Новости за 26.01.2023

Жазуучу, публицист Аким Кожоевдин блогу. Автордун пикири "Азаттыктын" көз карашын чагылдырбай турганын эскертебиз. Билимге ушул кишидей умтулуп, ушул кишидей намыстанса... Ырас, Азамат Алтай тууралуу мурда да анча-мынча окуп, угуп жүрчүмүн. Бирок Кыргыз эл баатыры, эл жазуучусу, көрүнүктүү драматург Бексултан Жакиевдин "Азамат Алтай" атуу повесть-эссесин окуп чыккандан кийин бул киши жөнүндөгү көз карашым кескин өзгөрдү. Атактуу философ Сократ: "Мен эч нерсе билбей турганымды гана билем"... Читать дальше...

Сырттан келген насыя-гранттарды өз кызыкчылыгына колдонгону далилденген кызматкерлердин жоопкерчилиги боюнча мөөнөттү чектебөө сунушун 26-январда Жогорку Кеңештин жалпы жыйынында депутат Айбек Осмонов айтты. Ал Кыргызстандын сырткы карызы боюнча маалыматтарды изилдеп чыкканын, жол, таза суу, энергетика тармактарына алынган акча боюнча суроолор бар экенин белгилеп, чыгымды мамлекетке кайтарбагандардын жаза чарасын мөөнөтсүз кылуу керек деген оюн айтты: “7-10 жыл өткөндөн кийин кылмыш эскирет экен. Читать дальше...

Бишкекте 26-январда Өзекстандын президенти Шавкат Мирзиёевдин эки күндүк мамлекеттик сапарын утурлай уюштурулган кыргыз-өзбек бизнес форумунун алкагында 11 документке кол коюлду. Алар: Эки мамлекеттин айыл чарба министрлеринин агроөнөр жай жаатында кызматташуусунун жол картасы; Жалал-Абад облусунда текстиль өндүрүү жаатында кызматташуу тууралуу макулдашуу; Нарында терини кайра иштетүү жана картошка өндүрүү боюнча агрокластер уюштуруу жөнүндөгү макулдашуу; Мал чарбасы жана картошка өндүрүү... Читать дальше...

Ооганстандын Памир өрөөнүн байырлаган кыргыздардын абалын билүү үчүн ал жакка элчиликтин ишенимдүү өкүлү жөнөтүлгөнүн бүгүн 26-январда Жогорку Кеңеште депутаттарга маалымат берип жатып президенттин жана өкмөттүн парламенттеги өкүлү Алмасбек Абытов билдирди: “Саламаттык сактоо министрлиги Тышкы иштер министрлиги менен биргеликте Чоң Памир тоолорунда телефон байланышы жок экени белгиленип, этникалык кыргыздардын чыныгы абалын тактоо үчүн ал жакка элчиликтин ишенимдүү өкүлү жөнөтүлгөн. Ошол эле учурда Кичи Памирде абал тынч... Читать дальше...

Бишкекте 26-январда кыргыз-өзбек форумунда Министрлер кабинетинин төрагасы Акылбек Жапаров коңшу мамлекет менен энергетика жаатында кызматташууга кызыкдар экенин билдирди. Ал өзбек компанияларын Кыргызстанда орто жана чакан ГЭСтерди куруу долбоолоруна катышууга чакырды. "Айлана-чөйрөнүн булганышы жана климаттын өзгөрүшүнө байланышкан глобалдык көйгөйлөрдү эске алуу менен биздин мамлекет "таза" энергетиканы ишке киргизүү жаатында кызматташууга абдан кызыкдар. Биздин өлкө энергиянын кайра жаралуучу булактарынын жогорку потенциалына ээ... Читать дальше...

Диний кастыкты козутууга шектелген окутуучу Гүлзат Аалиева соттон толук акталып чыкканын бүгүн 26-январда Бишкектин Биринчи Май райондук сотунан билдиришти. Мекеменин маалыматына караганда, актоо өкүмү аталган сотто былтыр 24-ноябрда кабыл алынган. “Күнөөсү жок деп табылып, кылмыш курамы аныкталбагандыктан акталды. Акталган Гүлзат Аалиева реабилитациялоого укуктуу” деп айтылды соттун басма сөз кызматынын маалыматында. Философия илимдеринин кандидаты, доцент Гүлзат Аалиева 2021-жылы 21-апрелде кармалып, үй камагына алынган. Читать дальше...

26-январда Министрлер кабинетинин төрагасы Акылбек Жапаров Бишкекте Кыргыз-өзбек бизнес форумунда эки өлкөнүн ортосундагы товар жүгүртүүнүн көлөмү өскөнүн билдирди. Ага ылайык, былтыр 11 айда бул көрсөткүч 543 миллион доллардан ашты. "Мурдагы жылга салыштырмалуу 21% өстү. Албетте бул стратегиялык өнөктөштөрдүн эки тараптуу соода-сатыгынын чеги эмес. Жакынкы аралыкта биздин өлкөлөрдүн ортосундагы товар жүгүртүүнүн көлөмү миллиарддаган көрсөткүчкө жетет деп үмүттөнөм. Бул жерде эки мамлекеттин ишкерлеринин ролу чоң. Читать дальше...

