Новости за 15.09.2020

Борбордук шайлоо комиссиясынын (БШК) мүчөсү Атыр Абдрахматова шайлоо мекемесине «Кыргызстан» саясий партиясынын жоопкерчилигин жана аны парламенттик шайлоодон четтетүү маселесин кароону сунуш кылды. Бул сунушун ал «Фейсбуктагы» баракчасына жазды. Буга Жогорку Кеңештин спикери, аталган партиянын тизмесинде шайлоого аттанган Дастанбек Жумабековдун жаш энеге 50 миң сом сүйүнчү бергени тууралуу маалымат негиз болгон. Абдырахматова Жумабеков кызматтык макамынан пайдаланып, шайлоо мыйзамынын эрежелерин бузган деп эсептейт. Читать дальше...

16-сентябрда Кыргызстандын аймагында жаан-чачын жаабайт. Батыштан жел согуп турат. Абанын температурасы: Ош, Жалал-Абад, Баткен облустарында түнкүсүн 11...16, күндүз 28...33, Чүй өрөөнүндө түнкүсүн 9...14, күндүз 25...30, Ысык-Көл дубанында түнкүсүн 8...13, күндүз 19...24, Нарын жергесинде түнкүсүн 3...8, күндүз 20...25, Талас облусунда түнкүсүн 7...12, күндүз 24...29, Бийик тоолуу райондордо түнкүсүн -2...-7, күндүз 6...11 градус болот. Бишкек шаарында түнкүсүн абанын температурасы 12...14... Читать дальше...

АКШнын президенти Дональд Трамп Тегеран генерал Касем Сулйманинин өлүмү үчүн өч алуу максатында америкалык дипломаттын көзүн тазалоону көздөгөн деген мазмундагы маалымат тууралуу комментарий берди. Ал 14-сентябрда "Твиттердеги" баракчасына "Иран кандай гана формада АКШга кол салбасын, ага миң эсе масштабдуу жооп болот" деп жазды.  Мунун алдында "Политико" басылмасы мындан бир жылдай мурун АКШнын Түштүк Африкадагы элчиси болуп дайындалган, Трамптын жакын санаалашы делген Лана Марксты өлтүрүш үчүн Иран кутум уюштурганы жатканы тууралуу жазган. Читать дальше...

Ташкенттин Яккасарай райондук соту 14-сентябрда «Korean and Migrations» аттуу ишке орноштуруучу жеке менчик агенттикке байланыштууу өкүм чыгарды. Бул тууралуу Өзбекстандын Жогорку сотунун «Телеграм» каналы маалымдады. Ага ылайык, агенттиктин директору Кахрамон Отакулов менен Наманган облустук филиалынын башчысы Одил Кабилов тогуз жылга эркинен ажыратылды. Агенттикти негиздеген Хуашвакт Турдиев менен окуу иштери боюнча агенттиктин башчысы Мусурмон Аликулов 8,3 жылга түрмөгө кесилди. Бул иш боюнча сот ушул жылдын июнь айында башталган. Читать дальше...

Кыргызстандын үч аймагында коронавирус боюнча абал кооптуу болуп турат. Бул тууралуу 15-сентябрда саламаттык сактоо министри Сабиржан Абдикаримов билдирди. Анын айтымында, республика боюнча көрсөткүчтү ар бир 100 миң кишиге деп санаганда Баткен, Ысык-Көл облустары жана Бишкек шаарында жогору болууда. «Мисалы, 7-13-сентябрда республикада көрсөткүч жети болсо, Баткенде 19, Ысык-Көлдө жана Бишкекте 11 болду. Башка аймактарга караганда булардын көрсөткүчү жогору», - деди ал. Министр аталган аймактарда... Читать дальше...

«Microsoft» компаниясынын негиздөөчүсү, америкалык миллиардер, филантроп Билл Гейтс менен анын жубайы негиздеген фонд коронавирус пандемиясы маалындагы саламаттык сактоо тармагындагы абал тууралуу баяндама жарыялады. Анда соңку илдеттен улам бул тармактагы глобалдык прогресс «кыйла артка кеткени» жазылган. Ошондой эле анын кесепети миллиондогон адамга тиери, оорудан өмүр кыйылган учурлар менен жакырчылык кыйла көбөйөрү белгиленген.  15-сентябрда жарыяланган документке ылайык, пандемиянын кесепетинен... Читать дальше...

Алайдагы тарыхый баалуу таштар, петроглифтер жаткан аймакта көмүр казуу иштери башталганы турат. Бул маалымат коомчулукта талкуу жаратты.

4-октябрдагы парламенттик шайлоого «Кыргызстан» партиясынын катарында талапкер болуп аттанган Жогорку Кеңештин төрагасы Дастанбек Жумабеков жаңы төрөгөн келинге 50 миң сом сүйүнчү берди. Бул тууралуу «Азаттыкка» спикердин басма сөз катчысы Жоомарт Максатбеков билдирди. Анын айтымында, Жумабеков келинге акчаны 14-сентябрда Таластагы жумушчу сапарынын алкагында тартуулаган. Борбордук шайлоо комиссиясы (БШК) шайлоого аттанган талапкерлер үгүт учурда кайрымдуулук иштер менен алектенбеши, жарандарга акчалай жардам бербеши керек экенин эскерткен. Читать дальше...

