Новости за 05.08.2019

Кыргыз өкмөтү өлкөнүн киберкоопсуздук стратегиясын бекитти. 2019-2023-жылдарга эсептелген стратегия тууралуу токтомго премьер-министр Мухаммедкалый Абылгазиев кол койгонун өкмөттүн басма сөз кызматы кабарлады. Токтомго ылайык, банк жана телекоммуникация сыяктуу тейлөө тармактарындагы компьютердик системанын ишине коркунуч жаралса ыкчам чара көрө турган топтор түзүлүп, компьютердик кылмыштарга каршы укуктук жана усулдук негиз иштелип чыгат. Маалыматты коргоонун улуттук системасы түзүлүп, мамлекеттик... Читать дальше...

4-августта Орусиянын Москва шаарындагы ооруканалардын биринде ырчы жана шансон жанрындагы ырлардын автору, композитор Вилли (Вилен) Токарев каза болду. Ал 84 жашта эле.  Токарев 1934-жылы Түндүк Кавказда туулган жана музыкалык карьерасы Советтер Cоюзунда башталган.  Токарев 1974-жылы АКШга эмиграцияга кеткен жана 1970-жылдардын аягында, 1980-жылдардын башында атагы чыккан, Нью-Йорктогу орус тилдүү адамдардын жашоосуна негизделген ырлардан турган бир канча пластинка чыгарган.  Ал 15 жылдай эмиграцияда жүрүп, 1989-жылы Орусияга келген. Читать дальше...

Түркмөнстанда «Ватан» мамлекеттик телеканалы 4-августта кечинде эмгек өргүүсүндө жүргөн президент Гурбангулы Бердымухамедов тууралуу сюжет көрсөттү. Дээрик жарым саатка созулган берүүдө Бердымухамедов адаттагыдай эле ок атып, спорт менен машыгып, китеп, ыр жазып, ал тургай Каракум чөлүндө эл арасында «Тозоктун дарбазасы» деп аталган газ күйүп жаткан жерде спорттук автоунаасы менен жүргөнү көрсөтүлдү. Бирок сюжетте Бердымухамедовдун үнү угулган жок, журналисттин үнү менен коштолуп берилди. ... Читать дальше...

Чоң-Алайда тогуз күндөн бери дайыны билинбей жаткан орусиялык альпинисттин сөөгү табылды. Бул тууралуу бүгүн «Азаттыкка» Өзгөчө кырдаалдар министрлигинин басма сөз кызматынын өкүлү Абдыманап Дыйканов билдирди: - 4-августта ӨКМдин 10 куткаруучусу, «Ак-Сай трэвл» туристтик компаниясынын алты альпинисти тартылып, 6200 метр бийиктиктен туристтин сөөгүн табышкан. 4400 метрдеги биринчи лагерге алып түшүшкөн. Бүгүн базалык лагерге алып түшүүдө. 45 жаштагы орус жараны акыркы жолу 27-июлда байланышка чыккан. Читать дальше...

Орусияда НТВ телеканалы өздөрүн укук коргоо органдарынын кызматкерлеринин демилгелүү тобу деп атагандардын "Москвадагы калайман башаламандыктын уюштуруучуларына" жолдогон катын жарыялады. Анда "силер чет өлкөлөрдөн алган акчаны акташ үчүн Орусиядагы кырдаалды курчуткуңар келип жатканын көрүп турабыз. Саясий кырдаалды олку-солку кылып, анын негизинде бийликке олигархтардын кайра келишине жардам берип жатасыңар. Биз буга жол бербейбиз" деп жазылган. Катта ошондой эле опузалап-коркуткандар, сөгүнгөн жана орой сөздөр болгон. Читать дальше...

Узаган жекшембиде UFC турниринде кыргызстандык спортчу чехиялык Люси Пудилованы муунтуу ыкмасын колдонуп утуп, кармашты уюштуруучулар эң мыкты деп тапкан.

Түркияда кыргызстандык кыз менен жигит жол кырсыгына кабылып, оор жараат алышты.  Окуя 4-августка караган түнү Анталия шаарынын Топчулар районунда болгон. Мотоциклде бараткан эки кыргызстандыкты катуу ылдамдыкта келе жаткан автомашина артынан сүзүп, качып кеткен. Кырсык болгон жерге Анталиянын полициясы жана «Тез жардам» кызматы барган. Жабыркаган кыздын белине оор операция жасалды. Жигит Анталия шаардык ооруканасынын жандандыруу бөлүмүндө жатат. Жол кырсыгы боюнча кылмыш иши козголуп, шектүү түрк жараны кармалганы белгилүү болду. Читать дальше...