Бишкекте 24 жаштагы кыздын жолдогу өлүмү үчүн айыпталып жаткан адамдын бөгөт чарасы өзгөртүүсүз калтырылды. Свердлов райондук сотунун аны үй камагында кармоо тууралуу чечимин бүгүн 26-январда Бишкек шаардык соту күчүндө калтырды. Мекеменин басма сөз кызматы билдиргендей, шектүүнүн адвокаты аны камакта кармоого ден соолугу мүмкүнчүлүк бербей турганы жөнүндө экспертизалык далил документтерди көрсөттү. Ички иштер министрлигинин академиясында окуп жаткан Айза Улан кызы Бишкекте жол кырсыгынан каза болгонун... Читать дальше...

Кыргызстанда түрмөдө отургандардын өкүмүн кайра карап чыгып, эгер күнөөсү анча оор эмес болсо камактан бошотуу сунушталууда. Бүгүн 26-январда Жогорку Кеңештин жалпы жыйынында сүйлөп жатып депутат Жеңишбек Токторбаев камактагылардын көбү “күчүндө, иштей турган курактагы” 45-50 жашка чейинкилер экенин белгилеп, алар мурдагыдай жумуш менен камсыз кылынбаганын белгиледи: “Союз мезгилинде ар бир түрмөнүн ичинде чакан заводдор жана цехтер бар эле. Азыр эч нерсе жок. Өкмөттөн аларды каржылоого 1 миллиард сом кетет экен. Читать дальше...

Архитектура, курулуш жана турак жай - коммуналдык чарба мамлекеттик агенттигинин жетекчиси Нуртазин Жетибаев кызматтан кетти. Анын ордуна Бишкек шаардык мэриясынын мурдагы аппарат башчысы Мырзабек Жыпаркулов дайындалып, 26-январда эмгек жамаатына тааныштырылды. Бул тууралуу маалыматты "Азаттык" радиосуна Министрлер кабинетинин басма сөз кызматынан ырастады. Анын кызматтан алынышынын себеби түшүндүрүлгөн жок. Нуртазин Жетибаев бул кызматка былтыр июнь айында дайындалган. (TAb)

Мурдагы вице-премьер-министр Жеңиш Разаков алдамчылыкка шектелип кармалды. Бул тууралуу маалыматты “Азаттыкка” укук коргоо органдарындагы булактар ырастады. Ал Бишкек шаардык ички иштер башкы башкармалыгынын убактылуу кармоочу жайына киргизилген. Ички иштер министрлиги Разаковдун кармалышы боюнча расмий маалымат бере элек. Жеңиш Разаков 2012-2016-жылдары Баткендин губернатору, андан кийин өкмөттө вице-премьер-министр кызматын аркалаган. 2017-жылы Коопсуздук кеңешинин катчысы, 2018-жылы президенттин кеңешчиси... Читать дальше...

Жогорку Кеңеште 15-февралда Министрлер кабинетинин төрагасы Акылбек Жапаровдун катышуусу менен “өкмөттүн күн” өтөт. Бул тууралуу парламенттин төрагасы Нурланбек Шакиев 26-январдагы жыйында билдирди. Шакиев 25-январда Акылбек Жапаров менен жолугушуп, автоунааларын милдеттүү камсыздандыруудан өткөрбөгөн айдоочуларга айып салуунун мөөнөтүн жылдырууну, парламентте өкмөттүк күндү өткөрүүнү макулдашкан. “Өкмөт жазгы талаа иштери, арзан айыл чарба кредиттери жана башка маселелер боюнча астейдил даярданып келе турган болду”, - деди Шакиев. Читать дальше...

Автоунааларын милдеттүү камсыздандыруудан өткөрбөгөн айдоочуларга айып салуунун мөөнөтү жылдырылат. Жогорку Кеңештин төрагасы Нурланбек Шакиев бул маселе боюнча Министрлер кабинетинин төрагасы Акылбек Жапаров менен жолугушканын парламенттин 26-январдагы жыйынында билдирди. “Акылбек Жапаров менен кеңешип, 1-апрелден тарта айып салуунун мөөнөтүн жылдырдык. Президент да ушундай тапшырма берген экен”, - деди төрага. Шакиев канча мөөнөткө жылдырыла турганын тактаган жок. Парламенттин 25-январдагы... Читать дальше...

Бүгүн, 26-январда "Азаттык Медианын” Маданият, маалымат, спорт жана жаштар саясаты министрлигинин сайтты бөгөттөгөн чечимин мыйзамсыз деп табуу арызы боюнча Бишкектин административдик сотунда алдын ала угуу өттү. Судья министрликтин өкүлүн "Азаттык Медианын" сайтын жабуу боюнча чечимдин көчүрмөсүн эмес, түп нускасын алып келүүгө милдеттендирди.  Кийинки соттук отурум 17-февралга белгиленди.   26-октябрда Кыргызстандын Маданият, маалымат, спорт жана жаштар саясаты министрлиги “Азаттык Медиа”... Читать дальше...

Бүгүн, 26-январда Өзбекстандын президенти Шавкат Мирзиёевдин Кыргызстанга эки күндүк мамлекеттик сапары башталат. Анын алкагында эки өлкөнүн президенттери кызматташтык маселелерин талкуулап, бир катар документтерге кол коюлары, сапарды утурлай кыргыз-өзбек бизнес форуму өтөт. Бул тууралуу 24-январда президенттик администрациянын тышкы саясат бөлүмүнүн башчысы Муратбек Азымбакиев билдирген. Ички иштер министрлиги Мирзиёевдин мамлекеттик сапарына байланыштуу Бишкек шаарындагы айрым көчөлөрдө жол кыймылына чектөө киргизилерин кабарлап... Читать дальше...