Новости за 08.01.2019

Долбоор быйылкы жарым жылдыкта парламентке сунуштала турганын “Азаттыкка” биринчи вице-премьер-министр Кубатбек Боронов билдирди. Анын айтымында, азырынча кайсы айыл кайда кошулары, ирилештирүү кандай болору боюнча так долбоор түзүлүп бүтө элек. - Айылдарды ирилештирүү гана эмес, бийликтин вертикалын өзгөртүү тууралуу да сунуштар, долбоорлор даярдалат, - деди ал. - Ал боюнча азыр талдоо жүргүзүлүп жатат. Жөн эле "мунун кереги жок" деп жоюп салуу туура эмес. Мисалы, долбоордо облустарды жоюу сунушталышы мүмкүн же облустарды калтырып... Читать дальше...

Тендердин жыйынтыгына нааразы болгон бейтаптар Саламаттык сактоо министрлигинин алдына чогулду. Бул тууралуу гемодиализ алып жүргөн бейтаптын жубайы Дилбар Адинова “Азаттыкка” кабарлады. Анын айтымында, тендердин жыйынтыгын кайра карап чыгууну суранып Оштон 15тей бейтап келген. Буга чейин Ошто 33 бейтап бюджеттин эсебинен гемодиализ алуудан баш тарткан. Алар 2018-жылдын ноябрь айында БЭМАН дарылоо-диагностикалык борбору уткан тендердин жыйынтыгын жокко чыгарууну талап кылууда. Ал арада тендердин... Читать дальше...

Өзбекстандын президенти Германиянын президенти жана канцлери менен жолугушат.

2019-жылы дүйнө жүзү боюнча экономикалык өсүштүн жогорку деңгээли  Сирияда болот.

Кошмо Штаттардын президенти Дональд Трамп бейшемби күнү АКШ-Мексика чек арасына барат. Чек арага дубал куруу боюнча администрация жана Конгресстеги демократтар ортосундагы талаштан улам бюджет маселеси бекибей жатат. Мындан улам өкмөттүк-федералдык мекемелердин айрымдары жабылууга дуушар болгон. Трамптын сапары тууралуу анын басма сөз катчысы Сандра Сандерс "Твиттерге" жазды. Анын айтымында, президент чек арада кызмат өтөп жаткандар менен жолугат. Сандерс чек арадагы абалды качкындардын агымынан... Читать дальше...

АКШнын Казына министрлиги Орусиянын жүргүнчү ташуучу Sukhoi Superjet 100 учагын сатуу үчүн экпорттук сертификат берүүдөн баш тартты.

Жогорку Кеңеш менен президенттик аппараттын имаратынын алдына келип түкүрүп, кылган жоругу үчүн 5500 сом айыппул төлөөгө даяр экенин айткан жаран Ысык-Көл облусунун Тоң районунун 27 жаштагы тургуну экени аныкталды. Ал 8-январга караган түнү кармалып, түшүнүк кат жазды. Милициядан чыккан соң мындай кадамга элдин үнүн бийликке жеткирүү максатында барганын, мыйзам чегинде жооп берүүгө даяр экенин билдирди. Буга чейин Интернетке Жогорку Кеңештин алдына келип түкүрүп, кылган жоругу үчүн 5500 сом айыппул... Читать дальше...

Таластагы үлпөт тойдо автомат атылганы айтылып, Интернетке тараган видео боюнча тойдун ээси Канатбек Жапарбеков милицияга сурак берип чыкты.  Талас облустук милициясы видеонун чоо-жайын иликтеди. Облустук ички иштер башкармалыгынын башчысы Алмазбек Жумабековдун “Азаттык” радиосуна билдиргенине караганда, видеону монтаждагандар жана автоунаанын айнегинен чыгып алгандар административдик жазага тартылышы мүмкүн. - Айнектен чыгып алган балдар боюнча унаанын шоопуруна административдик чара көрүшүбүз мүмкүн. Читать дальше...

