Новости за 16.12.2019

15-декабрда Кара-Суу районундагы №73 Токтогул атындагы мектептин спорт залында өрт чыккан. Бул тууралуу “Азаттыкка” Кара-Суу райондук билим берүү бөлүмүнүн башчысынын милдетин убактылуу аткаруучу Жанышбек Омошов билдирди. Маалыматка ылайык, өрт электр жылыткычтан чыккан. Өрт өчүргүчтөр келгенче спорт залдын 20 чарчы метр өрттөнүп, дагы 10 чарчы метрдей аянт жараксыз абалга келген. Кырсык дем алыш күндөрү болгондуктан эч ким жабыркаган эмес. Жанышбек Омошовдун айтымында, кырсык болгон мектепке айыл өкмөт башчысы барып... Читать дальше...

Украина азербайжандык оппозициялык блогер Элвин Исаевди Бакуга депортациялады. Азербайжан Башкы прокуратурасы аны оор кылмышка шектүү деп издөө жарыялаган. Бул тууралуу Азербайжандын мамлекеттик миграция кызматы 14-декабрда билдирди. Маалыматка караганда, 39 жаштагы Исаев “Украинанын миграциялык мыйзамдарын” бузгандыгы үчүн 12-декабрда өлкөдөн чыгарылган. Блогер мекенине келери менен, Баку сотунун 22-августта чыгарган чечимине ылайык, камакка алынды. Исаевге кандай айып тагылганы расмий билдирүүдө айтылган жок. Читать дальше...

Кыргызстандын Орусиядагы элчилиги Хабаровск шаарында иштеген кыргызстандык айдоочулардын ОМОНдун зомбулугуна кабылганы боюнча маалымат берди. Элчиликтин басма сөз кызматы тараткан маалыматта окуяга байланыштуу элчилик тынчсыздануусун билдирип, Орусиянын Тышкы иштер министрлигине, Ички иштер министрлигине жана Башкы прокуратурасына кайрылганы айтылат. Ошондой эле кыргызстандыктар кабылган окуяны тыкыр териштирип, күнөөлүүлөр Орусиянын мыйзамдары менен жоопко тартылат деген ишенимин билдирген. ... Читать дальше...

Кикбокс боюнча спорт сүйүүчүлөр арасында дүйнөнүн үч жолку чемпиону Авазбек Аманбеков Кыргызстанда аталган спорт түрү боюнча сүйүүчүлөр категориясынан профессионалдарга өтүү мүмкүн эместигин айтты.

Пакистанда балдардын шал оорусуна каршы беш күндүк өнөктүк башталды. Быйыл бул кооптуу жугуштуу илдетке 100дөн көп киши чалдыкты. 16-декабрдан тартып он миңдеген киши үймө-үй кыдырып 5 жашка толо элек 39 миллиондон ашык баланы эмдөөгө катышмакчы. План боюнча чыгыштагы Панжаб провинциясында 19 миллиондон ашуун бала эмделет. Өнөктүктүн алдында Саламаттык сактоо министрлиги Хайбер Пахтунхва жана Панжаб чөлкөмдөрүндө үч ымыркай ооруга чалдыкканын кабарлады. Пакистан балдардын шал оорусу кеңири жайылган өлкөлөрдүн бири бойдон кала берүүдө. Читать дальше...

Бишкек шаардык соту Биринчи Май райондук сотунунун мурдагы ички иштер министри Молдомуса Конгантиевди актаган өкүмүн күчүндө калтырды. Шаардык сот мындай чечимди 16-декабрда чыгарганын Конгантиевдин адвокаты Икрамидин Айткулов кабарлады. Милициянын генерал-лейтенанты Конгантиевге 2005-жылдын 24-март, 2010-жылдын апрель окуялары боюнча Кылмыш-жаза кодексинин 305-316-беренелери («Кызматтык ыйгарым укуктарынан аша чабуу», «Шалаакылык») менен кылмыш иши козголгон. Прокуратура райондук сотто Молдомуса Конгантиевди алты жылга камап... Читать дальше...

Жогорку Кеңештеги «Бир Бол» фракциясынын мүчөсү Жаныбек Бакчиев 16-декабрда Улуттук коопсуздук боюнча мамлекеттик комитетке (УКМК) эки саат сурак берип чыкты. Бул тууралуу депутат «Азаттыктын» суроолоруна жооп берип жатканда айтты. Анын айтымында, ал мындан 8-10 жыл мурдагы иштерге байланыштуу суракка чакырылган. - Суракта тактоочу суроолор болду. Мен кандай статуста чакырылып жатканым боюнча бир нерсе деп боолголой албайм. Муну убакыт көрсөтөт. Бирок суракка дагы чакырылышым мүмкүн экенин четке какпайм, - деди Бакчиев. Читать дальше...

