Новости за 05.03.2019

Кыргызстандын ички аскерлер түзүмүн Исламбек Кенжекулов жетектейт. Бул тууралуу маалыматты ИИМдин басма сөз кызматы кабарлады. Исламбек Кенжекулов 50 жашта. Ал Ош облусунун Ноокат районунда төрөлгөн. 2014-жылы Улуттук гвардиянын жетекчисинин орун басары болуп дайындалып, бул кызматты үч жыл ээлеген. 2014-жылы Ички аскерлер Улуттук гвардиянын курамына киргизилген. Ал эми 2018-жылдын аягында президент Сооронбай Жээнбековдун буйругу менен Ички аскерлер Улуттук гвардиянын курамынан чыгарылып, Ички иштер министрлигинин курамына киргизилген. Читать дальше...

Президент Сооронбай Жээнбеков сот системасынын кызматкерлерин кесиптик майрамы менен куттуктап, көз карандысыз жана өз алдынча сот системасын орнотпой туруп, демократиялуу, өнүккөн мамлекет куруу мүмкүн эмес экенин айтты. Мамлекет башчы сот системасы таза иштегенде гана өлкөдө адилеттүүлүк жана акыйкаттык орноп, элдин бийликке карата ишеними бекемделе турганын белгилеген. Мындан сырткары, мамлекет кийинки жылдары сот системасын терең реформалоого жана анын материалдык-техникалык базасын жакшыртууга өзгөчө көңүл бөлүп жатканы айтылган. Читать дальше...

Ош, 5-март, 2019-жыл. /ca-irnews.com/. Февраль айынын акыркы декадасында Кувейт менен дипломатиялык кызматташуусунун 25 жылдыгына карата Кыргызстан Эль-Кувейт шаарында маданий, туристтик жаатта жана соода алакалары боюнча бир катар иш-чараларды өткөрдү.

Лондондун тургуну дүйнөлүк медицина тарыхында СПИДден айыккан экинчи адам болуп калышы ыктымал. Nature журналы тараткан иликтөөлөр боюнча, үч жыл мурун бейтаптын денесине иммундук жетишсиздик виручуна туруктуу иммунитети бар адамдын клеткасы жайгаштырылган. Акыркы текшерүүлөр ВИЧ-инфекциялуу кишинин организминде вирустун изи да калбаганын көрсөттү. Анын организминен кийинки иликтөөлөрдө да инфекция табылбаса, СПИДди айыктыруучу дары тууралуу үмүттөр акталат. ВИЧ-инфекциядан айыктыруу боюнча... Читать дальше...

Азырынча он оюнчу анык болду, бирок тизме жабыла элек.

4 -мартта Дин иштери боюнча мамлекеттик комиссия «Диний чөйрөдөгү актуалдуу маселелер: кыска мөөнөттүү жана перспективдүү пландарды талкуулоо ” деп аталган тегерек үстөл өткөрдү. Иш-чаранын негизги максаты мамлекет менен диний уюмдардын ортосундагы кызматташууну күчөтүп, конфессиялар аралык ынтымакты бекемдөөдө, радикализмдин жана экстремиздин алдын алууда чогуу иш алып баруу. Дин иштери боюнча мамлекеттик комиссиянын жетекчиси Зайырбек Эргешовдун жыйында билдиргени боюнча, конфессиялар аралык диалогду... Читать дальше...

Кыргызстандын Жайыл, Жети-Өгүз, Түп, Кочкор, Ак-Талаа, Кочкор-Ата, Кара-Алма жана Ноокат районундагы токой чарбалар пилоттук түрдө күн нурунан кубат алуучу жабдыктар менен жабдылды. Бул саамалык БУУнун азык-түлүк программасынын "Климат өзгөрүп жаткан чакта токойлорду жана кен байлыктарды ырааттуу башкаруу" деп аталган долбоордун алкагында ишке ашып жатат. Аталган программанын коомчулук менен байланышуу адисинин жардамчысы Карина Абдылдаеванын "Азаттыкка" билдиришинче, күн нурунан кубат алган жабдыктар электр энергиясы барбаган алыскы... Читать дальше...

Кыргызстандын Ички иштер министрлигинин Москвадагы өкүлчүлүгүнүн кызматкери Аскат Алиев «Фейсбуктагы» баракчасы аркылуу Москвада эмгектенип жүргөн кыргызстандык жаштарга кайрылды. Ал акыркы күндөрү түрдүү социалдык тармактарда кыргыз жаштарды тез чогула калууга үндөгөн чакырыктар тарап жатканын белгилеп, жаштарды андай чакырыктардан алыс болууга, чагымга алдырбоого үндөгөн. «Тилекке каршы, мындай чогулуунун арты жакшы менен бүтпөй, трагедия менен аяктап, чогулгандар кылмыш жазасына тартылып калышы мүмкүн. Читать дальше...

Премьер-министр Мухаммедкалый Абылгазиев 4-мартта ЖИА бизнес-ассоциациясынын мүчөлөрү менен жолугушуп, ишкер чөйрөдөгү маанилүү маселелерди талкуулады. Өкмөт башчы өткөн жылдан тартып ишкерлерди бизнеске ыңгайлуу шарттар менен камсыз кылуу жаатындагы бийликтин аракеттерин белгилеп, мамлекет ишкерлерден да натыйжа күтөрүн билдирди. «Мамлекет ишкерликтен көз каранды экенин моюнга алыш керек, себеби анын натыйжалуу ишинен көптөгөн социалдык маселелердин чечилиши көз каранды болуп саналат. Алсак... Читать дальше...

Былтыр 4-мартта бул жерде Сергей жана Юлия Скрипаль эс-учун жоготкон абалда табылган. Британ бийлиги алар нервди шал кылуучу "Новичок" заты менен ууландырылганын айтып, бул үчүн Орусияны айыптаган. Узакка созулган дарылануудан кийин Скрипалдардын айыкканы кабарланган. Мэй бул бир жылдык убакыт коркунучтуу окуяны башынан өткөргөн Солсбери үчүн маанилүү экенин айтып, бул шаардын жашоочулары кайраттуу экенин белгиледи. Британ премьер-министри парламент мүчөсү Жон Глен менен чогуу эки дүкөнгө кирип... Читать дальше...

Бизнес талаштан улам Бишкекте бир адамды күчтөп, автоунаага салып кетип, жабыла токмоктогон чатак боюнча иш кайрадан карала баштады. Адам уурдоого шектелгендер арасында Лейлек районундагы айылдык кеңештин депутаты да бар. ИИМдин басма сөз кызматы кабарлагандай, былтыр сентябрь айында болгон бул чатактан кийин жабырлануучу милицияга кайрылган. Бирок көп өтпөй кайра арызын алып койгон. Жаңы кылмыш кодекси ишке киргенден кийин, февраль айынын ортосунда жабырлануучу кайра милицияга кайрылып, өткөн... Читать дальше...

Коррупцияны жана уюшкан кылмыштуулукту иликтөө борбору (OCCRP) миллиарддаган доллардын изин жашырууга жардам берген кезектеги схеманын учугун Орусиядан тапты. Баш кеңсеси Сараеводо жайгашкан бул борбордун жана литвалык "15min.lt" басылмасынын иликтөөчү журналисттеринин колуна жалпы суммасы 470 миллиард доллар деп бааланган бир миллиондон ашык банк транзакцияларын көрсөткөн документтер тийген. Аларды анализдөөнүн натыйжасында арам акчанын изин жашыруу менен алектенген "Тройкадагы ландромат" аттуу ири глобалдык схема ашкереленди. Читать дальше...