Берлиндеги «Шарите» ооруканасында дарыланып жаткан орусиялык оппозициячыл саясатчы Алексей Навальный абалы түзүк болуп калгандан кийин Орусияга кайтып келет. Бул тууралуу «The New York Times» басылмасы немис коопсуздук органынын жогорку даражалуу өкүлүнө шилтеме кылып жазды. Анда Навальный өзүн ууландырган жагдайды Германиянын Орусия менен чогуу иликтешине каршы болгон. Басылманын булагы Навальный катуу ууланганына карабай «өз абалы тууралуу жакшы билет, эмне болгонун толук аңдап түшүнөт жана кайда экени тууралуу кабардар» деп айткан. Читать дальше...

Кыргызстанда эттин баасы кымбаттады. Уй жана кой эти 350 сомдон 400 сомго чейин бааланып жатса, айрым жерлерде баа андан да көтөрүлдү. Мунун себеби өлкөдө малдын жана эттин экспорту өскөнү менен түшүндүрүлүүдө. Жандыктардын сыртка сатылышы расмий эсепте бир нече эсе көбөйсө, расмий эмес эсеп андан да арбын. Анын ичинде мал негизинен Тажикстанга жана Өзбекстанга жөнөтүлүп жатат. «Элдик экономика» түрмөгүндө ушул тема талданды. Баа көтөрүлдү, даттанган киши көп Бишкек шаарынын «Ош» базарындагы эт павильонунда кирген кишини өзүнө тартмай... Читать дальше...

Ошто тойкана ээлери иштөөгө уруксат берүүнү өтүнүштү. 15-сентябрда Ош шаарында жана Кара-Суу, Өзгөн райондорунда жайгашкан тойканалардын ээлери, ырчы-тамадалар басма сөз жыйынын өткөрүп, тойлорду ресторандарда өткөрүүгө уруксат берилиши керек деген оюн айтышты. Алар базар, мал базар, коомдук транспорт иштеп турган учурда ресторандардын ишин токтотуп коюу адилетсиздик экенин айтышты. Ресторан ээлери жок дегенде 100-150 киши катышкан мааракелерге уруксат болсо, ар бир тойкана жок дегенде 40тан кишини жумуш менен камсыз кыларын билдиришти. Читать дальше...

Борбордук шайлоо комиссиясы (БШК) Сагынбек Абдрахманов жетектеген Кыргызстан социал-демократиялык партиясынын (КСДП) арызын канааттандыруудан баш тартты. Арыз 14-сентябрда комиссиянын жыйынында каралганын мекеменин басма сөз кызматы кабарлады. Абдрахманов Боршайкомго жазган арызында КСДПнын алты мүчөсүнүн башка партиялардын тизмесинде шайлоого катышып жатканын мыйзамсыз деп эсептеген. Алардын катарында Жогорку Кеңештин депутаттары Иса Өмүркулов, Элвира Сурабалдиева, Кожобек Рыспаев, Гүлкан Молдобекова... Читать дальше...

Соцтармактарда «Ала-Букада "Биримдик" партиясынан депутаттыкка талапкер добуш сатып алууда» деген видео тарады.

Борбордук шайлоо комиссиясы (БШК) «Мекеним Кыргызстан» саясий партиясынын депутаттыкка талапкери Кылычбек Исамамбетовго Тартип бузуу жөнүндө кодекстин «Шайлоо алдындагы үгүт жүргүзүү шарттарын бузуу» деген 44-беренесине ылайык айыппул салат. Мындай чечим БШКнын 14-сентябрдагы отурумунда кабыл алынды. Буга жарандардын биринен түшкөн арыз негиз болгон. Анда «Мекеним Кыргызстан» партиясы коюлган чектөөгө карабастан концерт өткөргөнү, анда ырдаган ырчы кыздын жаш курагы да суроо жаратып жатканы айтылган. Читать дальше...

Кыргызстанда парламенттик шайлоого мамлекеттик жогорку кызматтагы жетекчилердин талапкер катары катышуусу кайрадан талкууга жем таштады.  Бул жолу «Кыргызстан» партиясынан депутаттыкка талапкер катары ат салышып жаткан «Улуттук энергохолдингдин» төрагасы Айтмамат Назаровдун айланасында сөз болууда. Назаров буга чейин БШК каттоодон баш тартып, сот аркылуу жарышка түшүү укугуна ээ болгон партиянын тизмесинде 58-болуп бара жатат. Дал ушул өлкөдөгү эң ири компаниялардын бирин жетектеген Назаровду... Читать дальше...

Азамат Алтайдын (Кудайберген Кожомбердиевдин) 100 жылдык мааракесине арналган кичүү замандашы жана шакирти Т.Чоротегиндин блогу.