергөө учурунда Сапар Исаков баштаган бир катар кызмат адамдары өздөрүнүн кызматтык ыйгарым укуктарын пайдалануу менен мурдатан билип туруп Кытайдын ТВЕА компаниясы менен пайдасыз келишим түзүп, мамлекетке 111 миллион 252 миң 797 доллар зыян келтиргени аныкталды. Сапар Исаков 2010-жылдын февраль айында Өнүктүрүү... Читать дальше...

Латвиянын президенти Раймондс Вейонис өкмөттү куроо милдетин “Жаңы Биримдик” партиясынын лидери, Европарламенттин депутаты Кришьянис Кариньшге тапшырды. 54 жаштагы Кариньш АКШда туулган, учурда эки өлкөнүн жарандыгына ээ. Ал өткөн жылдын октябрындагы шайлоодон кийин премьер-министрлик кызматка сунушталган үчүнчү талапкер болуп калды. Алдыңкы эки талапкердин өкмөттү куроо аракети ийгиликсиз аяктады. “Жаңы Биримдик” Латвиянын парламентинде чакан фракцияга ээ. Президенттин айтымында, Кариньш оңчул... Читать дальше...

Өзгөчө кырдаалдар министрлиги (ӨКМ) чукул билдирүү таратып, Кыргызстандын тоолуу райондорунда жана үч кан жолдо кар көчкү түшүү коркунучу бар экенин эскертти. Мекеме кабарлагандай, 8-январдан 10-январга чейин жаап өткөн жана күтүлүп жаткан жаан-чачынга байланыштуу Ала-Бука - Каныш-Кыя автоунаа жолунун 68-99-чакырымдарында (Чапчыма ашуусу), Красная-Горка - Ак-Таш автоунаа жолунун 1-4-чакырымдарында жана Мырзаке - Кара-Кулжа - Алайкуу автоунаа жолунун 65-90, 95-130-чакырымдарында кар көчкү түшүүcү жана кар күрткүсү күтүлөт. Читать дальше...

Лос-Анжелесте 76-жолу кино жана теле жаатындагы абройлуу «Алтын глобус» сыйлыгын тапшыруу аземи өттү.

8-январда Бишкек шаарынын Биринчи май райондук сотунда Айбек Калиевдин, Темирлан Бримкуловдун, Бердибек Боркоевдин, Узак Кыдырбаевдин, Нурлан Өмүркул уулунун, Нурлан Садыковдун иши боюнча соттук териштирүү уланды. Бул тууралуу маалымат соттон алынды. Отурумда күбө катары Бишкек Жылуулук электр борборунун (ЖЭБ), “Кыргызстандын улуттук электр тармактары” ачык акционердик коомунун кызматкерлери көрсөтмө беришүүдө. Бишкек ЖЭБине байланыштуу козголгон башка кылмыш иштери сотко жете элек. Жалпысынан он бештей адам кармалган. Читать дальше...

Жол эрежесин бузгандарга жана коомдук жайларда түкүргөндөргө коюлган айып пулдар боюнча коомчулукта түрдүү пикирлер айтылууда. Эмнеге кыргыз коому эң жөнөкөй эрежелерди сактагысы келбейт? Тартипти сактоодо укук коргоо органдарынын иш-аракети да жөнгө салынышы керекпи?

Өзүнүн айылдашын атып салып качып кеткен Кадамжай районунун тургуну Казакстанда кармалып, Кыргызстанга экстрадиция болду. Бул тууралуу Ички иштер министрлиги кабарлады. Анын маалыматында айтылгандай, 2018-жылдын 26-августунда аталган райондун Үч-Коргон айыл округундагы айылдардын биринде 22 жаштагы жигитти белгисиз бирөө атып кеткен. Жабырлануучу оор абалда аймактык ооруканага жеткирилген. Окуя болгон жерде иликтөө жүргүзгөн милиция кызматкерлери ок аңчылык куралынан атылганын такташкан. Тергөө учурунда жабыркаган жаран сүйлөй алган эмес. Читать дальше...

Данияр Абдыкаров "Манас" аэропортунун авиациялык коопсуздук жана тартип дирекциясынын директору болуп дайындалды. Бул тууралуу "Азаттыкка" өздүк булактар кабарлады. Бул маалымат расмий түрдө да тастыкталды. Маалыматка ылайык Данияр Абдыкаров жетектеген дирекция авиация коопсуздугун жана ички тартипти камсыз кылат. Данияр Абдыкаров 2018-жылдын 18-июнунда өзү берген рапортунун негизинде ички иштер министринин орун басарынын кызматынан бошотулган.  Генерал-майор Данияр Абдыкаров ички иштер министринин... Читать дальше...

Биринчи беттеште кыргызстандыктар утулуп калды. Бирок күйөрмандар оюндун аягына чейин футболчуларды колдоп турду.

Түндүк Кореянын лидери Ким Чен Ын дүйшөмбү күнү Кытайдын төрагасы Си Цзинпиндин чакыруусу менен Кытайга келди. Кытайдын жана Түндүк Кореянын расмий маалымат каражаттары алдын-ала жарыяланбаган сапар тууралуу дүйшөмбү күнү гана жазып чыгышты. Америкалык талдоочулар Ким Чен Ындын бул иш сапары АКШ президенти Дональд Трамп менен жолугушууга даярдык болушу мүмкүн деп болжолдошууда. Эки лидер өткөн жылдын июль айында жолугуп, Түндүк Кореянын өзөктүк программадан баш тартышы боюнча маселени сүйлөшкөн. Читать дальше...

Бишкек шаарынын мэриясы 10-февралга чейин Бишкек шаарынын он кесилишине камера орнотуларын кабарлады. Камералар "Коопсуз шаар" долбоорунун алкагында төмөнкү көчөлөрдүн кесилишинде болот: 1. Жибек Жолу - Жаш Гвардия бульвары; 2. Чүй - Юлиус Фучик; 3. Чүй – Бүбүсара Бейшеналиева; 4. Жибек Жолу - Юлиус Фучик; 5. Чүй - Жаш Гвардия бульвары; 5. Жоомарт Бөкөнбаев – Жусуп Абдрахманов; 6. Жибек Жолу – Жусуп Абдрахманов; 7. Чүй - Курманжан Датка; 8. Москва – Жусуп Абдрахманов; 9. Максим Горький – 7 апрель. Читать дальше...

Социалдык тармактын колдонуучулары дарбазачынын кетирген катасын катуу сынга алууда.

Бишкек шаарынын мурдагы башчысы Кубанычбек Кулматовго козголгон кылмыш иши боюнча тергөө аяктады. Бул тууралуу “Азаттыкка” экс-мэрдин адвокаты Сергей Слесарев билдирди. Анын айтымында, учурда тергөөнүн материалдары менен таанышуу жүрүп жатат. Адвокаттын пикиринде, иликтөөдө бир катар мыйзам бузууга жол берилген.  Бишкектин мурдагы мэри Кубанычбек Кулматовго Кылмыш-жаза кодексинин 303-беренесинин 2-бөлүгү ("Коррупция") боюнча айып коюлду. Быйыл 18-майда Башкы прокуратура козгогон кылмыш ишинин... Читать дальше...

Макгрегор беттеш жай айына чейин болушун каалап жатканын белгилеген.