Эл аралык мунапыс уюму («Amnesty International») Иран бийлиги өткөн айдагы нааразылык акцияларынан кийин «ырайымсыз куугунтук кампаниясын» улантып жатканын билдирди. Ал акциялар маалында, укук коргоочулардын эсебинде, кеминде 304 киши өлгөн. 16-декабрда жасалган билдирүүдө Лондондо жайгашкан уюм белгилегендей, бийлик Ирандагы куугунтук жөнүндө ооз ачпасын деп миңдеген демонстранттарды, журналисттерди, укук коргоочуларды жана студенттерди камап жатат. Уюм көз карандысыз булактарына таянып, кыйноо... Читать дальше...

“Эже-сиңдилер” берүүсүндө бул жолу сексуалдык зордуктоого кабылган аялдардын өзүнө күнөө артуу тенденциясы тууралуу баарлаштык. Тийишүүдөн баштап, сексуалдык мажбурлоого чейин күнөөнү кыз-келиндин өзүнө оодаруу учурларын, каармандардын таржымалын адистер айтып беришти.

Казакстанда Эгемендик күнү белгиленип жатат. Нур-Султан жана Алматы шаарларында оппозиция жана жарандык коомдун активисттери акцияларга чыгып, саясий туткундарды бошотууну, адам укуктарын коргоону талап кылышты. Митингге чыккандар 1986-жылкы Желтоксон окуяларынын жана 2011-жылы Жаңы-Өзөндө болгон кан төгүүнүн курмандыктарын эскеришти. Башкалаада чогулгандардын айрымдары “Унутпайбыз! Кечирбейбиз!” деп жазылган плакаттарды көтөрүп турушту. Акция болгон жерди полиция курчоого алды. Жергиликтүү бийлик өкүлү жыйын уруксатсыз өтүп жатканын айтып... Читать дальше...

Камакта отурган саясатчы Садыр Жапаровду түрмөдөн бошотууну талап кылган кол топтоого 500 миң киши кол койду. Бул тууралуу саясатчынын тарапташы, жарандык активист Мелис Аспеков билдирди. Ал Жапаровду колдогондор 1 миллион кол чогултуп, президент Сооронбай Жээнбековго берүүнү көздөп жатышканын айтты. Бул кол топтоо ушул жылдын октябрь айында башталган. Саясатчынын жактоочусу кол топтоо Кыргызстандын ичинде жана чет өлкөдө да жүрүп жатканын жарыялаган. Кумтөр маселесине байланыштуу өкмөткө каршы... Читать дальше...

«3 млн. сом пара алган» деп шек саналып жаткан Жогорку соттун Соттук департаментинин ресурстар башкармалыгынын башчысы (А.А.) Улуттук коопсуздук боюнча мамлекеттик комитеттин (УКМК) тергөө абагына камакка алынды. Бул тууралуу шектүүнүн жактоочусу Алия Турумбекова билдирди. УКМКнын маалыматына караганда, шектүү Соттук департаменттин кызматкерлери менен алдын ала сүйлөшүп алып, райондук соттордун биринин имаратын ремонт кылуудагы тендерде утуу маселесин оңунан чечип берүү үчүн жеке компаниядан 3 млн. Читать дальше...

Катардын тышкы иштер министри жекшемби күнү Перс булуңунун кызматташтык кеңешин Иран Ислам Республикасы менен сүйлөшүүлөрдү баштоого чакырды.

Жакында легендарлуу парламент спикери Медетхан Шеримкулов 80 жашка толду! Медетхан Шеримкулов кийинки муундагы саясатчыларга, жаштарга өрнөк боло турган чоң тагдырга эгедер мамлекеттик ишмерлердин бири экендиги шексиз.

Президент Сооронбай Жээнбеков уран жана торий кендерине геологиялык изилдөө иштерин жүргүзүүгө жана иштетүүгө тыюу салган мыйзамга кол койду. Мыйзамды Жогорку Кеңеш ушул жылдын 31-октябрында кабыл алган. Мыйзам калктын ден соолугун, жерлерди, суу объекттерин, өсүмдүктөр жана жаныбарлар дүйнөсүн коргоого, жарандардын жашоо укуктарын, радиациялык жана экологиялык коопсуздукту камсыз кылууга багытталган. Мыйзам менен Кыргызстандын аймагында төмөнкүлөргө тыюу салынат: 1) уран, торий кендерин чыккан... Читать дальше...

