Новости за 28.04.2021

Ооганстандын Улуттук коопсуздук башкармалыгынын башчысы Ахмад Зия Сараж жоочулардын катарында согушкан жана ар кандай оор кылмыштарга барган “Ислам мамлекети” террорчул тобунун 408 мүчөсү абакта отурганын билдирди. Анын айтымында, бул адамдар кезинде Ооганстанга ар кайсы тараптан келип, жоочулардын катарында же болбосо мыйзамсыз куралдуу жалданма топтордун арасында жүрүп камакка алынган 14 мамлекеттин жарандары экени аныкталган. Ахмат Зия Сараж учурда 14 мамлекеттин тиешелүү бийлик органдары... Читать дальше...

Кыргыз-тажик мамлекеттик чек арасында бүгүн 28-апрелде болгон окуя боюнча тараптар ортосунда ушу тапта сүйлөшүү жүрүп жатат. Бул тууралуу "Азаттык" радиосуна өкмөттүн облустагы өкүлчүлүгүнөн кабарлашты. Түшкө жуук Баткен районунун Ак-Сай айыл аймагынын Көк-Таш айылына жакын жерде Ак-Суу дарыясынын суу бөлүштүрүүчү жайында ("Головной")тажик тарап электр мамысына видео байкоо камерасынын экинчисин орнотуп жаткан учурда аларды Кыргызстандын чек арачылары токтоткон. Жаралган абал боюнча эки тараптын... Читать дальше...

Конституциянын жаңы долбооруна каршы чыгып, 15-мартта камакка алынган Тилекмат Кудайберген уулу 26-апрелде үй камагына чыгарылды. Жарандык активист өзүнө карата саясий куугунтук болуп жатат деп эсептейт.

Ирандын президенти Хасан Роухани тышкы иштер министри Мохаммад Жавад Зарифтин аудиосунун чыгып кетишин дүйнөлүк державалар менен өзөктүк макулдашууну калыбына келтирүү боюнча алдыдагы сүйлөшүүлөр үчүн ажырым салууга багытталган аракет деп атады. Венада өтө турган өзөктүк сүйлөшүүлөрдүн уландысы АКШны 2015-жылдагы макулдашууга кайтып барууга жана Тегеранды андагы милдеттемелерин сактоого багытталган. Макулдашууда эгерде Иран өзөктүк программасын кыскартса, андан эл аралык санкцияларды алып салуу шарттары камтылган. Читать дальше...

Экинчи дүйнөлүк согуштун Кыргызстандагы ардагерлеринин ар бирине 70 миң сомдон берилет. Мындай буйрукка президент Садыр Жапаров бүгүн 28-апрелде кол койду. Кыргызстанда соңку бир жылда Экинчи дүйнөлүк согуштун ардагерлери теңине чейин азайды. Саламаттык сактоо жана социалдык өнүктүрүү министрлигинин басма сөз кызматы 27-апрелде “Азаттык” радиосуна билдиргендей, быйыл 1-апрелде өлкөдө бул согуштун 146 ардагери бар экени белгилүү болгон. Былтыр ушул маалда алардын саны 241 болчу. 146 ардагердин 33ү согуштун майыбы... Читать дальше...

Өлкөнүн эгемен тарыхында “Матраимовдун иши” эң чуулгандуу журналисттик иликтөөлөрдүн бири болуп калды. Бажы кызматынын төрагасынын мурдагы орун басары Райымбек Матраимовдун жана анын үй-бүлөсүнүн үч медиага каршы доосунун кыскартылганына алардын арызынан баш тартканы себеп болду. Матраимовдун жактоочулары азырынча доодон баш тартканынын себебин түшүндүрө элек. Журналисттик иликтөөлөргө байланыштуу Матраимовдор "Азаттык", "Клооп", "24.kg" медиаларына жана журналист Али Токтакуновдон жалпысынан 60 миллион сом өндүрүп берүүнү соттон өтүнүшкөн.

Бишкек шаарында "Санариптик Кыргызстан 2021" аталышында кибер машыгуу өтүп жатат. Иш-чараны Улуттук коопсуздук мамлекеттик комитети (УКМК) бир катар эл аралык уюмдар менен чогуу уюштурган. Машыгуу 28-29-апрель күндөрү өтөт. Машыгуунун максаты, мамлекеттик кызматкерлерди компьютердик чабуулдарды аныктоого үйрөтүү, аны иш-жүзүндө колдонуу болуп саналат. Практикалык көнүгүүгө киберкоопсуздук жаатындагы эл аралык компаниялардын эксперттери чакырылган жана Эл аралык телекоммуникация бирлигинин кибер платформалары колдонулат. Читать дальше...

