Новости за 27.08.2019

Түркмөнстандын чыгышындагы Лебап облусунда жергиликтүү бийлик банкоматка кезекке турууну алдын алуу үчүн катуу чара көрүүдө. “Азаттыктын” түркмөн кызматы маалымдагандай, полиция банкоматка кезекке турган кишилерди кармап, суракка алып жатат. Мындан тышкары, мекеме-ишканалардын кызматкерлерине банкоматтын жанында “көрүнбөөнү” талап кылынганы айтылууда.  Өткөн жумада Түркмөнстан президенти Бердымухамедов өлкөдө каражат жетиштүү өлчөмдө экенин билдирип, банкоматтардын үзгүлтүксүз иштөөсүн камсыздабаганы... Читать дальше...

Казакстандын Алматы облусунун Талгар шаарында, 26-августта белгисиз бирөөлөр жарандык активист Галина Арзамасовага ок атышты. Ал Талгар райондук акимчилигинин имаратынан 20 метр аралыкта турган автоунаадан пневматикалык тапанча менен атышканын, ок жамбаш сөөгүнө тийгенин билдирди. Окуя болгон жерге дарыгерлер келип, ооруканага жатууну сунушташкан. Арзамасова райондук ички иштер бөлүмүнө арыз жазарын айтты. Жарандык активист акимчиликтен видеокөзөмөл камерасындагы жазууларды да сурап жатат. Читать дальше...

Улуу Британиянын премьер-министри Борис Жонсон 31-октябрга чейин Европа Биримдиги менен тынымсыз сүйлөшүүлөрдү өткөрүүгө даяр экенин билдирди. Жонсондун ырасташынча, эгер бул күнгө чейин Брекзит боюнча келишимге келе алышпаса, Улуу Британия альянстан эч кандай шартсыз эле чыгат. Эки тарап тең эпке келүүнү каалабай турган учурда Жонсон 68 күн ичинде жаңы келишим керек экенине ынандырышы зарыл. Буга чейинки Британиянын премьер-министри Тереза Мэй парламентте Брекзит келишимине байланыштуу бир канча жолу колдоо таба албай... Читать дальше...

Өзбекстандын Сурхандарыя облусунда кенчилер иш таштагандан кийин тогуз аткаминер жумуштан алынды. «Узбекистон темир йуллари» акционердик коомунун жетекчилиги нааразылык себептерин иликтеп, ушундай чечим кабыл алды. 14-15-августта «Шаргункумир» көмүр ишканасында 200дөй шахтер иш таштаган. Алар эмгек шартынын татаалдыгына жана маянанын аздыгына даттанышкан. «Узбекистон темир йуллари» «Шаргункумир» ишканасында орточо айлык акы 2, 343 миллион сумду (250 доллардын тегереги) түзөрүн билдирди. Компанияда 596 киши эмгектенет. Читать дальше...

"Шереметьево" аэропортунда кыргызстандык айдоочулар катышкан жаңжалды Кыргызстандын Орусиядагы элчилиги териштирип жатат. Такталган расмий маалыматтар азырынча колуна тие электигин дипломатиялык өкүлчүлүктүн кызматкерлери "Азаттыкка" билдиришти. 23-августта Москванын "Шереметьево" аэропортунда күзөт кызматы менен кыргызстандык таксисттердин ортосунда жапырт мушташ болгону айтылып, интернетке видео чыккан. Андан эки кыргызстандык ооруканага түшкөнү, мушташ болгон жерге "Тез жардам" келгени кабарланган. Читать дальше...

Орусиянын, Украинанын, Германиянын жана Франциянын лидерлери сентябрда Украинанын чыгышындагы жаңжалды токтотуу маселеси боюнча сүйлөшүү өткөрөт. Бул тууралуу Франция президенти Эммануэль Макрон 26-августта Биаррице шаарында "Чоң жетинин" саммити аяктап жатканда айтты. "Биз жакшы саммит өткөрүүгө мүмкүнчүлүктөр бар деп эсептейбиз",- деди Макрон. Бирок ал "Норманд форматы" деген ат менен таанылып калган мындай төрт тараптуу сүйлөшүүнүн так датасын айткан жок. Украинанын чыгыш тарабында орусиячыл... Читать дальше...

"Республика" партиясынын лидери Өмүрбек Бабанов 27-августта Экономикалык кылмыштарга каршы күрөш кызматына (Финпол) кайрадан суракка барат. Бул тууралуу өткөн жумада өзү журналисттерге айткан. 2017-жылдагы президенттик шайлоодо азыркы мамлекет башчы Сооронбай Жээнбековдун негизги атаандашы болгон Бабанов утулуп калгандан кийин Кыргызстандан чыгып кетип, бир топ убакыт тышта жүрүп, быйыл 9-августта кайтып келген. 19-августта Финансы полициясына, андан соң Улуттук коопсуздук боюнча мамлекеттик комитетке суракка чакырылган. Читать дальше...

Москвада 31-августта «Кыргызстан Евразия биримди үчүн» деген аталыш менен этномаданий иш-чара өтөт. Кыргызстандын Орусиядагы элчилигинин өкүлү Гүлбарчын Байымбетова билдиргендей, ага миңдей конок келет.  - Жети-сегиз боз үй тигилет. Мамлекеттик Думанын депутаттары, КМШ мамлекеттеринин элчилери чакырылды, - деди ал.  Маданий жыйынды элчилик жана Орусиядагы кыргыз диаспорасы Кыргызстандын эгемендик майрамына карата уюштурууда.  Кыргызстан 1991-жылы СССРден бөлүнүп, өз алдынча мамлекет болгон. Читать дальше...