Новости за 02.05.2023

Таласта уурулукка шектүү адам кармалганын, аны устунга таңып, өз алдынча жазалоо аракетин көргөндөргө да укуктук баа берүү боюнча иш жүрүп жатканы кабарланды. Бул окуя коомчулукта курч талкуу жаратты. Айрымдар муну "мыйзамдын алсыздыгы" деп бааласа, кээси "укук коргоо органдарына болгон ишенимдин жоктугуна" байланыштырып жатат. 30-апрелде интернетке Талас районуна ​караштуу мал базарда "чөнтөккө кол салып, уурулук жасаган” деген кишини топтолгон адамдар электр зымы тартылган устунга колунан​ жана... Читать дальше...

Аламүдүн районунун Ленинское айылынын жергиликтүү кеңешинин депутаты "аймактар аралык кастыкты козутууга" айыпталып кармалды. Бул тууралуу Чүй облустук ички иштер башкармалыгынын басма сөз кызматы 2-майда билдирди. Аламүдүн райондук прокуратурасына А.Б. аттуу жаран арыз менен кайрылып, жергиликтүү кеңештин депутатына чара көрүүнү өтүнгөн. “Ал 2022-жылдын 7-июнунда Ленинское айылынын жашоочуларын чогултуп, бул айылга башка аймактардан келген жашоочуларга карата өз эрежелерин түзүп, бул айылдан... Читать дальше...

Бишкек шаары боюнча басып алынган жер участокторуна быйыл апрелдин соңуна чейин 10 миң 744 техникалык паспорт берилди. Бул тууралуу “Кадастр” мамлекеттик ишканасынын басма сөз кызматы 2-майда билдирди. Алардын 2392си Ленин, 4859у Биринчи Май, 3006сы Свердлов жана 487си Октябрь райондоруна туура келет. Мекеме техникалык паспорттор жерди мыйзамдаштырууга укук бербей турганын, өзүм билемдик менен басып алынган бардык эле жерлер мыйзамдаштырылбай турганын эскертти. “Электр чубалгылары, газ түтүктөрү өткөн... Читать дальше...

Бишкек шаардык соту Кемпир-Абад ишине байланыштуу абакта отурган активист Эрлан Бекчоро уулунун бөгөт чарасын карап, абакта калтырды. Бул тууралуу анын адвокаты Кантемир Турдалиев “Азаттыкка” билдирди. Ага дагы бир айып тагылганы белгилүү болду. "Бүгүн шаардык сот 17-апрелде Биринчи май райондук соту чыгарган токтомду күчүндө калтырган чечим чыгарды. Биз үй камагына чыгарып берүүнү өтүнгөнбүз. Бул чечим даттанууга жатпайт, бирок биз бейөкмөт уюмдар аркылуу эл аралык укук коргоо мекемелерине кайрылуу жасап жатабыз. Читать дальше...

Кошмо Штаттар менен Финляндия коргонуу жаатында кызматташуу үчүн эки тараптуу келишим даярдап жатат. Бул документ Финляндиянын аймагына АКШнын аскердик базасын орнотууга жол ачат. Келишимде аскердик базага өзөктүк курал жайгаштырууга болбой турганы жазылган. Финляндиянын тышкы иштер министринин өкүлү Микаэль Антелл келишимдин тексти даяр экенин, бир жолу кароодон өткөнүн билдиргенин Helsingin Sanomat гезити жазган. Ал АКШнын базасынын кириши менен Финляндиянын коргонуусу бекемделет деп эсептейт. Читать дальше...

Бишкекте сот кызматкерлери журналистке күч колдонгонун бүгүн 2-майда Govori TV порталынын жетекчиси Кайыргүл Урумканова билдирди. Анын айтымында, аталган порталдын кабарчысы Кемпир-Абад маселеси боюнча кармалгандардын сотуна даярданып, жабдыктарын орнотуп жаткан учурда аны сот залындагы тартип сакчылары күч колдонуп, чыгарып салышты. Урумканова окуя кабарчы видео камерасын иштете элек учурда болгонун белгилеп, “формачан адамдар өзүн тааныштырбастан, себебин түшүндүрбөстөн” ушундай кадамга барышканын айтты. Читать дальше...

"Хьюман Райтс Уотч" (Human Rights Watch - HRW) эл аралык уюму жаңы баяндамасында былтыр сентябрда талаштуу чек арадагы 100дөн ашуун кишинин өмүрүн алган төрт күндүк жаңжал маалындагы кыргыз жана тажик күчтөрүнүн аракеттеринде “эки тараптан тең согуш мыйзамдарын олуттуу бузуу" болгон деп билдирди. 2-майда жарык көргөн баяндама - эки постсоветтик өлкөнүн чек ара талашынан тутанган жаңжалдагы эң кандуу окуя орун алгандан бери эл аралык беделдүү укук коргоо уюму даярдаган алгачкы доклад болуп калды. Читать дальше...

Жыл сайын инфляцияга жараша жогорулап турушу керек болгон электр энергиясынын тарифи саясий себептерден улам өзгөртүлбөй келгенин бүгүн 2-майда “Биринчи Радиого” курган маегинде энергетика министри Таалайбек Ибраев билдирди. Министр тариф 2015-жылдан бери өзгөрбөгөнүн айтты: “Тарифти саясатка байлап келишкен. Энергетиктерге мүмкүнчүлүк берилип, жыл сайын инфляцияга жараша тариф көтөрүлсө бүгүнкү күндө 1 кВт/сааты 1 сом 40 тыйын турмак. Тариф саясатын карайбыз деген сайын шайлоо же референдум сыяктуу саясий окуялар чыгып калчу. Читать дальше...

Мындан туура эки жыл мурда кыргыз-тажик чек арасындагы куралдуу кагылыш чыгып, андан 36 кыргызстандык курман болгон. 170тен ашык тургун жараат алган. Тажикстан 19 жараны мерт болгонун кабарлаган. Үч күнгө созулган куралдуу жаңжал 1-майда жөнгө салынган. Андан бери жараат алгандар арасында азырга чейин төшөктө жаткандар да бар.

Кыргызстанда бүгүн 2-майда салык декларациясын тапшыруу өнөктүгү жыйынтыкталууда. Салык органдары декларацияны түнкү 12ге чейин кабыл алышат. Бирдиктүү салык декларациясын тапшыруунун акыркы күнү (30-апрель) бул жолу дем алышка (жекшемби) туш келгени, ал эми 1-май майрам күн болгону үчүн мөөнөт эки күнгө узартылган. Мекеме салык декларациясын төмөнкүлөр тапшырышы керек экенин эскерткен. Алар: - жеке ишкерлер (анын ичинде патент менен иштегендер); - менчигинде салык салынуучу мүлкү жана жер... Читать дальше...

Кыргыз-казак чек арасына жакын Казакстандын Кордай районунда 2 миңге жакын этникалык кыргыз жашайт. Бишкектен 30 чакырым гана алыстыкта жайгашкан бул район Кыргызстан менен тыгыз байланышта. Эки эл кыз берип, уул үйлөп, соода тармагында да мамилесин үзбөй келишет. "Данисте" бул жолу кордайлык кыргыздардан кабар алып келди.