27-апрелде түрк бийлиги үч жумалык толук локдаун жарыялады. Түркияда туруктуу иштеп жаткан мигранттар да бул катаал эрежелерди сактоого милдеттүү. Ал эми кыска мөөнөткө барган туристтер ээн-эркин жүрө алышат. Ошондой эле эл аралык учак каттамдары белгиленген график боюнча аткарылары кабарланды. Түркиянын маданият жана туризм министри Мехмет Нури Эрсой (Mehmet Nuri Ersoy) катаал карантин эрежелери өлкөгө кыска мөөнөткө келген туристтерге гана тиешелүү болбогонун айтты. “Түркияга кыска мөөнөткө... Читать дальше...

29-апрелде Кыргызстандын аймагында жаан-чачын жаабайт. Бийик тоолуу райондордо жолдор тайгак болот. Түштүк-чыгыш тараптан келген шамалдын ылдамдыгы секундасына 5-10 метрге жетет. Абанын температурасы: Чүй облусунда түнкүсүн 10...15, күндүз 28…33; Талас жергесинде түнкүсүн 7...12, күндүз 27…32; Ош, Баткен, Жалал-Абад дубандарында ​түнкүсүн 11…16, күндүз 29…34; Ысык-Көл облусунда түнкүсүн 5…10, күндүз 17…22; Нарында түнкүсүн 3…8, күндүз 19…24; Бийик тоолуу аймактарда түнкүсүн -2…-7, күндүз 5…10 градус болот. Читать дальше...

Бириккен Улуттар Уюмунун Коопсуздук кеңеши куралдуу чыр-чатактар жүрүп жаткан учурда тынч жарандарды коргоо боюнча резолюцияны бир добуштан кабыл алды. Бул резолюциянын негизги мазмунунда негизинен согуш аракеттери жүрүп жаткан зоналарда калып кеткен жарандык калкты азык-түлүк, суу жана медициналык тейлөө менен камсыздоо тууралуу сөз болду. Чыр-чатактарга аралашпаган жайкын тургундардын тирүү калуу мүмкүнчүлүгүн камсыздоо кепилдиктери белгиленген. БУУнун баш катчысынын орун басары Марк Лоукок... Читать дальше...

Мамлекеттик бажы кызматы 2021-жылы январь-апрель айларында 11 миллиард 640 миллион сом чогултту. Бул тууралуу вице-премьер-министр Артем Новиков бүгүн, 28-апрелде Жогорку Кеңештин жыйынында айтты. Маалыматка ылайык, бул каражат планда көрсөтүлгөндөн кыйла аз. Өлкө казынасына каражаттын көпчүлүк бөлүгү Мамлекеттик салык кызматы менен Бажы кызматынан түшөт. 2021-жылга карата Кыргызстандын бюджетинин кирешеси 172 млрд. 891 млн. сом, ал эми чыгашасы 181 млрд. 354 млн. сом деп кабыл алынган. Республикалык бюджеттин тартыштыгы 8 млрд. Читать дальше...

Эксперттер өлгөндөрдүн чыныгы саны бир топ жогору экенин айтышууда. Индияда соңку жети күндөн бери коронавирус пандемиясы кеңири кулач жайып, аны жугузуп алгандар менен илдеттен каза болгондордун саны эл аралык коомчулуктун үшүн алууда. Коронавирусту жугузуп алгандардын саны расмий статистика боюнча күн сайын 300 миңдин айланасында аныкталып, суткасына 2 миңден ашуун өлүм катталып жатканы белгиленди. Индиядагы коронавирус инфекциясынын экинчи толкуну мутацияланган түрүндө каптады. Индияда 1 миллиард 400 миллион адам жашайт. Читать дальше...

