Новости за 28.10.2019

Бул тууралуу Жогорку Кеңештин депутаты Төрөбай Зулпукаров 28-октябрда парламенттин Бюджет жана финансы боюнча комитетинде кийинки жылдын бюджети талкууланып жатканда айтты. -Ашкере байлыкка салык деген бар. Ошону силер (ред: өкмөт) күчөтүшүңөр керек. Мүмкүнчүлүгү бар аткаминерлер менен ишкерлер сөзсүз көбүрөөк салык төлөш керек. Бирок ал жалпы элге жайылтылбагандай болушу зарыл, - деди Зулпукаров. Расмий маалымат боюнча, быйыл алгачкы алты айда 38 миллиард 238 миллион сом салык жана төлөм чогултулуп... Читать дальше...

Ички иштер министринин орун басары Сүйүн Өмүрзаков эл аралык донорлордун жардамы менен Бишкекке адамдын жүзүн тааный турган 60 видеокамера алып келинип, орнотулуп жатканын айтты. ИИМдин басма сөз кызматынын маалыматы боюнча, бул иштер Бишкекте түзүлгөн «Командалык борборду» ишке киргизүүнүн алкагында аткарылып жатат. Министрлик аталган борбордун максаты - кылмыш болгон жерге ыкчам чыгуу, коомдук коопсуздукту, жол коопсуздугун камсыздоо экенин кабарлады. Ошондой эле «Коопсуз шаар» долбоору боюнча 306 жерге видеокамера орнотуу пландалууда. Читать дальше...

Италиянын Сардиния аралындагы кыргыздардын жашоосу. Бычак жасаган оштук уста. Кыргыз коомунун азыркы жүзүн ачкан спектакль. Таштандынын азабынан нараазылыкка чыккан айыл эли. Сталиндик репрессиянын запкысын катуу тарткан акын Анна Ахматованын «Реквием» поэмасы кыргыз тилине которулду. "Данисте" берүүсүнүн кезектеги чыгарылышын сунуш кылабыз.

Ички иштер министрлигинин басма сөз кызматы тараткан маалыматка ылайык, ушул жылдын алгачкы тогуз айында 4694 жол кырсыгы катталды. Бул өткөн жылдын ушул мезгилине салыштырмалуу 12,3 пайызга көп. Жол кырсыгынан баш-аягы 529 киши каза болуп, былтыркыга салыштырмалуу 9,2 пайызга жогорулады. Өткөн жылы 484 адам өлгөн. Ал эми жаракат алгандар 6353төн, 7265ке көбөйүп, 14.3 пайызга жогорулады. Бул тууралуу 28-октябрда ички иштер органдарынын 9 айдагы ишмердигинин жыйынтыгы боюнча коллегиясында айтылды. Читать дальше...

Күрд кошуундары баштаган "Сириянын демократиялык күчтөрү" "Ислам мамлекети" экстремисттик уюмунун басма сөз катчысы АКШ менен биргелешкен операция учурунда жок кылынганын билдирди. Маалыматка караганда, мындай операция АКШ президенти Дональд Трамп 27-октябрда уюмдун лидери Абу Бакр ал-Багдади америкалык аскерлер тарабынан Сириядагы рейд маалында өлтүрүлгөнүн жарыялагандан көп узабай ишке ашкан. "Сириянын демократиялык күчтөрүнүн" командачысы Мазлум Абди Твиттерге жазганына караганда, басма... Читать дальше...

Европа Биримдиги Брекзиттин мөөнөтүн кийинки жылдын 31-январына жылдырууга макул болду.

Европа Биримдиги Брекзиттин мөөнөтүн эмки жылдын 31-январына жылдырууга макул болду. Аргентинада оппозициячыл талапкер Альберто Фернандес президенттик шайлоодо жеңди. Кытайдын Шаньдун провинциясында 67 жаштагы аял кыз төрөдү.

«Кыргызстан» партиясынын лидери, Жогорку Кеңештин депутаты Канат Исаев анын аты аралашкан Токмок шаарында сатылып кеткен китепкана боюнча, «Үмүт 2020» кыймылы жасаган иликтөөгө байланыштуу кыймылдын жетекчиси Ширин Айтматованы сотко берет. Бул тууралуу ал 28-октябрда, «Азаттыктын» «Эки бир» эксклюзив маегинде билдирип, ал мэр болуп турганда сатылды делген китепкананын чоо-жайы тууралуу айтып берди. - Мен Токмок шаарын башкарып турганда биз китепкананы саткан жокпуз. Биз мурунку китепкананы саттык. Читать дальше...