Баткенде жаш мамлекеттик кызматкерлер менен депутаттар кошумча билим алышты. Үч күн катары менен Баткен облусунун бардык район-шаарларынан жергиликтүү кеңештин жаңыдан иштей баштаган депутаттары жана мамлекеттик, муниципалдык кызматкерлер атайын тренингге катышты.  Уюштуруучулардын айтымында, тренинг оратордук жана лидерлик сапаттарды өркүндөтүү, кесиптик тажрыйбаны кеңейтүү максатында уюштурулду.  Жалпысынан 40 адам катышкан иш-чараны «Тынчтык демилгелери» коомдук бирикмеси «Демократиянын улуттук... Читать дальше...

Гонконгдо 5-августта демократиячыл күчтөрдүн чакырыгынан улам массалык иш таштоо башталды. Бул акцияга аэропорт, темир жол кызматкерлери да кошулду. Ушундан улам кеминде 100гө жакын рейс үзгүлтүккө учурады. Поезддер каттабай калды.  Гонкогдун лидери Кэрри Лэм мындай каршылык акциялары шаарды жана анын жарым-жартылай автономиялуу макамын «өтө опурталдуу кырдаалга кептейт» деп эскертти:  - Кайсы бир талаптарды коюп жана кызматташуудан баш тартып, мындай кыйратууга баруу  Гонконгдун укук тартибине... Читать дальше...

Эшбай Султанбеков - алгачкы муун кыргыз интеллигенциясынын өкүлү. Комсомолдук-партиялык кызматтарда иштеген, республикада басма сөздү уюштурууга катышкан.

Кыргызстан эгемендик алгандан бери өлкөдө жол куруу жана реконструкциялоо иштерине жалпысынан 2,5 млрд. доллар сарпталган. Ушул тапта жалпы баасы дээрлик 500 млн. долларды чапчыган Түндүк-Түштүк альтернативдүү жолу, Ош-Баткен-Исфана жолдорунун курулуштары өз мөөнөтүндө аяктабай турганы анык болуп калды.

АКШнын президенти Дональд Трамп Техас жана Огайо штаттарындагы куралдуу кол салуудан курман болгондорду эскерип Ак үйдөгүдөн баштап бардык мекемелердеги жана чет өлкөлөрдөгү Кошмо Штаттарга таандык жайлардагы желектерди түшүрүү тууралуу буйрук берди.  Дональд Трамп кол салууну айыптады жана «биздин өлкөдө жек көрүүгө жол берилбейт» деп эскертти.  Трамп 4-августта Нью-Жерси штатында журналисттердин суроолоруна жооп бери жатып куралдуу кол салууга байланыштуу маселени чечүүнүн жолдорун караштырып жатканын айтты. Читать дальше...

6-августта тоолуу райондордо өткүн өтүп, күн күркүрөйт, дыйканчылык аймактарда жаан-чачын болбойт. Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 18…23, күндүз 34…39; Таласта түнкүсүн 14…19, күндүз 31…36; Баткенде, Ошто, Жалал-Абадда түнкүсүн 19…24, күндүз 34…39; Ысык-Көлдө түнкүсүн 13…18, күндүз 27…32; Нарында түнкүсүн 9…14, күндүз 28…33; Бийик тоолуу райондордо түнкүсүн 0…5, күндүз 13…18 градус болот. Бишкекте жаан-чачын жаабайт. Читать дальше...

“Эже-сиңдилер” баарлашуусунда бул жолу келин менен кайнененин тиреши тууралуу кеп курдук. Бул теманы көрармандардын сунушунан улам алып чыктык. Сиз кандай ойлойсуз, кыргыз коомунда кайын журт келинге жетишээрлик колдоо көрсөтөбү?

Кыргызстанда быйылкы жылдын алгачкы алты айында 38 миллиард 238 миллион сом салык жана төлөм чогултулду. План 96,2 пайызга аткарылып, салык пландалгандан 1,5 миллиард сомго аз жыйналды. Бул тууралуу 5-августта Мамлекеттик салык кызматында өткөн жыйында айтылды. Ага премьер-министр Мухаммедкалый Абылгазиев да катышып, салык төлөөдөгү теңсиздик маселесин көтөрдү.