Таластын облустук акимчилигинин алдында бүгүн 28-апрелде Жеңиш күнүнө карата өтө турган ат оюндарына байланыштуу нааразылык акциясы өттү. Жергиликтүү 30дай саяпкер чогулуп, оюндардын баарын Таласта өткөрүүнү талап кылышканын “Азаттык” радиосуна облустук ат чабыш федерациясынын жетекчиси Камчыбек Жөнөтбаев билдирди. Анын айтымында, жыл сайын түрдүү майрамдарга карата ат оюндары улам бир облуста чогуу өткөрүлүп келет жана быйыл Таласта өтөрү тууралуу чечим Бишкекте 15-апрелде кабыл алынган: “Көк бөрү... Читать дальше...

UFC Russia уюмунун YouTube-каналы жеңилбес мушкер Хабиб Нурмагомедовго мушкерлердин каалоо-тилек айткан видеосун жарыялады.

Премьер-министр Улукбек Марипов өкмөт калкка кызмат көрсөтүүнү жакшыртуу максатында банк тармагын санариптештирүү үчүн реформаларды жүргүзүү зарыл экенин билдирди. Өкмөттүн сайтындагы маалыматка караганда, Санариптик өнүктүрүү мамлекеттик кызматынын укуктары кеңейтилип, электрондук тейлөө тутумун ишке ашыруу процесси жакшыртылат. Бул кадам коронавирус кризисинин кесепетин жоюу максатында кабыл алынган. Ага ылайык, өлкөдөгү банк тармагын санариптештирүүнүн алкагында электрондук эмгек китепчелери киргизилип... Читать дальше...

Украинанын президенти Владимир Зеленский 27-апрелде украин жоокерлерин күжүрмөн даярдыкта болууга чакырып, “орусиялык аскерлер өлкөнүн чек арасына жакын аймактарга каалаган учурда кайтып келиши мүмкүн экенин” эскертти. Украинанын куралдуу күчтөрү бир нече жылдан бери өлкөнүн чыгышындагы орусиячыл жикчилдер менен күрөшүп келет. Орусия Крым жарым аралын аннексиялап алгандан кийин Донбасста 2014-жылы жазында куралдуу чатак башталган. Соңку мезгилде Украинанын түндүк жана чыгыш чек арасына жакын... Читать дальше...

Бишкекте бүгүн 28-апрелде президент Садыр Жапаровго колдоосун билдиргендердин акциясы өттү. Иш-чара Жеңиш аянтындагы "Өчпөс оттун" жанында уюштурулуп, ага жүздөн ашуун адам катышты. Уюштуруучулар акцияга Кыргызстандын бардык облустарынан өкүлдөр келгенин билдиришти. Мамлекет башчысынын саясатын колдоп чыккандар митинг-пикеттерге, бейөкмөт уюмдарга, оппозицияга каршылыгын билдирип, Жапаровдун коррупцияга каршы күрөшүн, жүргүзүп жаткан саясатын кубаттарын айтышты. Активист Бакай Кашкарбаев өз... Читать дальше...

Саламаттык сактоо жана социалдык өнүктүрүү министри Алымкадыр Бейшеналиевдин парламентке келишин бүгүн, 28-апрелде Жогорку Кеңештин жыйынында бир катар депутаттар талап кылышты. Алар өлкөдө коронавирустун эпкини кайра күчөп турган учурда министр кырдаалды түшүндүрүп бериши керек деп эсептешет. “Вакцина тууралуу жана коронавирустун жаңы штаммы боюнча кырдаалды түшүндүрүп беришин бир айдан бери талап кылып жатабыз. Министр комитеттин жыйындарына да келген жок. Бүгүн да келбептир. Туура, ал министрди президент колдоп жаткан экен. Читать дальше...

Жоолукчан кыздардын жалпы мектептен билим алуу маселеси Жогорку Кеңеште көтөрүлдү. 28-апрелде парламенттин жалпы жыйынында депутат Айбек Осмонов Ош облусунун Кара-Суу районунда көйгөй жаралганын айтып, тийиштүү мекемелердин бул боюнча маалыматын угууну сунуш кылды: “Кара-Суу районунда мектептерге жоолукчан окуучу кыздарыбызды киргизбей жатышат. Жер-жерлерде ушундай көбөйүп жатат. Ошого билим берүү жана ички иштер министрликтерин чакырып, эмне үчүн киргизбей жатканын сурабайлыбы. Бул коомубузда абдан көйгөйлүү маселе болуп баратат”. Читать дальше...

