Новости за 06.12.2019

Москванын соту белгилүү блогер, Жогорку экономика мектебинин студенти Егор Жуковду үч жылга шарттуу кести. - Сот Жуков Интернет аркылуу экстремисттик чакырыктарды жасаган деген бүтүмгө келди, - деп билдирди Кунцево райондук сотунун судьясы Светлана Ухналева. Бирок блогердин жакын санаалаштары баштан бери эле бул соттук ишти саясий куугунтук катары баалап келишет. 6-декабрда өкүм угузулуп жаткан учурда сот имаратынын сыртында Жуковдун жүздөгөн тарапташтары топтолуп турушту. 21 жаштагы блогер... Читать дальше...

7-декабрда түнкүсүн жана эртең менен Чүй, Ысык-Көл облустарынын көпчүлүк аймактарында, Талас, Нарын облустарынын  кээ бир райондорунда кар жаайт. Ош, Жалал-Абад, Баткен облустарынын өрөөндөрүндө жаан, кар жаап, тоо этектеринде жана тоолуу райондордо да кар жаашы ыктымал. Күндүз тоолуу райондордо кар жаайт, дыйканчылык аймактарда жаан-чачын болбойт. Чүй, Талас, Ош, Жалал-Абад, Баткен облустарынын кээ бир райондорунда туман түшүшү мүмкүн. Тоо этектеринде жана тоолуу райондордо жолдор тоңголок жана тайгак болот. Читать дальше...

Мамлекеттик каттоо кызматы Kaktus media маалымат агенттигин чындыкка дал келбеген кабар  жарыялаганы үчүн сотко бериши мүмкүн. Бул тууралуу бүгүн мекеме расмий билдирүү таратты. Билдирүүдө аталган сайтта мекеменин эки жетекчиси тууралуу жарыяланган макала «шектүү булактарга» таянып жазылганы үчүн агенттик кечирим сурашы керек экендиги айтылат. - «Жалпыга маалымдоо каражаттары жөнүндө» мыйзамдын 17-беренесинин негизинде Мамкаттоонун төрагасы Алмаз Мамбетовдон жана анын орун басары Айнура Туйбаевадан эл алдында кечирим сурап... Читать дальше...

«Азаттык» радиосу жемкорлукка каршы күрөштү күчөтүү боюнча жарыялаган сынакка келип түшкөн материалдарды жарыялоону улантат.

Феминналеге каршы чыккан жарандык активисттерге Бишкекте акция өткөрүүгө сот уруксат бербей койду. Бул тууралуу «Азаттык» радиосуна активист Аманбол Бабакулов билдирди. Анын айтымында, Эски аянтта же Курманжан датканын же Уркуя Салиеванын эстелигинин алдына төрт боз үй тигип, 40 аксакал, 40 ак элечек эне, 40 мырза жана 40 айым чогулуп, эки сааттык талкуу өткөрүлмөк. Жыйынтыгында резолюция кабыл алынып, Жогорку Кеңешке жөнөтүлмөк.  - Резолюциянын максаты – «улуттук музейлерде, борбордук Ала-Тоо... Читать дальше...

Борбор Азиядагы ири соода борбору атыккан Кара-Суу базарынын соодагерлеринин талаптарын базар карамагына кирген Сарай айыл өкмөтү жарым-жартылай канааттандырды.

Чүйдө бир үй-бүлөдөгү эки өлүмдүн чоо-жайы иликтене баштады. Милициянын маалыматына караганда, окуя 5-декабрда Жайыл районуна караштуу Кара-Балта шаарында болгон. Бул тууралуу "Азаттыкка" Чүй милициясынын басма сөз кызматынын өкүлү Назира Имангазиева билдирди. 71 жаштагы эне менен 40 жаштагы кызынын сөөгү үйүнөн табылган. Алар өз жанын өзүлөрү кыйганы, эч кимди күнөөлөөнүн кереги жоктугу тууралуу кат жазып кеткени, экөөнүн тең денесинен күч колдонуунун изи табылбаганы да кабарланды. Ошондуктан Чүй милициясы бул окуяны суицид деп атоодо. Читать дальше...

Токио Батыш Азияга аскердик-деңиз күчтөрүнүн кызматкерлер тобун жөнөтүү чечимин кабыл алганын Япониянын “Nikkei Business” басылмасы жазды.

Тегеран Ирандын түштүк жана түндүк кошуна өлкөлөрүнүн министрлерин кабыл алып, аймактык жыйын өткөрдү.

Венада 177 катышуучу менен ОПЕКтин жыйыны башталды.

Чет жактагы кыргызстандыктардын консулдук каттоого турушу жеңилдеди. Бул тууралуу 6-декабрда Тышкы иштер министрлиги (ТИМ) кабарлады. Мекеменин маалыматына караганда, 25-ноябрда өкмөт автоматташтырылган «Консулдук каттоо» санарип системасы аркылуу жарандарды каттоого алуу жана чыгаруу тууралуу токтом кабыл алды. Ага ылайык, чет өлкөдө жүргөн кыргыз жарандары консулдук каттоого дистанттык режимде кабыл алынат. Консулдукка барып убара болбойт, акча да төлөбөйт. Консулдук каттоонун негизинде шайлоочулар тизмеси түзүлөрү белгилүү. Читать дальше...