Бишкек шаарынын Биринчи Май райондук сотунун чечими менен «Ата Мекен» партиясынын лидери Өмүрбек Текебаев жана мурдагы министр, экс-элчи Дүйшөнкул Чотоновдун баш коргоо чарасы өзгөрүүсүз калды. Бүгүн соттук териштирүүгө берилген эки айлык мөөнөт аяктады. Ошого байланыштуу судья узартуу маселесин карап, соттолуучулардын баш коргоо чарасын дагы эки айга узартты. Жогорку сот быйыл 21-августта ишти жаңы ачылган жагдайларга байланыштуу карап, мурдагы чечимдердин баарын жокко чыгарган жана Текебаев менен Чотоновду сот залынан бошоткон. Читать дальше...

Бишкек ЖЭБин жаңылоо долбоору боюнча сот ишинде айыпталып жаткандар зыяндын көлөмүн эсептеген эки негизги эксперттин сотко келишин камсыздоону талап кылышты.

Европа парламентинин делегациясы талаштуу Кашмир аймагына аттанууда. Депутаттар 29-октябрда Индиянын карамагындагы штаттын борбор шаары Сринагарга барышат. Британ оторчулугунан кутулган Кашмир үчүн 1947-жылдан бери Пакистан менен Индия 2 жолу согушкан. Дели өткөн августта аймактын өз карамагындагы бөлүгүнүн атайын конституциялык макамын алып салып, коопсуздук чараларын киргизгенден кийин ортодогу чыңалуу курчуган. Индия бийлиги ошондой эле Бириккен Улуттар Уюмунун атайын баяндамачысы, АКШ конгрессмендеринин... Читать дальше...

Бишкек шаарынын Биринчи Май райондук сотунда «Ата Мекен» партиясынын лидери Өмүрбек Текебаев менен мурдагы министр жана экс-элчи Дүйшөнкул Чотоновдун иши каралды. Бүгүнкү отурумда үч күбө - Сайдулла Нышанов, Асия Сасыкбаева жана Данияр Нарымбаев көрсөтмө беришти. Жактоочу Таалайгүл Токтакунованын айтымында, үчөө тең соттолуучуларды актаган көрсөтмө беришти. Буга чейинки отурумда, 17-октябрда тогуз күбө сурак берип, алар да соттолуучуларды колдоп сүйлөшкөн. Текебаев менен Чотонов «орусиялык... Читать дальше...

Түркиянын коопсуздук күчтөрү Анкарадан ИШИМ террордук уюму менен байланышы бар деп шектелген 20дай чет өлкөлүк жаранды кармады.

Улуттук коопсуздук боюнча мамлекеттик комитеттин төрагасынын мурдагы орун басары Марат Иманкулов өлкөдөгү соңку тарыхый окуялар учурундагы атайын кызматтын ролу тууралуу "Бийлик сырлары" көрсөтүүсүндө баяндап берди. Марат Иманкулов 2002-жылы Аксы окуясында, 2005-жылдагы парламенттик шайлоонун кесепеттери жана өсүп жетилген нааразылыктын натыйжасында бийлик алмашууга алып келген жагдайлар тууралуу кеп салды.

Кыргызстандын пахта эгилген аймактарында ушу тапта пахта терими жүрүп жатат. Адистер быйыл 80 миң тонна пахта алынат жана анын баасы килограммына 40-45 сом болушу мүмкүн деп болжоп жатышат. Бирок бул кеткен чыгымды актаган жери жок. Дыйкандар болсо баа 50 сомго чыкканда гана өзүн акташы мүмкүн деп эсептешет.

Москвада профессор Осмонакун Ибраимовдун “Усубалиев” деген аталыштагы китеби жарык көрдү. “Молодая гвардия” басмасынан орус тилинде 240 бет болуп чыккан китептин нускасы 4000 даана. “Усубалиев” атактуу кыргыз саясатчысынын быйылкы 100 жылдык мааракесине арналып жазылды. Анын кыргызча котормосун Кыргызпатент мамлекеттик кызматы ишке ашырып, 30-октябрда Улуттук консерваторияда бет ачарын уюштурганы жатат. Автордун айтуусунда, бул эмгек анын Москвада чыккан үчүнчү (биринчиси «Испытание историей»... Читать дальше...

