Новости за 21.11.2023

21-ноябрдагы жаан-чачынга байланыштуу Кыргызстандын тоолуу райондорунда, Каракол-Эңилчек жолундагы Чоң-Ашуу ашуусунда кар көчкү түшүүcү жана кар күрткүсү күтүлөт, жолдор тайгак болуп муз тоңот. Унаалардын ортосундагы 500 метр аралык кыймыл чектелиши зарыл. 22-ноябрда түнкүсүн жана күндүн биринчи жарымында жаан-чачын жок. Күндүн экинчи жарымында Талас, Жалал-Абад, Баткен облустарынын айрым жерлеринде жаан, тоолуу райондорунда кар жаайт. Батыштан соккон шамалдын ылдамдыгы секундасына 4-9 метрге жетет. Читать дальше...

Кыргызстан 2023-жылы тышкы карыздын 360 млн долларын төлөдү. Бул маалыматты министрлер кабинетинин төрагасы Акылбек Жапаров 20-ноябрда Жогорку Кеңештин Бюджет, экономика жана фискалдык саясат комитетинин жыйынында билдирди. Өкмөт башчы келерки жылдын бюджети каралган жыйында мамлекеттик казынадагы акчаны үнөмдөө зарылдыгын эскертти. "Быйыл 360 млн доллар гана төлөдүк. Келерки жылы 470 млн долларды нак төлөп беришибиз керек. 2025-жылы 532 млн доллар төлөөгө тийишпиз. Ал жакта да чыгашаларыбыз өсүп жатат. Читать дальше...

Кыргыз-казак чек арасындагы “Ак-Тилек” көзөмөл-өткөрмө бекетинде оор жүк ташуучу машиналардын тыгыны тарай элек. Бүгүн 21-ноябрдын саат 13:00үнө карата Казакстан тарапка чек ара көзөмөлүнөн өтүүгө 510 жүк ташуучу унаа кезекте турганын Чек ара кызматы билдирди. Мекеменин басма сөз кызматынын маалыматына караганда, мамлекеттик чек ара тилкесиндеги бардык өткөрүү жайлары штаттык режимде иштеп жатат, кыргыз тараптан да, казак тараптан да жүк ташуучу транспорт каражаттарына эч кандай чектөө жок. “Өткөн... Читать дальше...

Президент Садыр Жапаров Кыргызстан менен Кытайдын мамилесинде эч кандай маселе жоктугун жана Бишкек “Бир алкак – бир жол” долбоорун колдой турганын билдирди. Бул тууралуу ал 20-ноябрда Жапониядагы расмий сапарынын алкагында NHK телеканалына берген маегинде айтты. Ал азыр өлкө “туюк абалда” калганын, Европа же башка өлкөгө чыгуу үчүн Казакстан менен Орусиянын аймагы аркылуу өтүшү керектигин, "Бир алкак – бир жол" долбоору Кыргызстан үчүн да зарыл экенин белгиледи. “Биздин түндүгүбүз менен түштүгүбүз темир жол аркылуу бириккен эмес. Читать дальше...

Келерки жылы Казакстандын борбору Астана шаарында “Борбор Азия – Жапония” саммити өтөт. Мындай аянтчадагы жыйын буга чейин министрлердин катышуусунда болуп келсе, эми алгачкы жолу президенттердин деңгээлинде өтөт. Бул тууралуу президент Садыр Жапаров Жапонияга расмий сапарынын алкагында NHK телеканалына берген маегинде билдирди. “Бул саммитте Жапония менен Борбор Азия кандай негизде кызматташары тууралуу сөз болот. Мисалы, Борбор Азияда кен байлыктар көп, ушул багытта жана логистикалык борборлорду... Читать дальше...

Газа тилкесиндеги согушту көрүп, мекенине эвакуациялангандардын арасында алматылык ветеринар Сюзанна Эл-Султан да бар. Калаба жүрүп жаткан аймакта бир айдан ашык жүргөн кыз “Настоящее Время” каналына баштан кечиргендерин айтып берди.