Мамлекеттик сатып алуу порталындагы маалыматка ылайык, «Кыргыз темир жолу» ишканасы тепловоздорго тетиктерди сатып алуу үчүн тендер жарыялады. Тендердин шартына ылайык, тетиктер 7 млн. 150 миң сомго сатып алынышы керек. Тендерге катышуу үчүн документтер 16-августка чейин алынат.

Кыргызстандык сүрөтчү Татьяна Зеленская Москвада өткөн массалык жүрүштөр тууралуу.

Мухаммад Валяд аль-Газвани аймактагы жаңжалдарды тынчтык жолу менен чечип, Американын диктатурасы менен кийлигишүүлөрүнө каршылык көрсөтүү менен Палестина маселесин колдоо саясатын жүргүзмөкчү.

Премьер-министр Мухаммедкалый Абылгазиев ресторан, кафе сыяктуу тейлөө жайларына карата салык саясатын өзгөртүүнү сунуш кылды. Ал мындай пикирин бүгүн, 5-августта Мамлекеттик салык кызматында өткөн жыйында билдирди. Өкмөт башчы Кыргызстандагы 2145 ири бизнес бюджеттин 78 пайызын көтөрүп жатканын, ал эми тейлөө тармагы патент менен иштеп келатканын сындады:  - Өлкөдө 247 миң салык төлөөчү бар. Ошонун 2145и чоң бизнестегилер. 2323ү орто бизнес. Ал эми 242 миңи кичи бизнес. Алар - тейлөө, соода түйүндөрү... Читать дальше...

«Дордой» базарынын жанындагы кампадан чыккан өрттөн адам өмүрүнө зыян тийген жок. Бул тууралуу 5-августта Өзгөчө кырдаалдар министрлиги кабарлады. Мекеменин маалыматына караганда, окуя 4-августта кечинде Свердлов районуна караштуу Дордой-1 конушунун 9-көчөсүндө болгон. Үй-тиричилик техникасы сакталган кампадан өрт чыккан. Өрттүн кесепетинен жалпы аянты болжол менен 1700 чарчы метрди түзгөн темирден курулган кампа толугу менен күйүп кеткен.  Өзгөчө кырдаалдар министрлиги кабарлагандай, соңку... Читать дальше...

Кыргызстанда балбал таштар эсептелип, расмий каттоого алына баштады. Бул тууралуу «Азаттыкка» Маданият, маалымат жана туризм министрлигинин өкүлү Чынарбек Жолдошев билдирди. Анын айтымында, министрликтин маданий мурастарды сактоо бөлүмү 2018-жылдан тартып балбал таштарды каттай баштаган. Алгач бул иш Бишкек шаарында жүрүп, быйыл Талас облусуна өттү. - Балбал таштардын так санын аныктоо максатында атайын программа түзүп, каражат бөлүнүп, иш жүргүзүп атабыз, - деди ал. - Бишкек шаарында эки жүздөн ашык балбал бар экенин аныктадык. Читать дальше...

Америкалыктар бир тараптан Талибандар менен тынчтык келишимине умтулушса, бир тараптан өлкөдөгү ИШИМчилердин иш-аракеттерин акташууда.

Америкалыктар бир тараптан Талибандар менен тынчтык келишимине умтулушса, бир тараптан өлкөдөгү ИШИМчилердин иш-аракеттерин акташууда.

Илимпоздор дүйнөдөгү акуланын эң байыркы түрүн тасмага тартууга жетишишти.

Кыргызстандын Улуттук коопсуздук боюнча мамлекеттик комитети (УКМК) Мамлекеттик каттоо кызматынын мурдагы башчысы Алина Шаиковага издөө жарыялады. Бул тууралуу бүгүн, 5-августта атайын кызматтын басма сөз катчысы Рахат Сулайманов билдирди. Анын айтымында, Шаикова суракка жана башка тергөө иш-чараларын жүргүзүш үчүн жиберилген чакырууга келбей койду. - Буга байланыштуу Башкы прокуратура Шаиковага карата Жазык кодексинин 319-беренеси («Коррупция») боюнча кылмышка шектүү деген билдирмесин жөнөтүп... Читать дальше...