Новости за 19.03.2019

Кыргыз-тажик чек арасындагы кырдаал боюнча эки тараптуу сүйлөшүүнүн жыйынтыгы менен Баткендин Ак-Сай айылынан буулуп турган Ворух-Исфара жолу ачылды. Алгачкы автоунаалар жана адамдар өтүштү. Жергиликтүү тургундар да кол алышып элдешти.

Кыргызстандык 22 компания Мамлекеттик сатып алуу департаментинин «ишеничтен чыккан аткаруучу фирмалардын» тизмесине кирди. Бул тууралуу 19-мартта, Бишкектеги басма сөз жыйынында аталган департаменттин жетекчиси Нурида Байзакова билдирди. Буга аталган фирмалар өз жумуштарын чала-чарпыт аткарганы жана толук аткарбай койгону тууралуу мамлекеттик органдар даттанганы негиз болгон.  Ишканалардын «кара тизмесине» кирген фирмалар эки жылга чейин мамлекеттик сатып алуу иштерин жүргүзө албайт.  Мамлекеттик... Читать дальше...

Жалал-Абадда жазгы талаа иштери күч алды. Ноокен районунда быйыл талаада иштеген кыз-келиндер арбын. Жашылчалардын тушүмүн эрте жыйноого ашыккан дыйкандын жаздагы мээнети сүрөттөрдө чагылдырылды.

Орусияда көптөгөн каршылыктарга карабай талаштуу мыйзамдарга кол коюлду. Эми бийликке, мамлекеттик символдорго акарат келтиргендерге жана "фейк" маалыматтарды тараткандарга жаза күчөтүлөт.

Бишкек шаардык кеңешинин 19-марттагы сессиясында «Мекеним Кыргызстан» фракциясынан Нургазы Каримов менен Аскарбек Күрүчбековго, «Өнүгүү-Прогресс» фракциясынан Эдик Досиевге мандат тапшырылды. Каримов менен Күрүчбеков өз эрки менен мандаттарын тапшырып кеткен Өмүрбек Жолдошев жана Айжигит Апсатар уулунун ордуна келишти. Эдик Досиев фракциядагы Аликбай Сариевдин ордуна келди. Сариев Жогорку Кеңештин мурдагы депутаты Карганбек Самаков менен кошо соттолгондон кийин анын ыйгарым укугу мөөнөтүнөн мурда токтотулуп, орду бош калган. Читать дальше...

Жогорку Кеңештеги «Өнүгүү-Прогресс» фракциясынын депутаты Исхак Масалиев коалициялык көпчүлүктөгү фракция лидерлерине КСДП фракциясын коалициядан чыгаруу боюнча кайрылганы жатат. Ал бул тууралуу «Азаттыкка» билдирип, коалиция КСДПнын тагдырын чечиши керек экенин айтты.  «Мен былтыр май айында КСДП фракциясын коалициядан чыгарууну сунуш кылгам. Бул азыр да актуалдуу. Бирок азырынча расмий кагаз түрүндө кат бере элекмин. Эки-үч күндө ошол сунушту кайталаганга даярданып жатам. КСДПны оппозициялык азчылыкка чыгарыш керек. Читать дальше...

Чек арадагы 13-14-марттагы чыр-чатактарга байланыштуу жети факты боюнча иш козголду.

Дүйшөмбү күнү Европа Биримдиги менен Ирандын Йемен боюнча сүйлөшүүлөрү өттү.

Кыргызстан менен Тажикстандын чек арасындагы 13-14-мартта болгон чыр-чатактарга байланыштуу фактылар боюнча жети кылмыш иши козголуп, сотко чейинки өндүрүшкө алынды. Бул тууралуу Башкы прокуратура билдирди. Иштер «Массалык башаламандык», «Карактоо», «Улуттук белгисине карата адамга кол салуу» сыяктуу беренелер менен каралууда. Тергөөнү Тажикстан менен Кыргызстандын ортосунда түзүлгөн бириккен тергөө тобу жүргүзөт. Аларга ИИМ жана башка органдар көмөктөшөт. Кыргыз-тажик чек арасындагы жаңжал 13-мартта чыгып, 14-мартта да уланды. Читать дальше...

Кыргызстандын вице-премьер-министри Алтынай Өмүрбекова Бириккен Улуттар Уюмунун Аялдардын абалы боюнча комиссиясынын 63-сессиясынын алкагында баяндама жасады. Бул тууралуу өкмөттүн аппаратынан кабарлашты. Өмүрбекова докладында Кыргызстандагы социалдык коргоо жана жумуштуулук жаатындагы саясат, адам укуктары, гендердик теңчилик жана башка темалар жөнүндө айтты. Ал бул жаатта Кыргызстандын эл аралык милдеттенмелерди, анын катарында Аялдарга карата дискриминациянын бардык формаларын жоюу жөнүндө конвенцияны... Читать дальше...

Кыргызстандын Ички иштер министрлигинин Орусиядагы өкүлчүлүгү Якутияда кыргызстандык катышкан кылмыш иши жана жергиликтүүлөрдүн мигранттарга каршы митинги боюнча билдирүү таратты. Анда Якутиянын аймагында Кыргызстандан барган мигранттар жасаган мыйзамсыз иштер буга чейин да катталганы айтылат. 11-мартта Якутскидеги жогорку окуу жайлардын биринде окуган кыргызстандыктын социалдык тармакка жазган билдирүүсү жергиликтүүлөрдүн кыжырын келтирип, анын коопсуздугу үчүн ал Кыргызстанга жөнөтүлгөн. Кыргызстандын... Читать дальше...