Жаңы жылды белгилөөгө байланыштуу кыргызстандыктар 1-январдан 7-январга чейин эс алышат. Тиешелүү токтомго премьер-министр Мухаммедкалый Абылгазиев кол койгонун өкмөттүн басма сөз кызматы билдирди. Токтомго ылайык, беш күндүк иш жуманын графиги боюнча иштеген мамлекеттик жана муниципалдык уюмдардын, мамлекеттик бюджеттен каржыланган мекемелердин жана ишканалардын кызматкерлери үчүн 24-февралдагы дем алыш күндү (23-февраль дем алыш күнгө туш келгендиктен эс алуу күнү катары саналат) 2-январдагы иш күнүнө... Читать дальше...

Жогорку Кеңештеги «Бир Бол» фракциясынын мүчөсү Жаныбек Бакчиев бүгүн, 16-декабрда Улуттук коопсуздук боюнча мамлекеттик комитетте (УКМК) сурак берип жатканы айтылууда. Бул тууралуу айрым сайттар күч органдарындагы жеке булактарына таянып жазып чыгышты. Маалыматты такташ үчүн Бакчиевге байланышканыбызда ал телефонун алган жок. Ал эми Улуттук коопсуздук боюнча мамлекеттик комитет азырынча жооп бере элек. Депутаттын айрым фракциялаштары менен сүйлөшкөнүбүздө кабары жок экенин айтышты.   Жалпыга... Читать дальше...

Республикалык клиникалык жугуштуу оорулар ооруканасына кайрылгандардын саны өстү.

Кыргызстандын президенти Сооронбай Жээнбеков Дубай шаарында журтташтар менен жолугушканда Чолпон Абдырахманова «Азаттыктын» иликтөөсүндө айтылган Райымбек Матраимовдун декларациясында көрсөтүлбөгөн Дубайдагы мүлкү боюнча суроо берген.

Азамат Дикамбаев Бишкектеги «Газпром-Кыргызстан» орто мектебинин директору кызматында калды. Бул маалыматты аталган мектептен ырасташты. Ал эми Дикамбаев өзү кызматына байланыштуу комментарий бербей турганын айтып, учурда жумуш ордунда экенин кошумчалады. 13-декабрда «Kaktus.media» сайты мэриядагы жеке булактарына шилтеме берип, Азамат Дикамбаев кызматынан бошотуларын, 9-январда жаңы директор дайындаларын жазган. 14-декабрда «Газпром» мектебинин окуучулары жана ата-энелер директорду алмаштырууга каршы болуп, нааразылык акциясына чыгышкан.

Бириккен Улуттар Уюмунун Климат боюнча дүйнөлүк конференциясы 15-декабрда олуттуу жыйынтыксыз аяктады. Анын катышуучулары абаны булгаган көмүр кычкыл газын кыскартуу боюнча так кадамдар кийинки жылы Глазгодо өтө турган жыйында кабыл алынат деп үмүт артышты.

Кара-Суу районунун Папан айыл өкмөтүндөгү Карагур айылынын тургундары Жол-Чырак кениндеги көмүр казуу ишине нааразы.

Йемендин Улуттук рак борборунун жетекчиси өлкөдө рак менен ооруган балдар көбөйгөнүн билдирди.

Аялдар өзүн өзү сынап көрүүдөн тышкары реалдуу киреше алып келе турган өздүк бизнеске ээ болууну кыялданышат. Аялдарга ылайыктуу деп эсептелген бизнес түрлөрүн сунуштайбыз: Мебель жаатындагы аялдардын бизнеси Эмерек жана оор турмуш-тиричилик техникасы боюнча жалаң эркектер алектенишет деген ой калыптанган, бирок, ашкана эмерегин көбүнчө аялдар колдонушаарын жакшы билебиз. Ашканадагы эмерегин алмаштырууну ойлонгон кожойкелер үчүн, аны толугу […]

Ар бир иш жаңы башталганда бир топ чалкештиктерге орун берет, кандай иш болбосун алгачкы кыйынчылыктарды жеңсеңиз гана калган жеңиз сизди өзү издеп келет. Олуттуу өндүрүш баштоодогу дагы бир идея — нервди бошоңдотуучу кошулмалардын эң аз дозасын камтыган газдалган жана газдалбаган суусундуктарды чыгаруу. Мындай бизнестин алгачкы карлыгачы америкалык Drank болгон. Мындай азыктарды чыгаруунун коркунучсуз жагы суусундукка […]