Токтогул Сатылганов атындагы улуттук филармонияда 20-ноябрда Кыргыз Республикасынын эл артисти, белгилүү төкмө акын Замирбек Үсөнбаевдин чыгармачылыгынын 55 жылдыгы белгиленди. "Өрнөктүү элден бата алып, Өнөргө болдук аталык" аталышындагы салтанаттуу иш-чарага Замирбек Үсөнбаев өзү, мамлекеттик катчы Сүйүнбек Касмамбетов, маданият, маалымат, спорт жана жаштар саясаты министри Алтынбек Максүтов баш болгон мамлекеттик жана коомдук ишмерлер, маданият өкүлдөрү жана төкмө акындын шакирттери катышты. Читать дальше...

Улуттук коопсуздук боюнча мамлекеттик комитеттин (УКМК) басма сөз кызматы Бишкек шаарында жана Чүй облусунун аймагында жасалма алкогол ичимдиктерин чыгарган жашыруун цехтер аныкталганын маалымдады. Ага ылайык, УКМК жана Финансы министрлигине караштуу Алкогол ичимдиктер рыногун жөнгө салуу жана көзөмөлдөө кызматынын кызматкерлери 17-ноябрда "Береке универсал" соода борборунда күмөндүү акциздик маркалар менен чыгарылган алкоголдун ири партиясын алышкан. УКМКнын басма сөз кызматы учурда кылмыш... Читать дальше...

Жалпы аянты 15062 чарчы метрди түзгөн 288 батир Мамлекеттик мүлктү башкаруу агенттигине өткөрүлөт. Жалпысынан 616 млн 85,6 миң сомго бааланган бул батирлер "Артис Глобал Ко ЛТД" жана "Кыргыз Каганат" курулуш компанияларына таандык. Министрлер кабинетинин токтомуна ылайык, батирлер аталган компаниялар менен Мамлекеттик курулуш агенттигинин турак жай департаментинин ортосундагы 2018-жылы түзүлгөн келишимге ылайык берилгени жатат. Келишимде турак жай курулган жер тилкелери Бишкектеги Ахунбаев, Некрасов... Читать дальше...

Сокулук райондук соту Чүйдүн Селекция айылында таза суу талап кылган акциядагы жол тосууга айыпталып кармалгандар боюнча чечим чыгарды. Блогер Эртай Искаковго 50 миң сом айып чегерди. Селекциянын тургундары Бакыт Балбаев менен Бактыбек Бекболотов 100 күндүк коомдук жумушка тартылмай болду.

Орусиянын Астрахан шаарында кеминде үч адам жасалма баңгизат - метадонду ашкере  пайдаланып каза болгонун ТАСС агенттиги билдирди. "Известия" басылмасына полициядагы булак төрт адам өлгөнүн айткан. Метадонду ашыкча пайдаланган 20 чакты адам бир нече күн аралыгында Астрахандагы ооруканаларга кайрылган. Алты кишинин абалы оор экенин жергиликтүү саламаттык сактоо мекемелери дүйшөмбүнүн кечинде билдиришкен.  ТАСС менен "База" басылмасы тергөөгө шилтеме кылып, жабыркагандар метадонду мефедрон деп адашып пайдаланганы үчүн ууланганын маалымдады.

OpenAI компаниясынын ChatGPT программасын иштеп чыккан 770 кызматкеринин 700дөн ашууну компаниянын директорлор кеңеши кызматтан кетпесе, өздөрү жумуштан кетерин билдиришти. Алар директорлор кеңешин татыксыз деп эсептей турганын жетекчиликке жазган катында билдиришкен. Нааразылыкка директорлор кеңешинин компаниянын башчысы Сэм Альтманды жана башкаруучу кеңештин төрагасы Грег Брокманды кызматтан алуу чечими себеп болгон. Wired журналы маалымдагандай, кызматкерлердин катында: "Силердин чечим биздин... Читать дальше...

Nazar news сайтынын ээси Гүлжан Шерипбаева 20-ноябрда Биринчи Май райондук сотунун чечими менен үй камагына чыкканын анын адвокаты Жаныш Бараков "Азаттыкка" ырастады. "Гүлжан Шерипбаеванын бөгөт чарасы 20-ноябрда Биринчи Май райондук сотунун токтому менен өзгөртүлүп, үй камагына чыгарылды. Айыпталуучу макамы сакталат, сотко чейинки өндүрүш уланууда", - деди адвокат. Шерипбаева 18-ноябрда 1-декабрга чейин Бишкектеги №1 тергөө абагына камакка алынган. Ага Кылмыш-жаза кодексинин 330-беренесинин 1-бөлүгү (“расалык... Читать дальше...