Бириккен Улуттар Уюмунун өндүрүштү өнүктүрүү долбоору Бишкектеги абанын сапатын жергиликтүү тийиштүү мекемелер менен бирге иликтеп, аны жакшыртуу боюнча бийлик органдарына бир нече сунуш киргизди.

Жогорку Кеңеште өлкөнүн энергетика тармагындагы абалга баа бериш үчүн убактылуу депутаттык комиссия түзүлдү. Мындай демилгени депутат Өмүрбек Бакиров көтөрүп чыкты. Комиссиянын курамына 11 депутат кирди. Ал бөлүштүрүүчү энергокомпаниялардын иши, электр энергиясын жоготуунун көлөмү, дебитордук карыз, коррупциялык схемалардын таасири, электр энергиясын эсептөөдө автоматташтырылган ыкманы колдонуу маселелерин карап чыгат. Мамлекет башчысы Сооронбай Жээнбеков коррупция жалпы элдик көйгөйгө айланып... Читать дальше...

Москвада жүздөгөн мигранттар кыргызстандыктардын аутсорсинг компанияларынан айлыктарын ала албай жүрүшөт.

Хабиб Нурмагомедовдун кийинки беттеши 2020-жылдын 18-апрелинде Нью-Йоркто өтөт. Спортчунун атасы уулу Тони Фергюсон менен беттешип жатканда, октагондун бурчунда кеңеш берип турууну пландоодо.

Кримтөбөл Азиз Батукаевдин түрмөдөн мыйзамсыз бошотулушуна байланыштуу Бишкектин Биринчи май райондук сотунда бүгүнкүгө белгиленген жыйын болгон жок. Буга судьянын ооруп, жумушка чыкпай калганы себеп болду. Кийинки отурум 10-декабрга пландалды. Батукаев 2013-жылы «айыккыс илдетке чалдыкты» деген негизде мөөнөтүнөн мурда түрмөдөн чыгып, атайын коштоо менен Бишкекке жеткирилип, Орусияга учуп кеткен. Ички иштер министрлиги (ИИМ) быйыл бул боюнча кылмыш ишин кайра тергеп, сотко өткөрүп берген. Мурдагы президент Алмазбек Атамбаев... Читать дальше...

Улуттук көркөм сүрөт музейинде уюштурулган көргөзмө коомдогу ажырымдарга жол ачып, маданияттагы жана идеологиядагы өксүктөрдү козгоду.

Ирандын Курдистан провинциясынын Саккез шаарында үйлөнүү үлпөт залында газ жарылып, 11 киши каза таап, 42си жаракат алды.

Мигрант күйөөсүндө ВИЧ инфекциясы бар экенин, өзүнө да жукканын Дилдора кош бойлуу болгондон кийин билген.

Кыргызстандын Кургак учукка каршы кызматы АКШнын Эл аралык өнүктүрүү боюнча агенттигинин (USAID) техникалык жардамы менен толук бойдон санарипке өтө баштады.  Саламаттык сактоо министрлиги буга чейин кургак учукту дарылаган бир катар ооруканаларда пилоттук режимде маалыматтык системаны иштете баштаган. Эми бул тажрыйба жалпы тармакка жайылтылганы турат.  5-декабрда мамлекет башчысы Сооронбай Жээнбеков Улуттук фтизиатрия борборуна барып, маалыматтык системанын сапатын жана ыңгайлуулугун көрүп чыкты. Читать дальше...

Жалал-Абад облустук Барпы Алыкулов атындагы драма театры жайгашкан жер тилкесине байланышкан талашты Финансы полициясы сотко чейинки өндүрүшкө алды. Буга «жер ээсимин» деп чыккан жеке адамдын арызы негиз болду.

Казакстандын Сенаты Түркия менен аскердик кызматташтыктар тууралуу макулдашууну бекитишти.

АКШнын бир сенатору Орусияга каршы санкция жарыялоо боюнча долбоор добушка коюларын маалымдады.

Улуттук коопсуздук боюнча мамлекеттик комитет (УКМК) журналисттик иликтөөдө айтылгандарга байланыштуу жүрүп жаткан сотко чейинки өндүрүш тууралуу маалымат берди. Мекеменин басма сөз кызматы кабарлагандай, Жогорку Кеңештин депутаттары Алтынбек Сулайманов, Дүйшөн Төрөкулов, экс-депутат Ширин Айтматова, Мамлекеттик бажы кызматынын төрагасынын мурунку орун басары Раимбек Матраимов сурак беришти. Кыргызстандын Түркиянын Стамбул шаарындагы экс-консулу Эркин Сопоковдун катышуусунда тергөө иштери жүргүзүлүп... Читать дальше...

Кумтөр алтын кенинде жер көчкүдө калган эки кызматкер 1-декабрдан бери табыла элек. Ушул тапта дайынсыз болуп жаткандарды 100дөй куткаруучу издөөдө. Ошол эле кезде экологдор көчкү жүргөн аймак кыймылдап турарын айтып жатышат.