Жогорку Кеңештин Эл аралык иштер, коргоо жана коопсуздук комитети 13-14-марттагы кыргыз-тажик чек арасында болгон жаңжал боюнча өкмөттүн маалыматын угуп жатат. Жыйынды жабык эшик артында өткөрүүнү вице-премьер-министр Замир Аскаров сунуштады. Отурумда өкмөттүн чек араларды тактоо боюнча ыйгарым укуктуу өкүлү Курбанбай Искандаров, Чек ара кызматынын, ИИМдин жана башка профилдик комитеттердин жетекчилери катышууда. 13-14-мартта Кыргызстандын Ак-Сай жана Тажикстандын Мехнатабад айылдарынын тургундарынын ортосунда чатак чыккан. Читать дальше...

АКШ Конгрессинин мусулман өкүлү: Американын аскердик бюджети өтө жогору.

Батыш ЖМКасы арабстандык падыша Мухаммад бен Салмандын айрым ыйгарым укуктарын чектегенин жарыялады.

Шектүү 18-март күнү Араван районунун Анаров айылынын автобекетинде кармалды. Ош облустук ички иштер башкармалыгынын маалыматы боюнча, 17-март күнү Араван районунун тургуну, жеке ишкер милицияга кайрылып, бир күн мурда өзүнүн мурда соттолгонун айтып коркутуп, «түрмөгө 20 миң сом акча бересиң» деп сабаганын билдирген. Арыздын негизинде жүргүзүлгөн ыкчам иш-чаралардын жүрүшүндө кылмышка шектүү жабырлануучудан 5000 (беш миң) сом алып жаткан учурда колго түшүрүлгөн. Кылмышка шектүү Кара-Суу районунун тургуну, 35 жаштагы жаран болуп чыкты. Читать дальше...

13-14-март күндөрү кыргыз-тажик чек арасында болгон кырдаалды 19-мартта Жогорку Кеңештин Эл аралык иштер, коргоо жана коопсуздук комитети талкуулайт. Жыйында өткөн аптада чек арага барып, кырдаалды көрүп келген депутаттар жана өкмөттүн тиешелүү өкүлдөрү маалымат беришмекчи. Бул тууралуу чек арага барып келген депутаттардын бири Карамат Орозова "Азаттыкка" билдирди: "Биз элдин коопсуздугу үчүн чек араны тактоону тездетүү, Ак-Сай-Тамдык, Ак-Сай -Рават, Ак-Сай - Көк-Таш жолдорун эртерээк бүтүрүүнү... Читать дальше...

Ак-Талаа районундагы Үгүт айылынын Муса Баетов атындагы орто мектебинин 10-классынын окуучусу киши өлтүрүүгө шектүү катары кармалды. Аталган райондун акиминин орун басары Кенжегүл Карагулованын айтымында, кылмышка шектүү 11-класстын окуучусуна бычак шилтеген. Натыйжада 17 жаштагы өспүрүм каза тапкан. Бул окуя ушул жылдын 16-мартында болгон. Такталбаган маалымат боюнча, эки окуучунун чыры мектептеги лидерликти талашуу болушу мүмкүн. Анткени маркум окуучу мектеп парламентинин президенти болгон. Читать дальше...

Бишкектеги А. Осмонов атындагы улуттук китепканада "46+1 хромосом. Бийик жана сыймыктуу" деген аталышта даун синдрому менен жашаган адамдардын эл аралык күнүнө карата сүрөт көргөзмө өтөт. Иш-чара бул синдромду алып жүргөн балдардын ата-энелеринин "Сантерра" коомдук фонду, Түркиянын Кыргызстандагы элчисинин жубайы Василик Фырат жана түрк сүрөтчүсү Фатих Савруктун демилгеси менен өтүп жатат.  21-мартта даун синдромуна чалдыккан адамдардын эл аралык күнү. Кадимки адамдын ар бир клеткасында... Читать дальше...

Бул тууралуу түрк президенти Режеп Тайып Эрдоган 18-мартта билдирип, күжүрмөн операция Түркияда тыюу салынган Күрдстан жумушчу партиясынын согушкерлерине каршы багытталганын билдирди. ТРТ телеканалы ички иштер министри Сулейман Сойлунун «Бүгүн саат 8:00де Түркия Иран менен биргелешкен алгачкы операциясын өткөрдү» деген сөзүн берди. Бирок операция кайсы жерде болгону ачык айтылган жок. Түркия, Ирак, Сирия жана Иран чектешкен аймакта миллионго чукул күрддөр жашайт. Ирандын жарым-жартылай расмий... Читать дальше...

Миграция кызматынын жетекчисинин орун басары Самат Токтоболотов Якутияда жергиликтүү бийлик өкүлдөрү менен жолугушат.  Бул тууралуу мамлекеттик миграция кызматынын басма сөз катчысы Айзат Туратбек кызы "Азаттыкка" билдирди. Маалыматка караганда, Самат Токтоболотов 19-мартта Якутиянын күч кызмат жетекчилери менен да жолугушат. Мындан тышкары кыргызстандык мигранттар менен болгон жагымсыз окуя тууралуу талкууламакчы. Мамлекеттик миграция комитетинин төрагасынын орун басары Самат Токтоболотов Якутияга 18-мартта учуп кеткен. Читать дальше...