Парламент депутаттары 8-январдан 11-январга чейин өлкө аймактарын кыдырып, шайлоочулар менен жолугушмакчы. Буга байланыштуу Жогорку Кеңештин токтому чыкты. Кыргызстанда жаңы жыл майрамдарына байланыштуу 1-январдан 7-январга чейин эс алуу күнү деп жарыяланган. (КЕ)

Өнөр жай, энергетика жана жер казынасын пайдалануу комитети газ коопсуздугу, суюлтулган газ толтурулган баллонду колдонуу жана алдын алуу боюнча жаңы жобо иштеп чыкты. Бул тууралуу Экологиялык жана техникалык коопсуздук боюнча мамлекеттик инспекциянын жетекчисинин орун басары Расул Артыкбаев “Азаттык” радиосуна кабарлады. Анын айтымында, жобо учурда өкмөттүн кароосунда турат. Буга чейин Кыргызстанда жеке турак жайларда, ашкана, кафелерде газ баллону жарылып, киши өмүрү кыйылган же адамдар жабыркаган учурлар катталган. Читать дальше...

Бир суткадан бери Бангкоктогу мейманканада бекинип отурган 18 жаштагы саудиялык Рахаф Мухаммед Алкунун Кувейтке барбаш үчүн Бириккен Улуттар Уюмунун (БУУ) Качкындар агенттигинин өкүлдөрүнүн коштоосунда аэропорттон чыгып кетти. Австралиядан башкалка сураган Алкунун 5-январдан тартып "Twitter" баракчасы аркылуу жардам сурап жаза баштаган. Ал Кувейттен Бангкокко учуп келгенден кийин анын паспортун алып коюшканын айтып арызданган. Ошондой эле Бириккен Улуттар Уюмунун (БУУ) Качкындар агенттигинен жардам сураган. Читать дальше...

Түркмөнстандын жалпы билим берүү мекемелеринде президент Гурбангулы Бердымухамедовдун сүрөттөрү кайрадан жаңыланды. “Азаттыктын” түркмөн кызматынын кабарчысы билдиргендей, Дашогуз облусунун мектептеринин дубалдарына президенттин чачын ак аралаган сүрөттөрүн илишкен. Бул үчүн мугалимдер беш манаттан чогултушкан. Мындан тышкары өлкөнүн бардык мамлекеттик мекеме-ишканаларында президенттин портреттери жаңыланууда. Учурда Ашхабадда президенттин чачын ак аралаган сүрөттөрүн ээн-эркин беш манатка ($1,3) сатып алса болот. Читать дальше...

Өлкө биринчилигине Кыргызстандын бардык аймактарынан спортчулар катышып, бардык салмак категориясы боюнча күч сынашат.

Өзбекстандын президенти Шавкат Мирзиёев өлкөнүн мейманканаларында расмий никеси жок түгөйлөрдүн бир бөлмөдө чогуу калуусуна уруксат берген документке кол койду. Өзбекстандын Улуттук маалымат агенттиги жарыялагандай, мындай чара никеси жок түгөйлөрдүн коопсуздугу жана “жеке жашоо укугун” коргоо максатында ишке ашты. Документте “мейманканалар адамдарга жашаган дарегине, жарандыгына же алардын макамына, анын ичинде никесине карабай кызмат көрсөтүүгө милдеттүү” экени белгиленет. Документте Өзбекстанга... Читать дальше...

Кытай “белгиленген чараларды” сактаса, БУУнун өкүлдөрүн Шинжаңга киргизүүгө даяр экенин “Рейтер” агенттиги кабарлады. Кытайдын тышкы иштер мекемесинин басма сөз катчысы Лу Кан 7-январда Бээжинде туруп билдиргендей, БУУнун эксперттери Кытайга саякаттагандарга коюлган бардык талаптарды аткарып, “өлкөнүн ички иштерине аралашуудан оолак болуусу абзел”. Алар бейтараптуулук менен калыстыкты көрсөтүүсү зарыл. Былтыр декабрда БУУнун Адам укуктары боюнча жогорку комиссары Мишел Бачелет уюмдун эксперттери Шинжаңдагы казак... Читать дальше...

Казакстандын Караганды шаарында жекшембиде 200дөй киши аймактык милиция бөлүмүнүн алдына чогулуп, Жаңы жыл түнү киши колдуу болгон казак жигиттин өлүмүн “адилет” иликтөөнү бийликтен талап кылышты. Алардын айрымдары "армяндар өлкөдөн көчүп кетсин" деп кыйкырышты. Жаңы жыл тосуп жаткан маалда жергиликтүү ресторандардын биринин алдында эки топ мушташа кетип, казак жигит бычакталган. Дагы үч киши жараат алып, ооруканага түшкөн. Караганды облусунун губернатору Ерлан Кошанов чогулгандар менен жолугуп... Читать дальше...