Ооганстандагы «Талибан» кыймылынын делегациясы өлкөдөгү согушту токтотууга жана тынчтык келишимине жетишүүгө багытталган сүйлөшүүлөрдүн жаңы айлампасына катышуу үчүн Кытайга келди.

Бишкектин чет жакасында жайгашкан Озерное айылында жекшемби күнү жолтандабастардын "Штурмовик" деп аталган турнири өттү. Sputnik Кыргызстан агенттиги автокөлүктөрдүн күч сынашкан таймашынан алынган сүрөттөрдү сунуштайт.

Орусияда ири жол кырсыгынан жабыркагандар арасында кыргыз жарандары жок. Бул тууралуу 28-октябрда Кыргызстандын Тышкы иштер министрлиги Новосибирск шаарындагы Башкы консулдуктун маалыматына таянып кабарлады. 26-октябрда Алтай крайынын “Барнаул-Рубцовск” федералдык унаа жолунун 74-чакырымында “Фиат Дукато” үлгүсүндөгү кичи автобус менен “Ниссан” үлгүсүндөгү автоунаа сүзүшкөн. Натыйжада сегиз адам каза болуп, дагы сегиз адам ар кандай деңгээлдеги жараат алган. Расмий маалымат боюнча, Кыргызстандын... Читать дальше...

Өзбекстандын аэропортторунда хижаб кийген кыз-келиндерди текшерүү күч алды. Аэропорт кызматкерлери мындай көзөмөл кандай буйруктун негизинде жүргүзүлүп жатканын айта алышкан жок.

Орусиянын коргоо министрлиги Дональд Трамптын Абу Бакр аль-Багдади өлтүрүлгөндүгү боюнча билдирүүсүн четке какты.

Бүгүн Свердлов райондук сотунда Бишкектин Жылуулук электр борборундагы (ЖЭБ) коррупция боюнча козголгон кылмыш ишин кароо уланды. Соттолуучулардын бири, мурдагы премьер-министр Сапар Исаков негизги деп эсептеген эки күбө келмейинче сотко катышуудан баш тартып, түшкө чейин сот залына кирбей койду. Судья Инара Гилязетдинова соттолуучунун жана анын адвокаттарынын мындай аракетин “цирк” деп атап, коомчулукту адаштырбоого чакырды: - Сот Жазык-процесстик кодекстин талаптарын тыкыр аткаруу менен иштеп жатат. Читать дальше...

«Азаттык» радиосу жемкорлукка каршы күрөштү күчөтүү боюнча жарыялаган сынакка келип түшкөн материалдарды жарыялоону улантат.

Ооганстандагы куралдуу “Талибан” кыймылынын делегациясы тынчтык сүйлөшүүлөрүнүн жаңы айлампасына катышуу үчүн Кытайга барды. Бээжин акыркы кезде Ооганстандагы зомбулукту токтотуп, 18 жылдык согушка чекит коюуга багытталган тынчтык сүйлөшүүлөрүнө жигердүү аралаша баштады. Кытай сүйлөшүүлөр өтө турганын расмий жарыялаган эмес, бирок Тышкы иштер министрлигинин өкүлү Хуа Чунин Ооганстандын тынчтык жараянына жардам берүүгө Бээжин даяр экенин айткан. Ооганстандагы "Tolo News" телеканалынын өз булактарына таянып кабарлашынча... Читать дальше...

Европа Биримдиги Брекзиттин мөөнөтүн келаткан жылдын 31-январына жылдырууга макул болду. Бул тууралуу «Твитттерге» Европа кеңешинин төрагасы Дональд Туск жазды. Тиешелүү расмий документ дүйшөмбүдө кабыл алынмакчы. Британ парламенти шаркеттен чыгуу боюнча келишимди ошол датага чейин ратификацияласа, анда Брекзит 31-январдан эрте ишке ашмакчы. Адегенде Британия Евробиримдиктен 29-мартта чыгары пландалган, бирок үчүнчү жолу жылдырылып отурат. Британ премьери Борис Жонсон Брекзитти которууга каршы болуп... Читать дальше...