Коронавируска каршы республикалык ыкчам штабдын бүгүнкү, 28-апрелдеги маалыматына караганда, кечээтен бери Кыргызстанда бул илдеттен үч адам каза болду. Көз жумган бейтаптардын экөө Бишкекте, бирөө Чүйдө ооруканада жаткан. Жалпысынан өлкөдө коронавирустан каза болгондор 1592 адамга жетти. Соңку бир күн ичинде вирус дагы 322 адамдан табылды. Алардын эң көбү Бишкек шаарында (227) жана Чүй облусунда (59). Өлкөдө бул оору жуккандардын жалпы саны 94 599 адамга жетти. Бир күндө 243 адам айыгып чыкты. Читать дальше...

Ысык-Көл облусунун прокурору Сыймык Жапыкеев кызматынан баш тартты. Иштен кетүү тууралуу арызын бүгүн 28-апрелде жазганын ал өзү “Азаттыкка” тастыктады: “Бүгүн жаздым Башкы прокурордун иш бөлмөсүнө кирип. Экөөбүз сүйлөшүп отуруп “Алгылачы жумушуңарды” дедим. Көңүл жатпайт иштегенге. Өзүм иштегим келбей калды”. Жапыкеев кызматтан кетүү себебин кийин айтып берерин кошумчалап, “Мындан ары эмне менен алек болосуз?” деген суроого “Өзүмдүн иштерим менен алек болом. Саякаттайм” деп жооп берди. Мурдагы... Читать дальше...

Бириккен улуттар уюмунун (БУУ) Азык-түлүк жана айыл чарба программасынын Жашыл климаттык фонду Кыргызстанга 50 миллион доллар грант берүү тууралуу чечимин кабыл алган. Мунун 22 миллион доллары айыл чарбага жумшалат. Калганы климаттын өзгөрүшүнө, айлана чөйрөнү коргоого жана энергетика тармагына коротулат. Бирок бул грантты алууга кыргыз өкмөтү жетиштүү аракет кылбай жатат. Мындай маалыматты парламент депутаты Нурбек Алимбеков бүгүн, 28-апрелде Жогорку Кеңештин жыйынында билдирди.   “Мен айыл чарба министрине... Читать дальше...

Коомдо резонанс жараткан иштер боюнча айыпталып жаткан аялдар маселеси 28-апрелде парламентте көтөрүлдү. Жогорку Кеңештин депутаты Гүлшат Асылбаева ал аялдарды үй камагына чыгарып же күрөө, тил кат сыяктуу бөгөт чарасын колдонгон туура болорун белгилеп, тийиштүү органдарга кайрылды. “Иш мыйзамга ылайык тергеле берсин, бирок бөгөт чарасын лоялдуу кылса болот го! Бул таптакыр гумандуу эмес. Башкы прокуратурадан, бардык тергөө жана укук тартибин коргоо, сот органдарынан абдан өтүнөм. Балалуу аялдар балдарын таштап чет жакка кетип калышпайт”. Читать дальше...

Жогорку Кеңештин 28-апрелдеги жыйынында депутат Таабалды Тиллаев чек ара маселеси тууралуу өкмөттүк комиссиянын иши тууралуу премьер-министрдин маалымат беришин сунуш кылды. “Өкмөт башчыны Жогорку Кеңешке чакырып, чек арадагы абалды талкуулайлы. Ал жерде бир топ программалар кабыл алынып жатыптыр. Өкмөттүн соңку чечимдери чек арага жакын аймакта жашап жаткан жарандарга түшүнүксүз болууда. Муну өкмөт башчы түшүндүрүп, программасын айтып берсе болот эле. Чек ара маселеси азыр чечилеби же жокпу?”. Читать дальше...

Бишкектин Административдик сотунда ушу тапта Кыргызстан элдик-демократиялык партиясынын (КЭДП) Борбордук шайлоо комиссиясынын (БШК) чечимине каршы даттануусу каралып жатат. Сот имаратынын алдында партиянын мүчөлөрүнүн жана тарапкерлеринин митинги өтүүдө. Ага жүздөн ашуун адам катышып жатат. Митингчилер колунда “Биздин добуштардын уурдалышына жол бербейбиз”, “Чындык үчүн, КЭДП үчүн” деген жазууларды кармап турушат. БШК 23-апрелде партиянын Бишкек шаардык кеңешине өткөн шайлоодо алган добуштарын жокко чыгарган. Читать дальше...